Lajmet

Kurti: S’mund t’i konsiderojmë ambasadorët e QUINT-it si ministra

Kryeministri Kurti tha se Serbisë do t’i dështojnë planet në Kosovë.

Published

3 years ago

on

Kryeministri i Kosovës, Albin Kurti ka thënë se janë në bashkërendim me faktorët ndërkombëtarë për zhvillimet në veri, por shtoi se institucionet e Kosovës duhet të jenë në nivel të detyrës për respektimin e kushtetutshmërisë dhe ligjshmërisë.

Para deputetëve në seancën e sotme, Kurti tha se s’mund t’i trajtojnë ambasadorët e QUINT-it si ministra dhe ata të bëhen zëvendësit e tyre.

“Vazhdimisht jemi në konsultë dhe bashkërendim me faktorët ndërkombëtarë. Por ju duhet të kuptoni se edhe ata presin që ne të jemi në nivel të detyrës në vendin tonë. Janë ambasadorët e QUINT-it, por ata s’bëhen ministra. Ministrat janë qytetarët e këtij vendi, aktualisht në qeverinë tonë. Qeveritë shkojnë e vijnë, por shteti mbetet. Ai është caku ynë dhe kuptimi ynë. Andaj bashkërendimi me faktorët ndërkombëtarë nuk mund të bëhet në mënyrën që ne i trajtojmë ata si ministra dhe ne bëhemi zëvendës të tyre”, tha ai.

Kryeministri Kurti tha se Serbisë do t’i dështojnë planet në Kosovë.

“Dikush e instrumentalizon dallimin sepse e dëshiron territorin tonë. Kur e panë që nuk po kanë sukses në ndarjet shqiptarë dhe serbë, thanë ‘serbët në veri janë ndryshe prej këtyre në jug’. Kjo nuk është e vërtetë, po dëshirojnë se serbët në jug, sikur puna e ministrit Rashiq, t’i shpallin tradhtar. Ky është plani B i tyre, por qysh ka dështuar plani A, do të dështojë edhe plani B. Beteja kryesore sot është betejë për mbështetjen e mekanizmave tonë shtetërorë dhe për fuqizimin e shpjegimit të vërtetë për situatën në teren”, deklaroi Kurti.

Ai nënvizoi se Policia e Kosovës asnjëherë nuk është e nxitur dhe e orientuar kundër serbëve.

“Policia e Kosovës kurrë nuk është e drejtuar e nxitur dhe orientuar kundër serbëve. Përkundrazi, ajo ka një konsideratë shtesë për serbët në Kosovë. Pikërisht për shkak të keqinterpretimeve që mund të bëhen nga fqinji ynë verior. Mirëpo, në të njëjtën kohë ne kemi obligime dhe përgjegjësi nga Kushtetuta dhe ligji. Kur japin dorëheqje kryetarët e katër komunave në veri ka pastaj obligime kushtetuese dhe ligjore”, tha ai.

Në anën tjetër, kërkoi mbështetjen e opozitës për zhvillimet në veri.

“Unë plotësisht e njoh, mirënjohës dhe respektoj të drejtën për kritikë ndaj qeverisë dhe kryeministrit. Por duhet të kuptoni se shumëçka për mos të dhënë gjithçka që po ndodh është çështje e shtetit të Kosovës. Ne përpiqemi me atë çka mundemi dhe dimë të jemi më së shumti në shërbim të kësaj. Të jemi në nivelin tonë të detyrës si zyrtarë shtetërorë. Për këtë është mirë të kemi ndihmën e juaj edhe me mbështetje publike dhe ide konkrete, pasi qëllimin e kemi të përbashkët. Jemi në shërbim të kushtetutshmërisë dhe ligjshmërisë”, tha ai.

Related Topics:
Continue Reading

Lajmet

UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric

Published

1 day ago

on

December 12, 2025

By

UBT është renditur ndër institucionet më të mira në botë nga UI GreenMetric World University Ranking, një ndër vlerësimet globale më prestigjioze për qëndrueshmërinë universitare dhe kampuset e gjelbra. UBT është institucioni i parë në rajon që pozicionohet me sukses në këtë renditje të rëndësishme ndërkombëtare.

Nga mbi 1,800 institucione pjesëmarrëse nga e gjithë bota, UBT është renditur në 50% e institucioneve më të mira, duke konfirmuar angazhimin e tij për krijimin e kampuseve të gjelbra, të qëndrueshme dhe inovative.

Në veçanti, në kategorinë e kampuseve inovative, në mesin e mbi 500 institucione të përfshira globalisht, UBT u rendit në vendin e 169, duke treguar përkushtimin e vazhdueshëm të institucionit ndaj standardeve ndërkombëtare dhe inovacionit në mjedis.

UI GreenMetric përdor një metodologji që vlerëson 39 indikatorë në gjashtë fusha kyçe: mjedisin dhe infrastrukturën, energjinë dhe ndryshimet klimatike, menaxhimin e mbetjeve, ujin, transportin, si dhe edukimin dhe kërkimin.

Rezultatet e këtij viti e pozicionojnë UBT-në si një nga institucionet më të përparuara në rajon për qëndrueshmërinë e kampusit dhe politikat inovative të menaxhimit. Kjo arritje e vendos UBT-në në një pozitë të veçantë në hartën akademike ndërkombëtare dhe përfaqëson një sukses të jashtëzakonshëm për institucionin dhe arsimin e lartë në Kosovë.

Ajo dëshmon se institucionet në Kosovë mund të konkurrojnë me sukses në skenën globale, duke tejkaluar standardet ndërkombëtare në qëndrueshmëri, inovacion dhe zhvillim të përgjegjshëm. UBT ka qenë pjesë e kësaj renditjeje prestigjioze edhe në vitet 2023 dhe 2024, duke treguar një angazhim të vazhdueshëm për qëndrueshmërinë mjedisore dhe ndryshimet klimatike.

Continue Reading

Vendi

Prof. Ferid Selimi: Kërkimi shkencor në Kosovë ka potencial, por kërkon standarde të qarta

Published

1 day ago

on

December 12, 2025

By

Profesori dhe Dekani i Fakultetit të Medias dhe Komunikimit në UBT, Prof. Dr. Ferid Selimi, ishte mysafiri i radhës në Podcastin e UBT-së, ku diskutoi gjerësisht mbi gjendjen aktuale të kërkimit shkencor në Republikën e Kosovës.

Në këtë episod, Prof. Selimi foli për terrenin akademik dhe institucional në vend, duke e vlerësuar atë si një hapësirë me potencial të konsiderueshëm, por që ende përballet me sfida strukturore dhe metodologjike. Ai theksoi se zhvillimi i kërkimeve të mirëfillta shkencore kërkon qasje të plotë në të dhëna, transparencë institucionale, infrastrukturë adekuate dhe mbështetje financiare, elemente të cilat në Kosovë shpesh mungojnë ose janë të fragmentuara.

Për më shumë, ndiqni Podcastin në Youtube: PODCASTI

Continue Reading

Sport

Laporta i Barcelonës dëshmon para gjykatës

Published

1 day ago

on

December 12, 2025

By

Presidenti i FC Barcelona, Joan Laporta, është thirrur sot si dëshmitar në hetimet për “Rastin Negreira”, që heton pagesat e klubit ndaj ish-nënkryetarit të Komitetit Teknik të Arbitrave, José María Enríquez Negreira, dhe kompanive të tij.

Laporta do të japë dëshminë e tij si dëshmitar, pasi hetimi për periudhën kur ai ishte president (2003-2010) është mbyllur për shkak të afateve ligjore. Gjyqtarja do t’i drejtojë pyetje mbi arsyet dhe rritjen e pagesave gjatë asaj periudhe.

Deklarimi i tij para gjyqtares Alejandra Gil ka filluar që në orën 11:30 në Ciutat de la Justícia në Barcelonë.

Hetimi lidhet me pagesa prej mbi 8 milionë eurosh që Barcelona ka bërë gjatë viteve 2001–2018, të cilat prokuroria i dyshon. FC Barcelona ka pohuar se pagesat ishin për raporte teknike lidhur me arbitrimin.

Deklarime të rëndësishme kërkohen nga Laporta për të sqaruar arsyet e vendosjes së këtyre pagesave dhe rolin e tij në vendimet e bëra atëherë.

Përveç Laportas, trajnerët e mëparshëm të Barcelonës, Luis Enrique dhe Ernesto Valverde, janë gjithashtu të thirrur për të dëshmuar. Hetimi, i nisur pas një padie të prokurorisë në mars 2023, shqyrton nëse pagesat i korrespondojnë shërbimeve të pretenduara dhe nëse ka pasur ndikim arbitral në ndeshjet e klubit.

Continue Reading

Lajmet

Modric: Milan është klubi më i madh italian, po shijoj çdo moment

Published

1 day ago

on

December 12, 2025

By

Ylli kroat i Milan, Luka Modric, po përjeton një fillim fantastik në San Siro dhe e ka shprehur entuziazmin e tij për jetën dhe futbollin në Milano.

40-vjeçari, fitues i Topit të Artë 2018, iu bashkua Rossonerëve si agjent i lirë nga Real Madrid gjatë verës dhe ka startuar 14 ndeshje radhazi në Serie A.

“Ndjehem mirë, fizikisht dhe mendërisht, dhe po shijoj atë që bëj. Dua të vazhdoj kështu sepse po argëtohem,” tha Modric për Gazzetta dello Sport.

Milan aktualisht është në krye të tabelës së Serie A, së bashku me Napoli, edhe pse nuk marrin pjesë në garat europiane këtë sezon. Modric theksoi vështirësitë e kampionatit Italian./S.K/KP/

Continue Reading

Të kërkuara