Lajmet

Kurti përplaset me opozitën: Nevojitet një seancë e mbyllur kur ki deputetë që flasin palidhje

Ai poashtu tha se në vëllimin e punës që bën, dialogu me Serbinë nuk është prioritet numër një dhe as dy.

Published

3 years ago

on

Kryeministri i Kosovës, Albin Kurti, është përplasur me shefat e grupeve parlamentare të PDK-së dhe LDK-së, në interpelancën e sotme ndaj tij për situatën e krijuar në veri.

Kreu qeveritar, madje ka thënë se duhet një seancë të mbyllur, “kur ki deputetë që flasin kaq pa lidhje”.

“Unë e kam shumë të vështirë të diskutojmë për strategji dhe platforma me dikë që thotë se nuk na interesojnë rrugët që shtrohen në veri. Në njërën anë, nuk më interesojnë rrugët që shtrohen në veri, ndërsa në anën tjetër tregona strategjinë. Për kënd je duke punuar ? S’më interesojnë rrugët që shtrohen në veri, por tregoma strategjinë. Jo vetëm kjo, por edhe ajo çka tha deputeti Tahiri, ku tha se ‘kemi policë aq sa t’i mbrojnë ndërtesat atje’. Kjo është sikur t’i bësh thirrje Serbisë. Prandaj unë po pajtohem me deputeti Hoxhaj i cili tha se na nevojitet një seancë e mbyllur ke deputetë që flasin kaq pa lidhje”, tha ai.

Atij i reagoi shefi i Grupit Parlamentar të PDK-së, Abelard Tahiri.

“Urdhëro dil në foltore dhe thuaje numrin e saktë të policëve sa i ke në ato stacione policore. Duhet ditur gjendjen që e ki dhe e cila është e mjerueshme”, tha ai.

Më i ashpër u shpreh shefi i Grupit Parlamentar të LDK-së, Arben Gashi, i cili tha se kryeministri Kurti po shndërrohet në fatkeqësi për vendin.

“Edhe kur i hapte krahët dhe bërtitke ‘Amelika, Amelika, Grenelli, Grenelli’, thoshte në këtë kuvend që nuk i shtrihem Amerikës me konotacione dhe implikime që ishin të papranueshme në këtë parlament. Kryeministri fatkeqësisht po shndërrohet në fatkeqësi për vendin”, tha Gashi.

Atyre iu reagoi sërish kryeministri Kurti, i cili tregoi edhe detaje nga biseda me ambasadorin amerikan, Jeffrey Hovenier

“Ambasadori amerikan kur më ka thirrur mua, teksa kthehesha prej Tiranës për Prishtinë, pasi prej Frankfurtit aterrova në Tiranë, pasi s’kisha lidhje të tjera që të arrija sa më shpejt në Prishtinë, unë kam biseduar me të dhe ai e ka shprehur brengën e sigurisë për mëngjesin e nesërm. Ai nuk ka thënë 10 muaj, ai ka thënë se shteti i Kosovës është në rregull, është i drejtë dhe efikas. Por mëngjesi i ditës së nesërme është problem. Ai ka kërkuar shtyrje, por nuk ka thënë 10 muaj por 48 orë. Pra brenda 48 orëve ka ndërruar komplet deklarata e Borrellit”, tha ai.

Derisa foli edhe për planin franko-gjerman.

“Bazë të mirë për të diskutuar mbi të. Nuk është merre ose lëre. Nuk më pëlqen gjithçka aty, ka shumëçka që duhet të diskutohet. Ama ajo çka nuk e kam pranuar asnjëherë, është që nga 33 marrëveshjet e kaluara, të përzgjedhim si një tryezë suedeze, pikërisht asociacionin e komunave serbe. Në anën tjetër, çfarëdo propozimi që bëhet të ardhmen, asgjë tjetër s’ka rëndësi sikur asociacionit. Ky lloj përzgjedhje e dyfishtë nuk është e pranueshme nga ana ime”, deklaroi ai.

Në anën tjetër përmendi edhe çështjen e asociacionit të komunave me shumicë serbe.

“Unë nuk dua t’i mohoj se janë bërë 33 marrëveshje, por unë s’i kam nënshkruar dhe duhet t’i shqyrtojmë. Barra e provës është tek ai që i dëshiron ato marrëveshje, jo ne. Kur vjen çështja te pakicat le t’i thotë Beogradit, se unë mendoj se kjo zgjidhet me asociacionin, unë nuk mendoj se kjo zgjidhet me asociacionin”, tha Kurti.

Megjithatë, Kurti tha se në vëllimin e punës që bën, dialogu me Serbinë nuk është prioritet numër një dhe as dy.

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

3 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

4 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

4 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

5 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara