Lajmet

​Kurti për dialogun: Kemi marrëveshje jo vetëm dialog

Published

2 years ago

on

Kryeministri i Kosovës, Albin Kurti teksa ka folur shkurt për dialogun tha se tashmë Kosova dhe Serbia kanë marrëveshje e jo vetëm dialog.

Kurti nuk ka komentuar takimin që zhvilloi dje me ndihmës-sekretarit amerikan të Shtetit për Evropën dhe Euroazinë, James O’Brien.

Pas takimit përmes një komunikate për media të lëshuar nga Qeveria e Kosovës u tha se temë diskutimi në këtë takim ishte dialogu Kosovë-Serbi e nevoja për dorëzim të Milan Radoiçiqit në Kosovë.

“Jo për besë ne kemi marrëveshje tashmë, jo vetëm dialog”, theksoi shkurt Kurti.

Këtë koment të shkurt, kryeministri i vendit, Albin Kurti e bëri pas ceremonisë së lansimit të projektit të Këshillit të Evropës “Nxitja e kohezionit shoqëror duke përforcuar të drejtat e pakicave dhe gjuhët e pakicave”.

Sa i takon projektit, Kurti u shpreh se Kosova ka bërë përparime domethënëse për pakicat në Kosovë.

Derisa tha se i pret shumë punë përpara, Kurti listoi edhe disa nga veprimet që kanë ndërmarrë si ekzekutiv për qasje të barabartë.

“Ne kemi qenë në gjendje të demonstrojmë përparim domethënës që nga opinioni i pestë i Komitetit Këshillimor me verifikimin e diplomave nga Universiteti i Mitrovicës së Veriut dhe bazën ligjore që kemi krijuar për verifikimin edhe të diplomave të shkollave të mesme nga shkollat që marrin mësim në gjuhën serbe. Me zbatimin e vendimit të Gjykatës Kushtetuese për manastirin e Deçanit dhe mbledhjen e fundit të Këshillit zbatues dhe monitorues. Me krijimin e një grupi ndër institucional për raportimin dhe parandalimin e martesave të hershme në komunitetet romë, ashkali dhe egjiptian i cili ka marr mbështetje të gjerë. Me rritjen e mbështetjes sonë për qendrat mësimore këtë vit me një çerek milionë euro për të mbështetur këta mekanizma thelbësor për suksesin arsimor për ata që janë më të margjinalizuarit”, tha ai.

Drejtori i të Drejtave të Barabarta dhe Dinjitetit në Këshillin e Evropës, Jeroen Schokkenbroek deklaroi se të drejtat e njeriut janë në zemër të misionit të Këshillit të Evropës, prandaj theksoi se në këtë botë komplekse mbrojtja e të drejtave të njeriut është më e rëndësishme se kurrë.

Sipas tij përmes iniciativave të tilla synohet ndërtimi i një shoqërie gjithëpërfshirëse.

“Të gjitha këto iniciativa kanë synim të përbashkët ndërtimin e një shoqërie gjithëpërfshirëse ku çdo person pavarësisht prejardhjes së tij të ndihet i respektuar dhe i fuqizuar. Ndërsa, shkojmë përpara misioni ynë mbetet i qartë të punojmë së bashku për të krijuar shoqëri më gjithëpërfshirëse të barabartë dhe të ndershme jo vetëm në Kosovë, por gjithë Evropën”, theksoi ai.

Ndërsa, shefja e Zyrës së Këshillit të Evropës në Prishtinë, Mary Ann Hennessey teksa shpalosi objektivat e projektit tha se synohet fuqizimi i kapaciteteve institucionale për respektimin e të drejtave të pakicave.

Ajo theksoi se projekti “Së Bashku” në kohezion shoqëror duke përforcuar të drejtave e pakicave kombëtare ka për qëllim të ofroj mundësi arsimi në gjuhën e pakicave.

“Objektiva e parë e këtij projekti është që të fuqizojmë kapacitetet institucionet që të sigurohemi që të respektohen të drejtat e pakicave si në nivel lokal ashtu edhe kombëtar duke e përfshirë Konventën në punën e institucioneve. Mbrojtja e pakicave të jetë pjesë e procedurave të punës, t’i përfshijmë në praktikat e qeverisë të fuqizojmë rendin dhe ligjin që të krijojnë një ambient më të sigurt për pakicat. Fuqizimi i institucioneve siguron një mbrojtje të vazhdueshme të pakicave…Projekti njeh rëndësinë e rëndësishme të gjuhën në ruajtjen e kulturë e trashëgimisë kulturore të udhëzuar nga Karta Evropiane projekti ka për synim të ofroj mundësi për arsim në gjuhët e pakicave kjo i fuqizon jo vetëm shoqërinë por edhe individët”, tha ajo.

Related Topics:
Continue Reading

Lajmet

Andy Burnham merr zyrtarisht detyrën si Kryeministër i ri i Britanisë së Madhe: Premton një model të ri politik dhe plan 10-vjeçar

Published

50 minutes ago

on

July 20, 2026

By

Andy Burnham ka mbajtur fjalimin e tij të parë si kryeministër i Britanisë së Madhe përpara një turme të madhe në Downing Street, duke shënuar fillimin e një epoke të re politike. Pa pasur nevojë për një foltore dhe i rrethuar nga mbështetësit, kryeministri i ri e cilësoi emërimin e tij si një moment reflektimi dhe rezolute të re, duke thënë se gjenerata e tij e politikanëve duhet të ngrejë nivelin e angazhimit për të rikthyer stabilitetin e vendit.

Burnham pranoi se qytetarët janë të lodhur nga politika aktuale dhe premtoi se ky moment do të shërbejë si një ndryshues i madh kursesh, duke u zotuar për një model të ri që bazohet në bashkëpunim dhe zgjidhje të problemeve, larg pikëve politike. Ai kritikoi vendimet e gabuara të viteve të 80-ta, përfshirë privatizimin dhe de-industrializimin, duke thënë se shumë zona ende nuk janë rimëkëmbur nga ato politika.

Në planin e tij qeverisës, Burnham premtoi se që nga e nesërmja do të shpalosë planet për t’u dhënë njerëzve më shumë hapësirë sa i përket kostos së jetesës, duke treguar edhe si do të financohen ato.

Ai u zotua për ndryshime në sistemin e arsimit për të ndihmuar të rinjtë të futen në tregun e punës, rritje të mbështetjes për shëndetin mendor, si dhe ndërtimin e më shumë shtëpive sociale si një mënyrë e drejtë dhe e qëndrueshme për të ulur shpenzimet e asistencës sociale.

Ndër vendimet e tij të para të prera, kryeministri i ri njoftoi se do të nxjerrë urdhrin e parë për t’i dhënë fund fenomenit të njerëzve që flenë në rrugë.

Për më tepër, Burnham bëri të ditur se do të largojë pushtetin nga Westminsteri për ta shtrirë atë në çdo cep të vendit. Ai u zotua të ndërtojë një ekonomi të re, duke kthyer shërbimet dhe mallrat jetike nën kontrollin publik për t’i bërë ato të përballueshme, si dhe të ri-industrializojë Britaninë duke mbështetur industrinë vendase.

Kryeministri njoftoi se më vonë gjatë këtij viti do të prezantojë një plan 10-vjeçar që do të përcaktojë qartë rrugën se ku dëshiron ta dërgojë vendin. Duke theksuar se kujdesi për njerëzit do të jetë në qendër të çdo vendimi të tij, Burnham i bëri thirrje publikut dhe mbështetësve që t’i qëndrojnë pranë për të ndërtuar një ndjenjë të re të unitetit kombëtar, duke e përmbyllur fjalimin mes duartrokitjeve të shumta, para se të futej në rezidencën e famshme numër 10. /BBC/

Continue Reading

Lajmet

Studio Muzikë Moderne, Produksion Digjital dhe Menaxhment: Programi që të bën lider në industrinë e re të muzikës

Published

52 minutes ago

on

July 20, 2026

By

Industria moderne e muzikës sot kërkon diçka më shumë se thjesht talent; ajo kërkon profesionistë që zotërojnë teknologjinë dhe njohin biznesin. Programi, Muzikë Moderne, Produksion Digjital dhe Menaxhment në UBT është ndërtuar pikërisht për të formuar këta liderë të rinj të industrisë kreative, duke bashkuar në një vend artin, teknologjinë dhe menaxhimin.

Ky program u ofron studentëve një përgatitje të plotë praktike dhe teorike përmes tri shtyllave kryesore;

Krijim dhe Produksion Digjital: Zhvillimi i aftësive profesionale në prodhimin e muzikës, dizajnin e tingullit dhe performancën vokale apo instrumentale.

Menaxhim dhe Biznes: Trajnimi i studentëve për menaxhimin e artistëve, organizimin e ngjarjeve dhe menaxhimin e projekteve në industrinë kreative.

Inovacion dhe Teknologji: Nxitja e ideve të reja dhe përdorimi i teknologjive të fundit të zërit për të krijuar platforma dhe qasje të reja artistike.

Synimi kryesor është përgatitja e drejtpërdrejtë për tregun e punës. Gjatë studimeve, studentët do të punojnë në projekte reale, do të marrin pjesë në masterklasa dhe do të krijojnë kontakte të rëndësishme me kompani muzikore, shtëpi botuese dhe organizata kulturore.

Kjo i orienton ata drejt karrierave të suksesshme si producentë, menaxherë, interpretues apo edukatorë të muzikës moderne.

Regjistrimet kanë filluar, këtu gjeni linkun për aplikim!

Continue Reading

Lajmet

Kurti uron Andy Burnhamin për detyrën e re si kryeministër i Britanisë

Published

53 minutes ago

on

July 20, 2026

By

Kryeministri në detyrë i Kosovës, Albin Kurti, ka uruar Andy Burnhamin për marrjen e detyrës si kryeministër i ri i Mbretërisë së Bashkuar, duke shprehur gatishmërinë për vazhdimin e bashkëpunimit ndërmjet dy vendeve.

Përmes një postimi në rrjetin social X, Kurti tha se pret të vazhdojë bashkëpunimin e ngushtë me qeverinë britanike në fusha me interes të përbashkët.

“Urime të përzemërta kryeministrit të ri të Mbretërisë së Bashkuar, Andy Burnham. Pres me padurim të vazhdojmë bashkëpunimin e ngushtë mes qeverive tona”, ka shkruar Kurti.

Ai theksoi se bashkëpunimi do të fokusohet në promovimin e tregtisë dhe investimeve, mbrojtjen e demokracisë nga ndikimet keqdashëse të Rusisë dhe përfaqësuesve të saj në Evropën Juglindore, si dhe në forcimin e bashkëpunimit dhe koordinimit ndërmjet Forcës së Sigurisë së Kosovës dhe Forcave të Armatosura Britanike./A.K/

Continue Reading

Lajmet

Shtatë vjet burg për grabitjen e argjendarisë, urdhërohet kompensimi i 195 mijë eurove

Published

59 minutes ago

on

July 20, 2026

By

Gjykata Themelore në Prizren ka shpallur aktgjykim dënues ndaj të akuzuarit me inicialet Sh.H., duke e dënuar me shtatë vjet burgim dhe 2 mijë euro gjobë për dy vepra penale të vjedhjes së rëndë dhe një vepër penale të vjedhjes së rëndë në tentativë.

Sipas njoftimit të Gjykatës, i akuzuari është shpallur fajtor për vjedhjen e kryer më 12 janar 2025 në një argjendari në Prizren, ku së bashku me një shtetas bullgar, të maskuar dhe të pajisur me mjete të përshtatshme, kanë hyrë me forcë në lokal dhe kanë marrë një sasi të madhe ari, argjendi dhe sende të tjera me vlerë.

Pas hapjes së kasafortës, ata kanë marrë 3 kilogramë ari 14-karatësh, një monedhë pesë lira, dy monedha lira, hallka dore, një kilogram argjend me pastërti 925 dhe një peshore, duke i shkaktuar të dëmtuarit dëm material në vlerë prej 195 mijë eurosh.

Sipas aktgjykimit, po atë natë i akuzuari kishte tentuar të kryente edhe një vjedhje tjetër në një argjendari në Prizren, por nuk kishte arritur ta hapte kasafortën dhe ishte larguar nga vendi i ngjarjes.

Ndërkaq, më 23 janar 2025, ai kishte hyrë me forcë në një objekt tjetër, nga ku kishte marrë një modem interneti, një DVR dhe kishte dëmtuar sistemin e kamerave të sigurisë.

Pas zhvillimit të nëntë seancave gjyqësore, Gjykata e shpalli fajtor të akuzuarin, duke e dënuar me shtatë vjet burgim dhe 2 mijë euro gjobë.

Po ashtu, Gjykata ka urdhëruar që i dënuari t’ia kompensojë të dëmtuarit dëmin në shumën prej 195 mijë eurosh ose, në të kundërtën, të konfiskohen pasuritë e tij me vlerë të barasvlershme.

Për realizimin e kompensimit, është urdhëruar shitja në ankand publik e një apartamenti dhe katër automjeteve të sekuestruara përmes Agjencisë për Administrimin e Pasurisë së Sekuestruar ose të Konfiskuar, ndërsa masa e paraburgimit ndaj të dënuarit është vazhduar deri në plotfuqishmërinë e aktgjykimit./A.K/

Continue Reading

Të kërkuara