Lajmet

Kurti: Parashohim reformë të thellë të Qendrave për Punë Sociale

Kurti tha se prioritet i qeverisë së tij është mbrojtja sociale e qytetarëve.

Publikuar

1 vit më parë

më

Kryeministri, Albin Kurti, ka paralajmëruar reformë të thellë të Qendrave për Punë Sociale në Kosovë.

Në konferencën e dytë nacionale për shënimin e Ditës Botërore të Punës Sociale, Kurti tha se prioritet i qeverisë së tij është mbrojtja sociale e qytetarëve, derisa u zotua se përmes shtimit të kapaciteteve do t’i fuqizojnë këto qendra, ku përmendi edhe Projektligjin për shërbime sociale, i cili është në agjendën legjislative të ekzekutivit.

“Në kuadër të Agjendës Legjislative e kemi Projektligjin për shërbimet sociale, që parasheh reformë të thellë të Qendrave për Punë Sociale. Për këtë kemi bashkëbiseduar me shumë nga ju në takimin e muajit të kaluar në Kryeministri. E grupi punues tashmë po bën një analizë të detajuar të gjendjes në këto qendra, në raport me përgjegjësitë, sfidat dhe kapacitetet njerëzore dhe profesionale. Bashkë po synojmë fuqizimin e qendrave përmes shtimit të kapaciteteve, obligimin për profilizimin e stafit në përputhje me nevojat e qytetarëve. E Qeveria jonë, krahas politikave zhvillimore, e ka prioritet mbrojtjen sociale për qytetarët tanë, me programe adekuate dhe sidomos të qëndrueshme, pra afatgjate. Jo vetëm tejkalim të problemit, por edhe mos përsëritje të tij”, tha ai.

Reformën në Qendrat për Punë Sociale e nënvizoi edhe ministrja e Drejtësisë, Albulena Haxhiu, e cila tha se do të jenë të hapur për bashkëpunim me akterë të ndryshëm.

“Qasja jonë si ministri dhe qeveri do të jetë e hapur dhe bashkëpunuese me akterë të ndryshëm institucional dhe të shoqërisë civile në mënyrë që të realizojmë reformën të cilën edhe po e synojmë”, shtoi ajo.

Në anën tjetër, shefi i misionit të OSBE-së në Kosovë, Michael Davenport iu ofrojë përkrahje Qendrave për Punë Sociale, të cilat tha se kanë vështirësi, kryesisht mungesë të kapaciteteve, burimeve njerëzore dhe financiare.

“Përfshijë si vështirësi mungesën e kapaciteteve, burimeve njerëzore, financiare por edhe shpeshherë mungesë të objektit të duhur. Po ashtu mungesë të qasjes për persona me aftësinë e kufizuar”, theksoi ai.

Ndërkaq, kryetari i Asociacionit të Qendrave për Punë Sociale, Blerim Shabani, renditi gjitha sfidat që QPS-të përballen sot në Kosovë.

“Sot në mungesë fondesh për përkrahje direket për klientët janë para provave shumë të vështira për zgjidhje. Profesionistët e shërbimeve sociale janë të ekspozuar para rreziqeve të përditshme me paga të ulëta dhe jo dinjitoze. Të pa përkrahur me punën e kujdestarisë gjatë orëve të natës, të rrezikuar nga djegia profesionale dhe të përkrahur për të mbrojtur nga shëndeti mendor dhe shumë sfida të tjera”, tha Shabani.

Sot më 21 mars është Dita Botërore e Qendrave për Punë Sociale.

Etiketa
Vazhdo të lexosh

Lajmet

Belousov thotë se nuk kanë planifikuar mobilizim të trupave ruse

Publikuar

9 minuta më parë

më

14 Maj, 2024

nga

I nominuari i Putinit për ministër të mbrojtjes, Andrei Belousov, ka thënë se nuk do të ketë mobilizim të ri të trupave ruse.

Ai tha se është e domosdoshme që ushtarët rusë të kenë pajisjet më moderne, përfshirë edhe dronët dhe pajisjet e komunikimit, si dhe municione të mjaftueshme.

Detyra kryesore e Rusisë është të arrijë fitoren në fushën e betejës në Ukrainë me humbje minimale të trupave, tha Belousov, duke shtuar se Rusia do të sigurojë që shpenzimet e mbrojtjes të përdoren në mënyrë më efektive./UBTNews/

Vazhdo të lexosh

Lajmet

​Dhuna në familje, mbi gjysma e rasteve për shkaqe xhelozie

Publikuar

21 minuta më parë

më

14 Maj, 2024

nga

Mbi 900 raste të dhunës në familje janë raportuar nga janari deri në prill të këtij viti në Policinë e Kosovës, ku prej tyre viktima femra kanë qenë 770. Kështu u tha në komisionin për të Drejtat e Njeriut ku u diskutua lidhur me rastet e dhunës në familje me përfaqësuesit nga Policia e Kosovës.

Drejtoresha e Drejtorisë së Policisë në Bashkësi dhe Preventivë, Zylfije Dema tha se janë aktivizuar 28 dhoma mike ku merren dëshmitë e viktimave në Policinë e Kosovës.

“Raportimi i rasteve të dhunës në familje janar- prill 2024 numri i rasteve është 927, numri i viktimave 989, viktima femra 770, viktima meshkuj 219, persona të ndalur 48 mijë e 341 urdhra mbrojtës të lëshuar nga gjykatat, 447 urdhra për mbrojte të përkohshme emergjent të shqiptuar nga policia”, tha ajo.

Ajo u pyet edhe për shkaktarët e dhunës në familje, për çka tha se 104 raste janë për tradita të vjetra, 412 për shkaqe xhelozie dhe 493 për shkak të marrëdhënieve të çrregullta brenda familjes.

Vazhdo të lexosh

Lajmet

LDK kërkon dorëheqjen e Kurtit

Publikuar

46 minuta më parë

më

14 Maj, 2024

nga

Lidhja Demokratike e Kosovës ka kërkuar dorëheqjen e kryeministrit Albin Kurti dhe pastaj si rrjedhojë shpërbërjen e Kuvendit.

Përmes një komunikate, LDK thotë se kryeministri i Kosovës ka zgjedhur instrumentalizimin e opozitës si shpëtim individual nga dështimi i madh.

“LDK-ja nuk e pranon këtë instrumentalizim në asnjë rrethanë. LDK-ja është e gatshme të kërkojë besim qytetar, e gatshme të marrë përgjegjësinë para sfidave, e gatshme të implementojë ‘Rrugën e Re’ si program zhvillimor, të djathtë e euroatlantik. Për këtë, duhet dorëheqja e Kryeministrit, si rruga e duhur drejt shpërbërjes së Kuvendit dhe shkuarjes në zgjedhje të parakohshme. Dorëheqja, më pas shpërbërja dhe në fund data. Ky është rendi i gjërave”, thuhet në njoftim.

LDK-ja konsideron se në këto ditë vendimtare, fokusi i institucioneve dhe i partive politike duhet të jetë te çështja e anëtarësimit të Kosovës në Këshillin e Evropës, proces të cilin, sipas këtij subjekti me papërgjegjshmërinë e tij, e ka rrezikuar rëndë vetë kryeministri.

“LDK-ja e refuzon farsën e darkave si mbulesë të një uniteti politik që u përbuz kur u ofrua tash e tre vjet e gjysmë. LDK-ja thërret për një unitet të djathtë gjithëkombëtar, si lidhje përtejpartiake, si lëvizje shpëtimtare. Gjendja e tanishme, politike, ekonomike, diplomatike e sociale kërkon lidership të ri në Kosovë. Rëndesa ekonomike, pagat e ulëta, çmimet e larta, sistemi shëndetësor i rrënuar e arsimi i mbetur prapa, sikurse dhe ngecjet enorme integruese për në BE e anëtarësuese për në NATO, po shkaktojnë çdo ditë zbrazjen e Kosovës, me nga 173 qytetarë duke u larguar nga vendi ynë çdo ditë e secilën ditë”, thuhet tutje.

LDK-ja ka shtuar se nuk do të bëhet pjesë e asnjë marrëveshjeje të prearanzhuar prapa dyerve të mbyllura e darkave.

“LDK-ja fton të gjitha palët politike, që në këtë kohë, të kërkojnë dhe të punojnë vetëm në drejtim të dorëheqjes legale të Kryeministrit, sepse ajo faktike tashmë ka ndodhur”, përfundon njoftimi.

Vazhdo të lexosh

Lajmet

Në Gjeorgji studentët u bashkohen protestave para votimit final të projektligjit për “agjentët e huaj”

Publikuar

57 minuta më parë

më

14 Maj, 2024

nga

Afër Parlamentit të Gjeorgjisë janë mbajtur për javë të tëra protesta masive, ku pritet më 14 maj të japë miratimin final mbi projektligjin kundërthënës për “agjentët e huaj”.

Studentët gjeogjianë janë bashkuar në protesën masive që e shohin si kërcënim të rrugës së shtetit drejt integrimeve euroatlantike dhe kopje të legjistalcionit shtypës që aplikohet në Rusi.

Raportohet më tutje se studenët po planifikojnë të krijojnë të ashtuquajturit korridore të trupit për ligjvënësit nga partia në pushtet, Ëndrra Gjeorgjiane, në mënyrë që ata të kalojnë përmes këtyre koridoreve njerëzore gjatë hyrjes në Parlament, ku dhe pritet të votohet draftligji.

Ndërsa edhe nga Shtete e Bashkuara dhe Bashkimi Evropian është dënuar ky projektligj, pasi dhe kanë argumentuar se është i ngjashëm me ligjin që përdor presidenti rus, Vladimir Putin, për të shtypur disidencën dhe institucionet e pavarura.

Presidentja gjeorgjiane, Salome Zurabishvili, mbështet protestat paqësore dhe është zotuar se do të vendosë veto ndaj këtij projektligji, nësa ai miratohet nga ligjvënësit./UBTNews/

Vazhdo të lexosh

Të kërkuara