Lajmet

Kurti paralajmëron reforma në Arsim pas rezultateve në PISA

Published

1 year ago

December 20, 2023

UBT news

Kryeministri i Kosovës, Albin Kurti tha se rezultatet e testit PISA në vendin tonë tregojnë se ka ende shumë punë për tu bërë. Ai shtoi se po punojnë në reformimin e sistemit arsimor në Kosovë.

Kurti derisa foli për veprimet e ndërmarra në përmirësimin e jetës së të rinjve u pengua nga një aktiviste e PSD-së, e cila erdhi në drejtim të tij duke fishkëllyer dhe hedhur letra me mbishkrime në to.

Ndërkaq, aktivistja u largua menjëherë nga mbrojtja e afërt e Kurtit.

Në konferencën për Rini 2023 “Fuqizo, Shërbe, Angazho”, të organziuar nga Ministria e Kulturës, Rinisë dhe Sportit, shefi i ekzekutivit, Albin Kurti tha se sukseset e rinisë sonë në film, art, sport, biznes e teknologji janë përtej të zakonshmes, derisa shtoi se roli i shtetit është ta përcjell talentin dhe potencialin me mbështetjen direkte.

“Në gusht të këtij viti në muajin e rinisë pata mundësinë që të takoj qindra të reja dhe të rinj prej bashkëmoshatarëve anë e mbanë Kosovës. Për shumë prej nesh që ishim të pranishëm panairi i rinisë si ngjarje përmbyllëse edhe një herë dëshmoi për suksesin e vajzave të djemve tanë të punuara me dorë nga të rinjtë, produktet ekspozuara në panair nuk ishin thjeshtë as objekte e mallra por punë e manifestuar në ditë e gjata e netët e vona…Sukseset e rinisë sonë në film, art, sport, biznes e teknologji janë përtej të zakonshmes. Ndërkaq, roli i shtetit është ta përcjell talentin dhe potencialin në mbështetjen direkte. Për këtë brez të rinjve, sfida si në Kosovë edhe në botë vazhdojnë të jenë të mëdha. Rezultatet e testit PISA për vendin tonë kanë treguar tashmë për defekte strukturore e kronike në sistemin arsimor, kanë treguar se ka ende shumë për tu bërë që ka çështje që kanë efekte negative e shoqëruese në tregun e punës dhe ekonomi”, tha Kurti.

Përveç tjerash, Kurti potencoi se po punojnë në reformimin e sistemit arsimor. Ai tha se në fillim të vitit 2021 ishit të punësuar mbi 28 mijë të rinj, ndërkaq deri në korrik të vitit 2023, numri i të punësuarve ka arritur në mbi 60 mijë.

Kurti tha se përmes platformës Super Puna janë punësuar rreth 9 mijë të rinj në mbi 6 mijë biznese të ndryshme.

“Ne jemi duke punuar që ta reformojmë sistemin arsimor që shkollat dhe universitet tona t’i bëjmë ku fëmijët dhe të rinjtë së bashku me mësimdhënësit dhe prindërit punojnë, mësojnë e hulumtojnë…Qysh herët në qeverisjen tonë arsimin e lartë publik e bëmë falas. Pra, studentët do të duhet të paguajnë për banesë e jetesë por jo edhe për studime…Nga viti 2021 deri në vitin 2023 i kemi ndarë 4630 bursa për vajzat në STEM. Falë masave tona stimuluese, pjesëmarrja e vajzave në STEM në Universitetin e Prishtinës ka arritur në 50 për qind dhe këtë duhet ta krahasojmë me Bashkimin Evropian që është 17 për qind…Në fillim të vitit 2021 ishin 28 mijë e 293 të rinj të punësuar. Kurse, në fund të korrikut sivjet 2023, numri i të punësuarve ishte 60 mijë e 884…Përmes platformës së punësimit Super Puna për nëntë muaj janë punësuar rreth 8 mijë e 500 të rinj të moshave 18 deri në 25 vjeç në gjithsej 6 mijë e 400 biznese. Për punë praktike në programin ‘Kosova Generation Unlimited’ të Ministrisë së Financave, të Punës dhe Transfereve në bashkëpunim me UNICEF-in në Kosovë dhe rrjetin CSR po ofrojmë mundësi për 10 mijë të rinj e të reja deri në fund të vitit 2024”, potencoi Kurti.

Kurti theksoi se nuk ka asgjë më të rëndësishme që mund të bëjmë si Qeveri se sa të përgatisim gjeneratën e ardhshme për zhvillim e për udhëheqje të vendit tonë.

Ndërkaq, presidenti i Shoqatës Evropiane të Kartës Rinore (EYCA), Miguel Perestrello, u bëri thirrje të rinjve të Kosovës që t’i bashkohen këtij projekti.

Ai tha se karta rinore është një instrument për t’iu bashkuar listës jo formale të organizuar përmes anëtarëve, derisa shtojnë se arrijnë tek të rinjtë në të gjitha grupet etnike dhe fusha të ndryshme.

“Me më tepër se 35 anëtarë në 39 vende në Evropë ne bashkojmë mbi 8 milionë njerëz të rinj dhe pres që ju të gjithë të përfshiheni në këtë projekt shumë shpejt, pasi e kemi kartën edhe këtu në Kosovë dhe po fillojmë të zhvillohemi. Kjo organizatë ju shërben për zhvillimin e kartës evropiane por kemi edhe organizata të tjera… Karta Rinore është një instrument për t’iu bashkuar listës jo formale të organizuar përmes anëtarëve ne arrijmë tek të rinjtë në të gjitha grupet etnike në të gjitha fushat dhe sfonteve të ndryshme socio ekonomike. Kjo është shumë me rëndësi për ne, për të mos bërë diskriminim dhe karta rinore gjithashtu varet edhe nga çështjet e tjera”, tha Perestrello.

Ndër të tjera, Perestrello tha se u ndihmojnë vendeve në zhvillimin e ekspertizave të nevojshme për zhvillim.

Related Topics:Albin Kurti Miguel Perestrello testi PISA

Up Next

Gazeta italiane zbardh kostot e marrëveshjes: 300 milionë euro për refugjatët në Shqipëri

Don't Miss

“Falë AKI-së u ruajt siguria kombëtare”, Musliu: Rasti i Banjskës mund të përsëritet

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.