Lajmet

Kurti në Samitin e Ballkanit Perëndimor: Demokracia dhe progresi ekonomik shkojnë krah për krahu me qeverisjen tonë

Ai tha se reformat ekonomike që kanë ndërmarrë kanë ndikuar në rritjen e investitorëve strategjikë.

Publikuar

Kryeministri i Kosovës, Albin Kurti në hapjen e Samitit të Ballkanit Perëndimor “The Western Balkans Summit 2022’’, tha se qeverisja e tij ka treguar se demokracia dhe progresi ekonomik shkojnë krah për krahu dhe esenciale është parimi i së drejtës.

“Me qeverisjen tonë Kosova ka bërë hapa të mëdhenj drejt një ideje të tillë. Prej se e kemi marrë mandatin autoritet ligjzbatuese kanë marrë 800 aksione ligjzbatuese duke përfshirë arrestimin e mbi 2 mijë personave, kanë konfiskuar 1.8 milionë tonë drogë, 75 villa të sekuestruara, lista e pronarëve ishte tronditëse. Por, jo befasuese biznesmenë, gjyqtarë, epokës e korrupsionit në shtet po i vie fundi. Investimet direkte të huaja janë rritur për mbi 40% pa ndryshuar asnjë politikë fiskale kemi krijuar mbi 25 mijë vende të reja të punës”, tha ai.

Ai tha se reformat ekonomike që kanë ndërmarrë kanë ndikuar në rritjen e investitorëve strategjikë pasi e dinë që nuk do të kenë nevojë për të korruptuar zyrtarë dhe po ashtu edhe bizneset po paguajnë më shumë tatimet sepse e dinë që paratë nuk do t’u keqpërdoren.

Kryeministri i Kosovës po ashtu tha se Kosova po lufton një betejë të ashpër kundër kërcënimeve siç janë furnizimi me energji elektrike dhe rritje të çmimeve.

Sipas tij kriza është më e madhe për qytetarët e Kosovës për shkak të mosmenaxhimit të mirë nga qeveritë e kaluara.

“Edhe pse ka kriza të ndryshme Kosova mund të ofroj model se si demokracia funskionale mundet me sukses te menaxhoj një krizë për qytetarët. Kosova po lufton një betejë të ashpër kundër cënimeve më të mëdha furnizimi i energjisë qe është tkurrur shumë por edhe çmimet e rritura për shkak të mos veprimeve të qeverive të kaluar këto kriza po i prekin më shumë qytetarët e Kosovës sesa vendet tjera. Kanë munguar investimet në ripërtërimin e termocentraleve. Ka pasur mungesë të mbështetjes për prodhimtarinë vendore që i ka bërë qytetarët tanë të cënueshëm. Përballë këtyre sfidave të qeverisë, ka pas dy objektiva ajo afatshkurtë ku qytetarët të mbrohen nga ato goditje nga jashtë dhe ne jemi duke zbatuar një pako për subvencionimin e energjisë”, tha ai.

Kreu i ekzekutivit Kosovar në Samitin e Hapur ka folur edhe për mosvendosjen e sanksioneve ndaj Rusisë nga ana e Serbisë.

Ai tha se Kosova ka vendosur sanksione karshi Rusisë.

Lajmet

Dhoma e Përfaqësuesve përjashton demokraten Ilhan Omar

Përjashtimi erdhi si pasojë e komenteve të saj antisemite.

Publikuar

nga

Republikanët në Shtetet e Bashkuara të Amerikës, që tani kanë shumicën në Dhomën e Përfaqësuesve, përjashtuan të enjten demokraten Ilhan Omar nga Komisioni i Marrëdhënieve me Jashtë, si pasojë e komenteve të saj që u cilësuan si antisemite.

Argumenti për përjashtimin e Omar kishte të bënte me disa komente që ajo shkroi në vitin 2019, përmes një postimi në Twitter, ku kishte thënë se “lobi izraelit në politikën amerikane është i motivuar nga paratë dhe jo nga parimet”.

Omar dhe demokratët tjerë thanë se komentet ishin bërë vite më parë dhe se ajo i ka fshirë postimet dhe ka kërkuar falje në atë kohë.

“Udhëheqja dhe zëri im nuk do të dobësohen nëse nuk jam në këtë komision. Zëri im do të bëhet gjithnjë e më i fortë”, tha Omar pak para se të përjashtohej.

Kjo masë vjen dy vjet pasi demokratët përjashtuan dy republikanë nga komisioni.

Përjashtimi nga Komisioni, i udhëhequr nga kryetari i Dhomës së Përfaqësuesve, Kevin Mçarthy, u konsiderua si “hakmarrje” nga demokratët.

Në vitin 2021 demokratët kishin përjashtuar republikanët Marjorie Taylor Greene dhe Paul Gosar nga komisionet pas disa komenteve që kishin të bënin me vaksinat kundër COVID-19 dhe video të shpërndara në rrjete sociale që simulonin vrasjen e një anëtareje demokrate./REL

Vazhdo të lexosh

Lajmet

Komisioni pro koeficientit 105 euro

Para komisionit, Projektligjin e arsyetoi ministri i Financave, Hekuran Murati.

Publikuar

nga

Komisioni për Buxhet, Punë dhe Transfere ka miratuar Projektligjin për ndarjet buxhetore për vitin 2023, i cili mundëson rritjen e pagave në sektorin publik, në bazë të vlerës së koeficentit 105 euro.

Para komisionit, Projektligjin e arsyetoi ministri i Financave, Hekuran Murati. Murati tha se kjo është rritja më e madhe e pagave në sektorin publik. Sipas tij, koeficenti prej 105 eurove është i pastër, derisa tha se shtesat do të vazhdojnë të parapara në bazë të ligjit.

Mirëpo, deputeti i PDK-së, Mërgim Lushtaku u shpreh kritik ndaj minisrit Murati. Ai kërkoi që vlera e koeficentit të jetë 130 euro.

Vazhdo të lexosh

Lajmet

Paga mesatare në sektorin publik 75% më e lartë se në sektorin privat

Dallimi mes pagave mesatare në sektorin publik dhe privat deri me tani ishte 45 për qind.

Publikuar

nga

Paga mesatare në sektorin privat në vend është 419 euro, kurse në sektorin publik me koeficinetin e ri të propozuar nga qeveria në 105 euro, paga mesatare pritet të jetë 730 euro ose 75 për qind më e lartë se në sektorin privat.

Këtë dallim në paga e konfirmoi sot edhe ministri i Financave, Hekuran Murati gjatë raportimit në Komisionin për Buxhet.

Dallimi mes pagave mesatare në sektorin publik dhe privat deri me tani ishte 45 për qind.

Sipas raportit të fundit të ASK-së, paga mesatare deri para hyrjes në fuqi të Ligjit të pagave për sektorin publik ka qenë 612 euro, ndërsa tash me vlerën e koeficientit të ri arrin 730 euro ose 20 për qind më shumë.

Ndërsa, paga mesatare bruto në sektorin e ndërmarrjeve publike në vitin 2012 ishte 561 Euro, derisa në vitin 2021 ishte 768 euro.

Vazhdo të lexosh

Lajmet

​LDK përkujton aktin çnjerëzor në Mitrovicë që ndodhi 23 vjet më parë

U plagosën 25 persona dhe u dëbuan nga shtëpitë e tyre 11 mijë e 364 të tjerë.

Publikuar

nga

Lidhja Demokratike e Kosovës përkujton 23-vjetorin kur në natën mes 3 dhe 4 shkurtit të vitit 2000, u vranë dhjetë shqiptarë, u plagosën 25 dhe u dëbuan nga shtëpitë e tyre 11 mijë e 364 të tjerë.

‘Sot, më 3 shkurt, ne përkujtojmë 23-vjetorin e një nate tmerri në Mitrovicë; ndër aktet e rënda, tronditëse dhe të dhimbshme ndaj popullit të Kosovës. Në natën mes 3 dhe 4 shkurtit të vitit 2000, u vranë 10 shqiptarë, u plagosën 25 dhe u dëbuan nga shtëpitë e tyre 11,364 të tjerë. Ngjarje si kjo na dëshmojnë përjetime tona si popull dhe duhet të na freskojnë kujtesën për të mos harruar kurrë kalvarin e mundimeve tona. Ne e paguam shtrenjtë çmimin e lirisë. Një ndër përgjegjësit kryesor të kësaj masakre e spastrimi etnik, ishte edhe Oliver Ivanoviq, i cili për të gjitha aktet dhe veprat çnjerëzore ndaj popullsisë shqiptare, ishte dënuar me 9 vite burg. Lidhja Demokratike e Kosovës bashkëndjejnë me familjet e viktimave të 23 vjetëve më parë, ashtu siç dhe kujton sot e gjithherë sakrificën e madhe të popullit tonë për liri e pavarësi. Mbi këtë sakrificë, LDK do të përkushtohet në vazhdimësi për një Kosovë të zhvilluar, të mirëqenë dhe për një jetë të dinjitetshme për qytetarët tanë”, thuhet në komunikatën e LDK-së.

Vazhdo të lexosh

Të kërkuara