Vatikani ka njoftuar lansimin e një iniciative të re komunikimi, duke prezantuar një revistë mujore të quajtur “Piazza San Pietro”, e cila do të botohet në tri gjuhë: italisht, anglisht dhe spanjisht. Ky botim vjen në përgatitje për Vitin Jubilar 2025, një ngjarje e madhe për Kishën Katolike, dhe ka si qëllim të ofrojë një mundësi të re për t’u lidhur me besimtarët dhe lexuesit nga e gjithë bota.

Një nga karakteristikat kryesore të kësaj reviste do të jetë rubrika “Letra për redaktorin”, në të cilën Papa Françesku do të përgjigjet drejtpërdrejt pyetjeve të besimtarëve. Në numrin e parë të revistës, Papa përgjigjet një gjysheje, e cila kërkon mendimin e tij lidhur me pagëzimin e një fëmije të cilit prindërit refuzojnë ta pagëzojnë. Papa thekson se pagëzimi është një akt besimi, por nuk mund të imponohet mbi ata që nuk e duan për fëmijën e tyre, duke sugjeruar që të vazhdohet dialogu me shpresë, butësi dhe bamirësi.

Kryeprifti i Bazilikës së Shën Pjetrit, Kardinali Mauro Gambetti, e cilësoi këtë botim një iniciativë guximtare dhe të nevojshme për ta bërë komunikimin me besimtarët më të drejtpërdrejtë dhe më të thellë. Drejtori i komunikimit për Bazilikën e Shën Pjetrit, At Enzo Fortunato, vuri theksin te rëndësia e këtij botimi për t’u rikthyer tek gazetaria tradicionale dhe për të ofruar një lidhje më të ngushtë me realitetin dhe jetën e përditshme të besimtarëve.

Abonimi për këtë botim mujore do të kushtojë 30 € për një vit, ndërsa një kopje e vetme do të jetë në dispozicion për 4 €. Ata që nuk kanë mundësi ta paguajnë do të kenë mundësi ta marrin revistën falas, duke siguruar që ky projekt të jetë i aksesueshëm për të gjithë.

Përveç kësaj, është paralajmëruar se Vatikani do të ofrojë një transmetim të drejtpërdrejtë të varrit të Shën Pjetrit në shpellat e Vatikanit, duke mundësuar që ata që nuk mund të vizitojnë Romën gjatë Jubileut të mund ta shohin këtë vend të shenjtë nëpërmjet teknologjisë. Papa Françesku do të inaugurojë kamerën e drejtpërdrejtë më 2 dhjetor, për të mundësuar ndjekjen e ceremonive në kohë reale.

Në këtë kontekst, Bazilika e Shën Pjetrit do të përdorë gjithashtu rrjetet sociale për të shpërndarë informacione lidhur me aktivitetet e Jubileut dhe për të ndarë dashurinë për këtë vend të shenjtë me besimtarët kudo në botë.

Jubileu i vitit 2025 do të festohet nga 24 dhjetor 2024 deri më 6 janar 2026, dhe pritet të tërheqë rreth 32 milionë pelegrinë në Romë, një ngjarje që zhvillohet çdo çerek shekulli dhe që do të jetë një mundësi për besimtarët të shprehin devotshmërinë e tyre ndaj Shën Pjetrit dhe traditës katolike./UBTNews/

Deputeti i Lëvizjes Vetëvendosje, Armend Muja, në një konferencë për media ka prezantuar të dhënat sa i përket debatit mbi kontratat njëburimore për tenderët. Gjatë prezantimit të shifrave, kryetari i Komisionit për Buxhet, Muja tha se sipas të dhënave të KRPP-së del që numri i kontratave me procedurë të negociuar në mandatin e Qeverisë Kurti është përgjysmuar, kur krahasohet me qeverisjet e kaluara.

Deputeti Muja theksoi po ashtu se kontratat njëburimore janë vetëm propagandë e opozitës.

“Unë dëshiroj t’i korrektoj këto shifra duke i paraqitur të dhënat e sakta si janë pranuar nga KRPP. Gjithashtu dëshiroj të prezantoj për vitin 2021-2024, pastaj edhe për vitin 2008-2018-2020. Në fakt unë i kam pranuar të dhënat për numrin e kontratave njëburimore të nënshkruara ndër vite. Dhe siç shihet në grafikën trendi është në rënie në dy vitet e fundit, kështu kemi përgjysmë më pak kontrata njëburimore sesa mesatarja e viteve paraprake. Në vitin 2023 ka pasur 332 kontrata të negociura papublikim, krahasuar me vitin 2020 që ka qenë 885, në vitin 2018 kanë qenë 743. Pra, marrë parasysh në dy vitet e fundit kemi përgjysmë më pakë për nga numri. Kjo është e dhëna e parë që duhet të korrektohet”, theksoi Muja.

Deputeti Muja ka përmendur vlerën dhe përqindjen e kontratave një burimore ndër vite, ku përmendi edhe ish-ministren Hykemete Bajrami. Sipas tij, në vitin 2008 dhe 2015 ka qenë rekordi i numrave të kontratave njëburimore.

“Numri total I të gjitha kontratave në vitin 2023 kanë qenë 808 milionë euro, në vitin 2019 kanë qenë 780 milionë euro. Tash nga e gjithë kjo shumë e kontratave totale, një përqindje janë të negociuara. Tash del që në vitin 2023 në përqindje ka qenë kjo: Nga totali i të gjitha kontratave të nënshkruara 13.84 për qind kanë qenë të negociuara. Nëse e shikoni si për qindje e tendencës, rekordi natyrisht ka qenë vitin 2015 me 16.1 për qind. Ka qenë një rekord tjetër në vitin 2008 me 19.86 për qind. Çuditërisht përfaqësuesit e këtyre rekordeve… madje në vitin 2016 zonja Bajrami ka qenë ministre në Qeverinë e famshme Mustafa”, tha Muja.

Këto kontrata me procedurë të negociuar ka disa ditë që janë bërë objekt i përplasjeve mes ministrit të Financave, Hekuran Murati dhe deputetes së LDK-së, Hykmete Bajrami.

Pas kësaj konference për media të Vetëvendosjes, ka reaguar sërish ministri i Financave, Hekuran Murati.

Sipas Muratit, “kur i dëgjon teksa flasin opozita e analistët, të krijohet përshtypja që numri i këtij lloji të kontratave ka tejkaluar të gjitha qeveritë e mëparshme”.

“Është e kuptueshme që numri nuk mund të bjerë në zero sepse çdoherë del diçka për të prokuruar që kërkon shfrytëzimin e neneve 34 dhe 35 të ligjit për prokurim publik. Ama as që bëhet fjalë për rritje të numrit të kontratave të tilla, e aq më pak shkuarjes përtej asaj që e lejon ligji. Të dhënat më poshtë më së miri e dëshmojnë që e gjithë zhurma e propaganda e bërë tash e disa muaj, e orkestruar nga opozita, të cilës po ia mban zhagun edhe Prokuroria Speciale, nuk është asgjë tjetër pos një luftë speciale kundër Qeverisë Kurti, qeverisë më të ndershme që vendi ka pasur ndonjëherë”, ka shkruar Murati.

Parlamenti Evropian nesër pritet të votojë përbërjen e re të Komisionit Evropian, pas zgjedhjeve në Bashkimin Evropian, të cilat janë mbajtur në qershor të këtij viti. Në partinë në pushtet, Lëvizjen Vetëvendosje, partitë opozitare por edhe njohës të integrimeve evropiane pritjet janë që përbërja e re e Komisionit Evropian të ketë qasje më pro-aktive dhe mbështetëse ndaj Kosovës.

Përbërjen e re të KE-së para euro-deputetëve do ta prezantojë presidentja e Komisionit Evropian, Ursula von Der Lyen. Në krye të politikës së jashtme dhe të sigurisë së BE-së do të jetë ish-kryeministrja e Estonisë, Kaja Kllas, ndërkaq komisionerja për zgjerim do të jetë, Marta Kos nga Sllovenia.

Të dyja zyrtaret e larta evropiane vijnë nga vende njohëse të pavarësisë së Kosovës. Ky fakt për shefen e grupit parlamentar të Lëvizjes Vetëvendosje, Mimoza Kusari-Lila, është pozitive për vendin, duke krahasuar me shefin aktual të politikës së jashtme dhe të sigurisë së BE-së, Josep Borrell.

Ajo thotë se në bazë të dëgjimeve publike që dy zyrtaret kanë pasur në komisione të Parlamentit Evropian, qëndrimet e tyre janë në përputhje të plot edhe me qëndrimin e Kosovës.

Shefja e deputetëve të LVV-së, është optimiste se tashmë Komisioni Evropian do të lëviz përpara në drejtim të largimit të masave ndaj Kosovës. Sipas saj, është e domosdoshme që BE-ja, mos të ketë qasje të njëanshme në dialog dhe të mos ketë politika të pandëshkueshmërisë ndaj Serbisë.

Po ashtu, ajo potencon nevojën që në kuadër të kësaj përbërje të Komisionit Evropian të shqyrtohet edhe aplikimi i Kosovës për marrjen e statusit vend-kandidat për anëtarësim në BE.

“Pashmangshëm do të jetë një politikë paska më ndryshe në raport me bartësit e dikastereve në kuadër të Komisionit Evropian. Për Republikën e Kosovës dhe Ballkanin Perëndimor në veçanti janë të rëndësishëm dy dikaster. Komsionerja për zgjerim Marta Kos dhe përfaqësuesja e lartë për politikë të jashtme dhe siguri, Kaja Kallas. Në të dy rastet pozicionet e deklaruara, dëgjimeve që kanë qenë në kuadër të komisioneve në Parlamentin Evropian kanë qenë qëndrime në përputhje të plot edhe me qëndrimin e Kosovës. Në raport edhe me qoftë mosndryshimin e kufijve në Ballkan, ku komisionerja Kos ka qenë e prerë se në Ballkan s’do të ketë ndryshim të kufijve…. Kjo politikë e pandëshkueshmërisë (e Borrell dhe Lajçak) apo njëfarë forme e nxjerrjes së Serbisë në një pozicion të barabartë me Kosovën do të ndryshojë ose të paktën do të ketë tendencë për të ndryshuar”, thekson Kusari-Lila.

Në anën tjetër, deputetja e LDK-së, njëherësh kryetarja e Komisionit parlamentar për integrime evropiane, Rrezarta Krasniqi, thotë se pret që shumë shpejtë pas votimit të Komisionit të ri Evropian të miratohet plani i zgjerimit të BE-së për gjashtë vendet e Ballkanit Perëndimor.

Sipas saj, përbërja e re e Komisionit Evropian duhet të insistojë për largimin e masave ndëshkuese ndaj Kosovës, mirëpo shton se edhe institucionet e Kosovës duhet të bëjnë punën e tyre drejt zbatimit të kërkesave të BE-së.

“Konstituimi i komisionit të ri evropian ka një rëndësi të veçantë për Bashkimin Evropian por edhe për Kosovën. Tashmë pritet të bëhet zgjerimi i planit të BE-së, gjithashtu pritet të hiqen edhe masat e BE-së. Mirëpo më shumë varet edhe nga institucionet tona që të zbatojnë kërkesat e BE-së, të cilat janë të parealizueshme deri tani. Për herë të parë Kosova ka masa nga Bashkimi Evropian, mirëpo presim që me konstituimin e komisionit të ri evropian të merren hapa të rinj dhe Kosovës t’i hiqen masat, por puna kryesore i mbetet qeverisë”, deklaron Krasniqi.

Optimist se Komisioni i ri Evropian do të ketë qasje pro-aktive ndaj Kosovës është edhe profesori i integrimeve evropiane, Avni Mazrreku.

Ai thotë se është lajm pozitiv për Kosovën së në krye të politikës së jashtme të BE-së, është ish-kryeministrja e Estonisë, Kaja Kallas.

Sipas tij, kjo e vendosë Kosovën apriori në pozitë më të favorshme, krahasuar me mandatin paraprak, ku në krye të këtij dikasteri ka qenë Josep Borrell.

“Roli i individit ka jashtëzakonisht shumë rëndësi. Në mandatin e kaluar, në strukturat të deritanishme të politikës së jashtme të Bashkimit Evropian kemi pas kryesisht personalitete të cilat vijnë nga ministritë e jashtme të shteteve që kanë qenë dhe vazhdojnë të jenë mjaft rezistente sa i përket njohjes së sovranitetit të Kosovës. Në këtë rast lajmi pozitiv është se zyrtarja në fjalë për organin respektiv të Bashkimit Evropian vjen nga një shtet i cili është ndër shtetet e para njohës të Pavarësisë së Kosovës. Apriori kjo e vendosë Kosovën në pozitë më të favorshme, krahasuar me mandatin paraprak”, deklaron ai.

Komisioni i ri evropian do të ketë mandat pesëvjeçar. Institucionet kosovare, jo rrallë herë kanë adresuar kritika për Josep Borrell, mirëpo edhe komisionerin aktual për zgjerim, Oliver Verhelyi për qasje jo të drejt ndaj Kosovës.

Finlanda mbetet për të shtatën vit radhazi kombi më i lumtur në botë. Sipas një raporti të fundit, vendi nordik vazhdon të ruajë kryesimin në këtë ranglistë prestigjioze, duke ofruar një shembull të jashtëzakonshëm të një shoqërie të qëndrueshme dhe të lumtur. Si një nga shtetet me një popullsi të vogël prej rreth pesë milionë e gjysmë banorësh, Finlanda ka arritur të eliminojë hendekun gjinor dhe është e njohur për politikat e saj progresive dhe mbështetjen ndaj të drejtave të individëve, sidomos përsa i përket rritjes dhe kujdesit të fëmijëve.

Një nga faktorët kryesorë që ndihmojnë në arritjen e këtij niveli të lumturisë është filozofia e jetesës finlandeze, e cila bazohet në balancimin e jetës personale dhe profesionale, si dhe një lidhje e fortë me natyrën. Për më tepër, Finlanda ka një klasë politike që e vlerëson ndërgjegjen sociale dhe e konsideron shumë të rëndësishme pagimin e taksave, me 96% të popullsisë që e konsideron këtë akt si një “detyrë të rëndësishme.”

Në një kohë kur ndryshimet klimatike dhe kërcënimi i mundshëm bërthamor janë shqetësime të mëdha për botën, Finlanda ofron një “flluskë të shndritshme” ku jetesës i është dhënë prioritet stabiliteti, siguria dhe mirëqenia e qytetarëve të saj. Edhe në dimrin e ashpër, kur stuhitë e borës mbulojnë kryeqytetin dhe dita është e shkurtër, me diellin që lind në orën 09:00 dhe perëndon në 15:00, finlandezët mbeten optimistë dhe të përqendruar në vlerat e besimit dhe bashkëpunimit.

Në Finlandë, lumturia është një mënyrë jetese që reflektohet në të gjitha aspektet e jetës sociale dhe personale, dhe autoritetet e vendit sigurojnë që askush të mos lihet pas dore, duke ofruar mundësi për çdo qytetar dhe duke krijuar një atmosferë të besueshme dhe të sigurt. Ky është një vend ku fëmijët dhe të rriturit mund të shijojnë një jetë të balancuar dhe të lumtur, duke kontribuar aktivisht në zhvillimin e shoqërisë.

Në vijim të listës, vendet që pasojnë Finlandën si më të lumturat janë:

2. Danimarka
3. Islandë
4. Zvicra
5. Izraeli
6. Holanda
7. Norvegjia
8. Luksemburgu
9. Svizzera
10. Australia
11. Zelanda e Re
12. Kosta Rika
13. Kuvajti
14. Austria
15. Kanadaja
16. Belgjika
17. Irlanda
18. Çekia
19. Lituania
20. BM

Ky raport pasqyron një panoramë të gjerë të vendeve që kanë arritur të krijojnë kushte ideale për qytetarët e tyre, duke përfshirë arsim, shëndetësi, dhe mundësi për një jetë të balancuar dhe të lumtur. Finlanda dhe vendet e tjera në këtë listë ofrojnë një shembull të shkëlqyer për botën, duke nxitur shoqëritë të krijojnë mundësi më të mira për të gjithë qytetarët e tyre./UBTNews/