Lajmet

Kurti: Mbi një mijë operacione policore kundër krimit të organizuar dhe mbi 3600 të arrestuar

Published

on

Të gjitha komunitetet që janë në Kosovë duhet të jenë të përfaqësuara e të kontribuojnë në institucionet tona, u tha me rastin e shënimit të “Ditës së informimit për komunitetet” nga Akademia e Kosovës për Siguri Publike (AKSP).

Kryeministri Albin Kurti tha se profesionalizimi i kësaj akademie është rëndësishëm për mbrojtjen e kufijve tanë, në mënyrë që mallrat të jenë kontrolluara dhe kriminelët të ndëshkohen.

Ai shtoi se qe nga fillimi i mandatit të qeverisë, janë zhvilluar mbi një mijë operacione policore kundër kontrabandës dhe krimit të organizuar, si dhe janë arrestuar mbi 3.600 persona.

“Po angazhohemi që të ndërtojmë një shoqëri dhe shtet të sigurt, të ngremë dhe forcojmë kapacitetet tonë për të mbrojtur vendin dhe popullin tonë…Nga fillimi i mandatit tonë qeverisës janë zhvilluar mbi një mijë operacione policore kundër krimit të organizuar dhe kontrabandës, janë shkatërruar 100 grupe kriminale dhe 16 laboratorë të drogës, si dhe janë arrestuar mbi 3.800 persona…Policia janë populli dhe populli është policia…Kjo vlen jo vetëm për policinë, por edhe për doganat, shërbimin korrektues, shërbimin sprovues, inspektoratin, si dhe për ata që menaxhojnë raste emergjente…Është e domosdoshme që të gjitha komunitetet të cilat janë në Kosovë të jenë të përfaqësuara e të kontribuojnë në institucionet tona. Në dogana 15 për qind e stafit janë nga komunitetet”, tha Kurti.

Ministri i Punëve të Brendshme, Xhelal Sveçla potencoi se institucionet e sigurisë kanë gjithmonë dyert e hapura për të gjithë ata që duan të ofrojnë siguri në sundimin e rendit dhe ligjit për qytetarët.

“Institucionet tona të sigurisë i kanë gjithmonë dyert hapura për të gjithë ata e ato që duan të jenë faktorë në ofrimin e sigurisë në sundimin e rendit dhe ligjit për të gjithë qytetarët tanë e Republikën tonë të përbashkët…Në historinë e themelimit të institucioneve tona, në ngritjen dhe forcimin e përditshëm të tyre, pjesë e pandashme është kontributi i zyrtarëve tanë nga të gjitha komunitetet, të cilët në çdo ditë të punës së tyre, janë në shërbim të qytetarëve tanë pa dallim…Diversiteti është vlerë, andaj nisur nga ky parim i yni jam i lumtur që sot kemi në shërbim në uniformën e Policisë së Kosovës pjesëtarë nga të gjitha komunitete në të gjitha nivelet organizative të saj”, potencoi Sveçla.

Ministri për Komunitete dhe Kthim (MKK) Nenad Rashiq, ka thënë se kjo akademi për të simbolizon një fillim dhe bashkëpunim për të gjithë. Ai theksoi se MKK-ja është në proces të strategjisë për mbrojtjen e të drejtave të komuniteteve.

“Kjo shkollë, kjo akademi mua më simbolizon një fillim, një bashkim për të gjithë…Për një përparim, për një zhvillim, dhe për të ardhmen…Çfarë do të thotë për mua? Kjo akademi është besueshmëri, zgjedhje dhe ardhmëri…Edhe ne si Ministri për Komunitete dhe Kthim jemi në zgjedhjen e një dokumenti që është jashtëzakonisht i rëndësishëm… Ai dokument quhet ‘Strategjia për mbrojtjen e të drejtave të komuniteteve’. Kjo më jep rast që t’ju ftoj të gjithë që të jeni pjesë e kësaj strategjie. Dokumenti apo strategjia është e rëndësishme sa edhe vetë njeriu”, tha Rashiq.

Ndërkaq, zëvendësues drejtori i Përgjithshëm i AKSP-së, Kastriot Jashari potencoi se kjo akademi e ka kultivuar frymën e bashkëpunimit me komunitete duke i bërë pjesë integrale në të gjitha proceset e kësaj akademie. Ai konsideroi se AKSP-ja tashmë e një kohë të gjatë e ka të natyralizuar bashkëpunimin e komuniteteve.

“Akademia tash e 23 vite, gjen një bashkëpunim me agjencitë e sigurisë publike dhe partnerët tanë ndërkombëtarë amerikanë dhe evropianë… E ka kultivuar frymën e bashkëpunimin me komunitete duke i bërë pjesë integrale të gjitha proceset tona në akademi, në fushën e trajnimeve, arsimit të lartë, dhe të gjitha aktiviteteve performuese që ne organizojmë në akademi. Konsideroj që akademia, si shtëpi e përbashkët e institucioneve të sigurisë publike, tashmë një kohë të gjatë e ka të natyralizuar bashkëpunimin dhe integrimin e komuniteteve në jetën tonë të përditshme”, tha Jashari.

Ndryshe, Akademia e Kosovës për Siguri Publike është themeluar në shtator 1999. Fillimisht është quajtur Shkolla e Shërbimit Policor të Kosovës, më pas nga 2006 është quajtur Qendra e Kosovës për Siguri Publike, Edukim dhe Zhvillim. Më 26 mars 2008, Akademia e Kosovës për Siguri Publike funksionon si agjenci ekzekutive e Ministrisë së Punëve të Brendshme.

Ndërsa që nga dhjetori i vitit 2011 me miratimin e ligjit, bartë emrin Akademia e Kosovës për Siguri Publike (AKSP).

Sipas këtij Ligji, AKSP është institucion përgjegjës për ofrimin e trajnimeve dhe arsimit të lartë, zbatimin e politikave si dhe zhvillimin e kapaciteteve në fushën e sigurisë publike.

Akademia ofron trajnime dhe arsim të lartë për të gjitha institucionet e sigurisë publike, por pa u kufizuar vetëm në Policinë e Kosovës (PK), Shërbimin Korrektues të Kosovës (SHKK), Shërbimin Sprovues të Kosovës (SHSK), Doganën e Kosovës (DK), Agjencinë e Menaxhimit Emergjent (AME) dhe Inspektoratin Policor të Kosovës (IPK).

Brenda vitit në AKSP trajnohen nga 12.000 deri në 13.000 zyrtarë të sigurisë publike në trajnime bazë, të avancuara dhe të specializuara.

Lajmet

Sot vazhdon seanca ndaj të akuzuarve për vrasjen e Liridona Ademajt

Published

on

E përditësuar:

08:10

Do të vazhdojë edhe sot seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Në këtë seancë pritet të dëgjohet raporti i autopsisë nga mjeku ligjor Naim Uka.

Ndryshe seanca e fundit u fokusua në dëgjimin e ekspertit të psikiatrisë, i cili kishte kryer ekzaminimin psikiatrik ndaj të akuzuarit Naim Murseli.

Eksperti kishte deklaruar në sallën e gjyqit se nga ekzaminimi i bërë nuk janë konstatuar çrregullime të shëndetit mendor te Naim Murseli, as në formë të përhershme e as të përkohshme. Ai tha se analizat janë kryer përmes dokumenteve të lëndës, bisedave të drejtpërdrejta me të akuzuarin, si dhe përmes vëzhgimit të sjelljes së tij gjatë ekzaminimit.

Liridona Ademaj u vra më 29 nëntor 2023, rreth orës 20:25, në rrugën “Dalip Alshiqi” në fshatin Bërnicë të Prishtinës./S.K/EO/

 

Continue Reading

Lajmet

​Kryeministri francez publikon përbërjen e qeverisë e re

Published

on

Kryeministri francez Sébastien Lecornu emëroi të dielën 18 ministra që do të përbëjnë qeverinë e tij të re.

Njëzet e gjashtë ditë pasi u emërua kryeministër nga presidenti Emmanuel Macron, ish-ministri i Mbrojtjes mbajti një strukturë të ngjashme me atë të paraardhësit të tij, François Bayrou, duke riemëruar 13 ministra në largim.

Një valë e dytë emërimesh në pozicione më të ulëta pritet në ditët në vijim për të kompletuar qeverinë.

Roland Lescure, një aleat i ngushtë i presidentit Emmanuel Macron, është emëruar ministri i ri Financave, njoftoi Pallati Elysee.

Ish-ministri i financave Bruno Le Maire u emërua ministër i Mbrojtjes. Disa ministra kyç mbajtën pozicionet e tyre, përfshirë Jean-Noel Barrot si ministër i Jashtëm, Bruno Retailleau ministër i Brendshëm dhe Gerald Darmanin ministër i Drejtësisë.

Lescure, i cili vjen nga e majta, dhe kryeministri i tij tani përballen me sfidën e arritjes së një kompromisi mbi buxhetin e vitit të ardhshëm në një parlament të fragmentuar përpara një afati në fund të vitit.

Negociatat mbi buxhetin kanë marrë një ton të tensionuar, ndërsa tre blloqe ideologjikisht të kundërta në parlament pa shumicë po kërkojnë lëshime të ndërsjella.

Dy nga paraardhësit e Lecornu u rrëzuan mes përpjekjeve për të frenuar deficitin buxhetor të Francës, më i madhi në Eurozonë, në një kohë kur agjencitë e vlerësimit të kreditit dhe investitorët po e ndjekin situatën nga afër.

Në një përpjekje për të fituar mbështetjen e socialistëve, Lecornu propozoi një taksë mbi të pasurit që e kërkonte e majta, ndërsa përjashtonte asetet e pronarëve të bizneseve prej saj për të mbrojtur bizneset dhe vendet e punës.

Ai gjithashtu përjashtoi përdorimin e të drejtave të veçanta kushtetuese për të kaluar buxhetin në parlament pa votim./S.K/KP/

Continue Reading

Lajmet

​Tifozët e Barcelonës kërkojnë largimin e legjendës nga klubi pas humbjes nga Sevilla

Published

on

Barcelona pësoi humbje të rëndë nga Seville me rezultat 1:4 në raundin e 8-të të La Ligës dhe humbi shansin për të marrë vendin e parë.

Ekipi vendas erdhi në epërsi në pjesën e parë me një goditje penalltie nga ish-lojtari i Barcelonës Alexis Sánchez, dhe pak më vonë Isaac Romero shënoi për 2:0.

Marcus Rashford e uli diferencën në 2:1 me golin e tij të tretë të sezonit, por kjo nuk e ndryshoi rrjedhën e ndeshjes.

Ndërkaq, Carmona dhe Adams shkatërruan ekipin katalanas me golat e shënuar në minutën 90 dhe minutën e gjashtë e kohës shtesë.

Paraprakisht, katalanasit patën shans të shkëlqyer për t’u rikthyer në minutën e 76-të. Atyre iu dha një penallti, por Robert Lewandowski humbi të gjithë kornizën e portës, duke kryer një kërcim para një gjuajtjeje në stilin e Jorginho.

Turma reagoi me fishkëllima dhe një valë pakënaqësie u zhvendos shpejt në rrjetet sociale./S.K/KP/

 

Continue Reading

Lajmet

Dy të vdekur ​12 të plagosur nga të shtënat me armë zjarri në Alabama

Published

on

Persona të armatosur hapën zjarr në mesin e një turme të madhe në qendër të Montgomery, Alabama (SHBA), duke lënë dy të vdekur, përfshirë një adoleshent, ndërsa lëndime pësuan 12 persona të tjerë.

Shefi i Policisë së Montgomery, James Graboys, tha se të shtënat me armë shpërthyen rreth orës 23:30 të së shtunës, në lagjen e jetës së natës së qytetit.

Policia beson se një nga viktimat ishte në shënjestër, por disa persona filluan të qëllonin në zonën e dendur të mbushur me njerëz pasi u dëgjuan të shtënat e para.

Shefi i Policisë së Montgomery, James Graboys, tha se tre nga të plagosurit u shtruan në spital me lëndime kërcënuese për jetën.

“Këto ishin dy palë të përfshira që praktikisht po qëllonin njëra-tjetrën në mes të një turme”, u tha Graboys gazetarëve.

Graboys identifikoi dy viktimat si 17-vjeçari Jeremiah Morris dhe Shalanda Williams, 43-vjeçe.

Të shtënat shpërthyen ndërsa qyteti tërhoqi mijëra njerëz për Panairin Shtetëror të Alabamës, festat e shikimit të futbollit dhe rikthimin në shtëpi të Universitetit Shtetëror të Alabamës. Asnjë nga këto ngjarje nuk kishte ndonjë përfshirje në të shtënat e fundjavës./S.K/KP/

 

Continue Reading

Të kërkuara