Lajmet
Kurti kujton Adem Demaçin në 6-vjetorin e shuarjes së tij: ‘Simboli i rezistencës’
Kështu e ka kujtuar kryeministri i Kosovës Albin Kurti shuarjen e tij.
“Ndër vite, në të gjallë të tij dhe pas vdekjes, e kanë quajtur ‘simboli i rezistencës’ dhe e kanë krahasuar me Nelson Mandelan, por përtej këtyre epiteteve profili i Adem Demaçit është shumë më kompleks se kaq, sepse jeta e tij ishte një jetë e jetuar në një mënyrë aq autentike. Gazetar e shkrimtar, veprimtar e intelektual, i përndjekur dhe i burgosur politik, i lauruar për paqe, përfaqësues politik i luftëtarëve të lirisë, mendimtar dhe kritik, Adem Demaçi ishte mishëruar me çështjen kombëtare shqiptare qysh në rini, duke u kapur fort pas ‘nanës Shqipëri’, siç e kishte këshilluar nëna e tij. Studiues i letërsisë botërore dhe lexues i filozofisë së Hegelit, Adem Demaçi u bë mendja më e fuqishme dhe zëri më i guximshëm që i artikuloi interesat politike të shqiptarëve në Jugosllavi, gjatë gjysmës së dytë shekullit XX”, ka shkruar Kurti.
Sipas Kurtit te personaliteti njerëzor dhe figura historike e Adem Demaçit, përbashkohen të gjitha gjeneratat e aktivistëve politikë dhe patriotëve shqiptarë, që nga ata të demonstratave të ’68-ës dhe të ’81-shit, te luftëtarët e Ushtrisë Çlirimtare të Kosovës dhe deri te brezi i shtetndërtimit demokratik të Republikës së pavarur të Kosovës.
“Vepra e shkruar dhe e jetuar e Adem Demaçit, nisur nga historia e aktivizmit të tij politik dhe e burgjeve, rezistenca e tij plot guxim, angazhimi i tij me këmbëngulje dhe vetëmohim, mendimi i tij politik i artikuluar publikisht në panumër tubime, shkrime dhe intervista, gjithçka që ai ka thënë dhe ka bërë dhe gjithçka që ai ka refuzuar të bëjë dhe mbështes, janë një kapitull më vete në historinë moderne të mendimit politik shqiptar dhe të politikbërjes përparimtare në Kosovë. Vepra dhe jeta e Adem Demaçit ishin një, sepse Baci Adem e shkroi në vepër jetën e tij dhe e jetoi veprën e tij të shkruar, në burg a në liri, në libra a në organizime, kudo dhe kurdo, çdo ditë, deri në frymën e fundit. Lavdi e përhershme Adem Demaçit, mes nderimesh dhe kujtimesh për të, duke e rikthyer vëmendjen kah vepra dhe jeta e tij”, përfundoi Kurti./UBTNews/
lajme
Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare
Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare
Akil Gjakova mbyll garën pa medalje në Abu Dhabi
Lituania do të vendosë shërbimin universal ushtarak nga viti 2032
Nën hetim për projektin e kryeqytetit: Përparim Rama paraqitet në Prokurorinë Speciale
Laura Fazliu fiton të bronztën në Grand Slam
Inspektorati mbyll 7 biznese dhe shqipton po aq gjoba
Laura Fazliu kalon në gjysmëfinale të Grand Slam-it në Abu Dhabi
Mundësi akademike për profesionistët: UBT ndan bursa 20% për studimet Master
Profesori i UBT-së, Arian Kadriu, merr pjesë në Konferencën Ndërkombëtare Shkencore në Ukrainë
-
Lajmet3 months agoInfantino kërkon falje për gabimet, por ruan mbështetjen e drejtuesve të FIFA-s
-
Sport3 months agoUellsi tërheq mbështetjen për Infantinon, kërkon ndryshim në krye të FIFA-s
-
Aktualitet3 months agoRusia sulmon Ukrainën me raketa balistike dhe dronë: Të paktën 14 të vrarë në Kjiv
-
Lajmet3 months ago“Spider-Man: Brand New Day” thyen rekorde, i afrohet miliardit në vetëm pak ditë