Lajmet

Kurti i gëzohet miratimit të Projektligjit për Gjykatën Komerciale

I pari i Qeverisë thotë se edhe formalisht është hapur rruga për krijimin e kësaj gjykate.

Published

on

Kryeministri i Kosovës, Albin Kurti e ka përshëndetur miratimin e Projektligjit për Gjykatën Komerciale i cili në seancën e kësaj të premte mori votën e 74 deputetëve.

I pari i Qeverisë thotë se edhe formalisht është hapur rruga për krijimin e kësaj gjykate për të cilën shton edhe se ky ishte edhe zotimi i tyre zgjedhor dhe prioritet në programin qeveritar. Me këtë rast ai ka falënderuar edhe deputetët e kuvendit që votuan “për” miratimin e këtij projektligji

“Edhe formalisht u hap rruga për krijimin e Gjykatës Komerciale. Ishte ky zotim i yni zgjedhor, prioritet në programin qeveritar, që sot e mori epilogun nga Kuvendi i Republikës. I falenderoj të gjithë deputetët për votimin dhe diskutimet. Shumë gjatë sektori privat është ballafaquar me sfida që kanë frenuar bizneset e tyre për shkak të mungesës së efikasitetit gjyqësor, procedurave të stërzgjatura për zgjidhjen e rasteve, ekspertizave profesionalisht jo të kënaqshme apo numrit të vogël të gjyqtarëve. Vetëm për tri vite (2018, 2019 dhe 2020), në Departamentin për Çështje Ekonomike janë hapur 2260 konteste mes bizneseve, nga të cilat 15 raste kanë vlerë mbi 1 milion euro secila”, ka shkruar Kurti.

Ai tha edhe se Ligji për Gjykatën Komerciale krijon mundësi të mjaftueshme për rritjen e efikasitetit në zgjidhjen e kontesteve tregtare.

“Ligji për Gjykatën Komerciale krijon mundësi të mjaftueshme për rritjen e efikasitetit në zgjidhjen e kontesteve tregtare, me qëllim që të drejtat e bizneseve të fituara nga zgjidhja e mosmarrëveshjeve tregtare dhe administrative të realizohen pa vonesa, duke lehtësuar kësisoj shfrytëzimin e kapitalit. Ligji siguron lirinë e sipërmarrjes, barazinë e palëve, të drejtën e pronës dhe zbatimin e kontratave, në përputhje me kushtetutën dhe ligjet e vendit. Po ashtu, ndërton besimin e investitorëve, duke përfshirë mërgatën tonë, dhe i hap rrugë zhvillimit të qëndrueshëm dhe mirëqenies së qytetarëve të Republikës. Departamenti Ekonomik i Gjykatës Themelore në Prishtinë ka operuar me kapacitete mjaft të kufizuara, me ç’rast mesatarja e zgjidhjes së vetëm një rasti të natyrës ekonomike merrte 4 deri në 5 vite kohë”, shpjegon Kurti.

Po ashtu i pari i Qeverisë tha se themelimi i kësaj gjykate do ta përmirësojë edhe gjendjen përmes aktgjykimeve meritore për zgjidhje përfundimtare të rasteve nga gjyqtarët dhe se ky ligj do të ketë ndikim ekonomik tejet pozitivë për vendin.

“Themelimi i Gjykatës Komerciale do të përmirësoj gjendjen përmes aktgjykimeve meritore për zgjidhje përfundimtare të rasteve nga gjyqtarët, numri i të cilëve do të rritet konsiderueshëm, nga vetëm 5 sa kanë qenë deri tash. Mbi 3.000 raste qysh në fillim do të jenë subjekt shqyrtimi i kësaj Gjykate, që do të ketë juridiksion edhe për rastet përmbarimore, duke zgjidhur afërsisht 500 raste të kësaj natyre në vit. Ky ligj do të ketë ndikim ekonomik tejet pozitiv në vendin tonë. Lehtësohet tërheqja e investimeve të jashtme, duke na bërë kredibilë, seriozë dhe të përkushtuar për drejtësi dhe të drejtën, drejt zhvillimit ekonomik. Ligji për Gjykatën Komerciale i shërben shtetit të së drejtës si parakusht të zhvillimit ekonomik”, ka shkruar kryeministri Kurti. 

Lajmet

Komuna e Gjilanit, rrënon objektin e ish-policisë serbe në Zhegër

Published

on

By

Komuna e Gjilanit, ka njoftuar se ka rrënuar objektin e ish- policisë serbe në fshatin Zhegër.

Nga komuna tregojnë, se sot e rrënuan një kujtim jo të mirë (ose kujtim të keq), për banorët e fshatit Zhegër.

Zyrtarë nga Drejtoria e Inspekcionit, së bashku me drejtorin e Shërbimeve Publike, me kërkesë të Këshillit të fshatitit, thuhet se ndëmorrën iniciativën për rrënimin e ish-objektit të ish-milicisë serbe, ku kujtimet për këta objekte ishin kujtim traume për banorët e këtij lokaliteti.

Ky objekt jashtë përdorimit, ishte rrezik edhe për qytetarët”.

Inspeksioni kërkon nga qytetarët tē denoncojnë dukuritë negative dhe lagjet e qytetit dhe fshatrave të jenë më të pastërta”, thuhet në komunikatën për media./D.B/EO

Continue Reading

Bota

Tregtia me pakicë e eurozonës bie më shumë se sa pritej në korrik

Published

on

By

Shitjet me pakicë në zonën e euros ranë 0.5% në korrik nga një muaj më parë, më shumë se pritjet e tregut, sipas të dhënave zyrtare të publikuara sot nga Eurostat.

Në BE, shitjet ranë gjithashtu 0.4% në të njëjtin muaj. Pritja e tregut për zonën e euros ishte një rënie mujore prej 0.3% në korrik.

Rënia më e lartë e vëllimeve të shitjeve në zonën e euros u pa në shitjet e karburantit për automjete në dyqane të specializuara, me 1.7% më pak në bazë mujore.

Vëllimet e shitjeve në korrik ranë gjithashtu 1.1% për ushqimin, pijet dhe duhanin.

Nga ana tjetër, vëllimet e shitjeve për produktet jo-ushqimore (përveç karburantit për automjete) u rritën 0.2% në korrik.

Midis anëtarëve të BE-së për të cilët ka të dhëna të disponueshme, rëniet më të mëdha mujore u panë në Kroaci (-4%), Estoni (-2%) dhe Gjermani (-1.5%).

Në anën tjetër, rritjet më të mëdha ishin në Lituani (rritje prej 1.5%), Letoni (1.4%) dhe Holandë (1.1%) në korrik.

Në bazë vjetore, shitjet me pakicë u rritën 2.2% në eurozonë dhe 2.4% në BE në korrik, nën parashikimet e tregut./D.B/KP

Continue Reading

Lajmet

​Problemi i punësimit në Amerikë po vihet në qendër të vëmendjes

Published

on

By

Raporti i punësimit i korrikut dhe rishikimet në rënie që erdhën bashkë me të, konfirmuan atë që të dhëna, anketa dhe ekonomistë të tjerë kishin paralajmëruar për disa muaj tani: Tregu i punës në SHBA ka qenë në rritje të ngadaltë dhe në stanjacion.

Megjithatë, realizimi goditi si një ton tullash dhe shkaktoi disa drama jashtëshkollore në këtë process, shkruan CNN.

73,000 vendet e punës të shtuara të vlerësuara të muajit ishin shumë më poshtë se fitimi neto i pritur prej 115,000 dhe gjysma e madhësisë së numrit paraprak të qershorit. Sa i përket fitimeve të majit dhe qershorit, ato u ulën në mënyrë drastike me një çerek milioni vende pune të kombinuara.

Pas këtyre rishikimeve, mesatarja tremujore ishte vetëm 35,000 vende pune të shtuara. Përveç humbjeve masive të vendeve të punës gjatë fillimit të pandemisë, ky është ritmi më i ngadaltë i krijimit të vendeve të punës i parë në gati 15 vjet, tregojnë të dhënat e Byrosë së Statistikave të Punës.

Kur gjithçka u tha dhe u bë, Presidenti Donald Trump shkarkoi Komisioneren e BLS-së, Erika McEntarfer, duke pretenduar, pa prova, se ajo i kishte manipuluar shifrat për “qëllime politike”. (Rishikimet janë një “karakteristikë, jo një gabim” i të dhënave ekonomike, dhe ka shpjegime për atë që ndodhi në maj dhe qershor – më shumë për këtë më poshtë).

Raporti i punësimit të së premtes për gushtin pritet të ofrojë disa qartësi shtesë dhe shumë të nevojshme mbi shëndetin e tregut të punës të vendit, themeli për konsumatorin dhe ekonominë amerikane./D.B/KP

Continue Reading

Lajmet

Turqia mund Serbinë në basketboll

Published

on

Eurobasketi 2025 ka hyrë në fazën finale të garës në grupe. Në ndeshjen më interesante, Turqia dje ka mundur Serbinë, në një ndeshje shumë dramatike dhe të paqartë.
Ndeshja e zhvilluar në Riga përfundoi me rezultatin 95:90. Pas kësaj fitoreje, Turqia ngelet në krye të grupit, me pesë fitore e asnjë humbje.
Çereku i parë u mbyll me rezultat 19:18, ndërsa ekipet shkuan në pushim te rezultati 49:46 për Turqinë.
Çereku i tretë u mbyll me rezultatin 74:73, për të ardhur te rezultati final 95:90.
Alperen Sengun ishte lojtari më i mirë për Turqinë, me 28 pikë, 13 kërcime e tetë asistime.
Një kontribut shumë të madh dhanë dy lojtarët shqiptarë që luajnë për Turqinë. Erxhan Osmani shënoi 10 pikë, ndërsa dhe Kenan Spahiu 5 pikë./S.K/Fanatic/

Continue Reading

Të kërkuara