Lajmet

​Kurti ftohet për raportim në Kuvend, Gashi: S’ka pse të mbahet sekret një dokument që është pranuar

Nga opozita po presin që nga Kurti të bëhet e ditur përmbajtja e dokumentit.

Publikuar

7 muaj më parë

më

Kuvendi i Kosovës do të mblidhet këtë të premte, ndërsa për raportim në këtë seancë është ftuar kryeministri Albin Kurti. Ai para deputetëve pritet të përgjigjet lidhur me atë që është dakorduar të enjten në Bruksel. Nga opozita po presin që nga Kurti të bëhet e ditur përmbajtja e dokumentit për të cilin ai ka shprehur gatishmërinë ta nënshkruajë.

Shefi i Grupit Parlamentar të Lidhjes Demokratike të Kosovës, Arben Gashi, tha pas mbledhjes së Kryesisë së Kuvendit se për raportimin e të parit të ekzekutivit pati dakordim në mbledhjen e sotme.

“Sot, në mbledhjen e Kryesisë u dakorduam që ta ftojmë kryeministrin për raportim në Kuvend, lidhur me bisedimet e fundit, të cilat janë mbajtur dhe se çka ka pranuar kryeminsitri i vendit. Cili ëhstë ai draft që është pranuar, si kemi arhdur deri tek ai proces dhe si kemi ardhur deri tek ky konkluzion? Presim që kryeministri të jetë të premten në Kuvend, së bashku me dokumentet të cilat i ka pranuar dhe këto të diskutohen në Kuvend”, tha ai.

Sipas tij, dokumenti i cili është pranuar tashmë nga kryeministri i vendit nuk ka pse të mos prezantohet para përfaqësuesve të popullit. Ai madje, tha se në të kaluarën ishte pikërisht kryeministri Kurti që kërkonte me ngulm publikimin e dokumenteve, në të kundërtën, siç tha Gashi, i quante “tradhti” apo “tendencë për të fshehur akte të tradhtisë”.

“Gjithmonë janë bërë të njëjtat kërkesa. Por, në kohët e mëhershme, kur negociuesit dhe bashkëbiseduesit nuk i kanë shfaqur dokumentet qoftë edhe partive politike, atëherë kryeministri i Kosovës i ka quajtur ‘tradhti’ apo ‘tendencë për të fshehur akte të tradhtisë’. Nuk e dimë çfarë ka në ato dokumente, për ne është me rëndësi që në ato dokumente të kemi qasje si Kuvend i Kosovës, si institucion dhe si përfaqësues të popullit, dhe të krijojmë opnion se çka na pret në të ardhmen në bazë të obligimeve që kryeministri i ka marrë. Është një dokument i cili është pranuar, nuk ka pse të mbahet sekret”, vijoi Gashi.

Deputeti i LDK-së foli edhe për raportet e Kosovës me ndërkombëtarët dhe grevën e minatorëve të Trepçës.

“Shprehëm shqetësimin tonë lidhur me grevën e minatorëve të Trepçës dhe kërkuam që sa m shpejtë, kryeministri dhe qeveria të gjejnë një zgjidhje për situatën e krijuar. Kërkesat e minatorëve janë minimaliste dhe të gjitha duhet të plotësohen. Pra, jemi në një fazë ku duhet të jemi të kujdesshëm dhe të ndërgjegjshëm ndaj strukturave të veçanta, në këtë rast për minatorët, dhe në rastin tjetër, është me rëndësi jetike të diskutojmë me kryeministrin dhe të shohim se si janë raportet e Kosovës me partnerët ndërkombëtarë, çfarë ka ndodhur me masat që i ka marrë BE-ja ndaj Kosovës dhe cilët do të jenë hapat e mëtejshëm që do të merren”, tha Gashi.

Etiketa
Vazhdo të lexosh

Lajmet

Pezullimi i armëve nga SHBA për Izraelin nuk do të ketë ndikim në operacionet e Izraelit në Rafah

Publikuar

1 ditë më parë

më

11 Maj, 2024

nga

Elijah Magnier, një analist ushtarak dhe politik, thotë se masa e presidentit amerikan, Joe Biden për të kufizuar disa armë në Izrael nuk do të ndryshojë strategjinë e kryeministrit izraelit, Benjamin Netanyahu në Rafah.

“Kjo nuk do të ndryshojë asnjë nga planet e Netanyahut për të pushtuar Rafahun”, tha Magnier për Al Jazeera.

“Përkundrazi, do t’i japë atij kohë të mjaftueshme për të kaluar më shumë kohë në Rafah dhe për të ecur shumë ngadalë për t’u siguruar që kjo luftë do të zgjasë sa më gjatë të jetë e mundur”, shtoi ai.

Magnier shtoi se pauza e armëve amerikane është e parëndësishme sepse zbatohet vetëm për “bombat inteligjente, jo bombat memece, të cilat Izraeli i ka mjaft dhe i ka përdorur për shtatë muajt e fundit”./UBTNews/

Vazhdo të lexosh

Lajmet

​Kërkohet paraburgim ndaj të dyshuarit për ngacmim të vazhdueshëm seksual

Publikuar

2 ditë më parë

më

10 Maj, 2024

nga

Prokuroria Themelore në Gjakovë ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh ndaj të pandehurit me inicialet A.D.

Sipas kërkesës së Prokurorisë, ekziston dyshimi i bazuar se i pandehuri nga muaji dhjetor i vitit 2023 e deri me datën 08 maj 2024, në Gjakovë, e ka ngacmuar seksualisht në vazhdimësi një të mitur.

“Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet A.D., nga muaji Dhjetor i vitit 2023 e deri me dt.08.05.2024, në Gjakovë, e ngacmon seksualisht në vazhdimësi personin e dobët të dëmtuarën/e mitur, në formë të sjelljes së padëshiruar verbale dhe jo verbale të natyrës seksuale me qellim të cenimit të dinjitetit, në atë mënyre që pasi që i pandehuri dhe e dëmtuara/e mitur ishin njoftuar përmes rrjeteve sociale, i dërgon mesazhe të natyrës seksuale, me të cilat veprime të dëmtuarës ia cenon dinjitetin dhe tek e njëjta krijon një mjedis i cili objektivisht është frikësues, degradues dhe poshtërues”, thuhet në njoftimin e prokurorisë.

Tutje sipas njoftimit me këto veprime formohet dyshimi i bazuar se i pandehuri ka kryer veprën penale, ngacmim seksual në vazhdimësi.

Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

2 ditë më parë

më

10 Maj, 2024

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Kulturë, Lifestyle

Izraeli rezervon vendin në finale të Eurovisionit

Publikuar

2 ditë më parë

më

10 Maj, 2024

nga

Izraeli është kualifikuar në finalen e madhe të Eurovisionit të kësaj fundjave, duke sfiduar mijëra protestues që marshonin në vendin nikoqir të Eurovisionit, Suedi, për luftën në Gaza.

Këngëtarja Eden Golan performoi këngën e saj “Hurricane” në gjysmëfinalen e dytë të së enjtes para 9 mijë shikuesve në Malmo Arena dhe rezervoi vendin e saj në finale falë votave të shikuesve./UBTNews/

Vazhdo të lexosh

Të kërkuara