Lajmet

Kurti: Çmimet e vajit manipulative, duhet të ç’fryhen

Ai tha se ngritja e çmimeve është fryrë artificialisht dhe duhet të ç’fryhet.

Published

3 years ago

on

Kryeministri i Kosovës, Albin Kurti, i ka quajtur manipulative çmimet për vajin ushqimor. Ai tha se ngritja e çmimeve është fryrë artificialisht dhe duhet të ç’fryhet.

Pas vizitës në fabrikën e vajit në Gjilan, kreu qeveritar tha se rritja e çmimit të vajit nuk po bëhet nga gjendja objektive në teren, por nga faktori njeri me qëllim të përfitimit në kohë krize.

“3.50 do të mund të ishte rastësi, por 3.49 nuk është e rastësishme kjo përputhje anë e mbanë Kosovës e cila është një fryrje artificiale në dëm të konsumatorëve të Kosovës. Nuk ka kurrfarë arsye dhe nevoje për një fryrje të këtillë. Aktualisht çmimi i vajit ushqimorë në Kosovë është më i larti në botë. Pra bëhet fjalë për fryrje të çmimeve dhe të cilat bëhen nga faktori njeri dhe jo prej gjendjes objektive në teren. Këto çmime të fryra duhet të ç‘fryhen”, tha ai.

Kryeministri Kurti, apeloi tek qytetarët për mos panik, pasi vetëm në këtë fabrikë janë rreth 300 mijë litra vaj të papërpunuar të cilët mjaftojnë për 1 muaj konsum. Ai tha se në koordinim me vendet mike të Kosovës do të shikojnë për mënyrën e sigurimit të lëndës së parë të vajit të papërpunuar.

“Në stoqe i kanë rreth 300 mijë litra vaj të papërpunuar i cili pas përpunimit do të mjaftoj rreth 1 muaj për konsumin që ekziston në Kosovë. Pra është lajm për gjithë qytetarët se kemi vaj të papërpunuar që do të përpunohet dhe do të mjaftoj për 1 muaj. Ndërkohë për gjatë këtij muaji ne do të angazhohemi si qeveri që të gjejmë burime të lëndës së parë të vajit të papërpunuar me shtetet mike, partnere dhe aleatët tanë. Në mënyrë që në Kosovë të vije vaji i papërpunuar dhe të përpunohet dhe mos të ketë mungesa në vendin tonë. Aktualisht, kërkesa artificialisht është shumë më e lartë se konsumi. Nuk është as për afër duke u konsumuar ajo që po paraqitet si kërkesë dhe po bëhet si shitje. Është e vërtet që për shkak të luftës në Ukrainë, agresionit dhe invazionit rus atje kemi ngritje të çmimit të vajit të papërpunuar në bursat ndërkombëtare”, shtoi ai.

Kurti shtoi se inspektorët janë të duke bërë gjithë dokumentin e shkeljeve, por sipas tij qëllimi do të jetë edhe te parandalimi i rritjes.

“Padyshim që do të marrim masa, inspektorët janë duke bërë dokumentimi ne të gjitha shkeljeve, mirëpo unë nuk jam i udhëhequr vetëm tek ndëshkimi që duhet të ndodh, por edhe te parandalimi që tashmë po shkaktohet. Ju e dini se inspektorët marrin evidencë për shkeljet pastaj vazhdon procedura e ndëshkimit. Por kjo po merr kohë, njerëzit ushqehen për ditë. Prandaj në spikamë tek ne nuk është vetëm evidentimi dhe regjistrimi i shkeljeve, por edhe parandalimi i dëmeve që po ndodhin me këto manipulime të çmimeve nga faktori njeri dhe kurrsesi nga situata objektive në vendin tonë”, theksoi Kurti.

Pronari i kësaj fabrike, Berat Mustafa, tha se ka problemi në sigurimin e lëndës së parë të vajit të papërpunuar, por në bashkëpunim me ekzekutivin do të shterin gjitha mundësitë që qytetarët mos të mbesin pa vaj. Ai tha se çmimi i vajit aktualisht që shitet nga fabrika është 1.95 cent për litër, sipas tij çmimi aktual i tregut është shqetësues.

“Diskutuam për furnizimet e mëtutjeshme dhe gjetjen e formës apo mënyrës më të mirë për qytetarët tanë që të kenë vaj në tryezat e tyre. Biseduam hapur, i ofruam të gjitha mundësitë si kompani dhe menaxhment të kemi bashkëpunim me qeverinë. Do t’i shterim të gjitha mundësitë që qytetarët tanë mos të mbesin pa vaj, por edhe lusin që mos të kenë vajin të shtrenjta në tryezat e veta, pasi është produkt esencial…Çmimin që është duke shitur kompania Floil është 1.95 cent për litër, pa TVSh, ku del 2.10. Çmimi i tregut edhe për ne si kompani ishte shqetësues. I lusim t’i korrigjojnë çmimet që mos të shfrytëzohet ky vakum të mungesës së tregut. Mendoj se më shumë është krijuar panik dhe shqetësim tek qytetarët”, tha ai.

Në këtë vizitë, Kurti ishte së bashku me ministren e Industrisë, Ndërmarrësisë dhe Tregtisë, Rozeta Hajdari dhe ministrin e Bujqësisë, Faton Peci.

Related Topics:
Continue Reading

Bota

Von der Leyen: Bashkëpunimi BE-SHBA në interes dypalësh

Published

12 minutes ago

on

January 22, 2025

By

Presidentja e Komisionit të BE-së, Ursula von der Leyen, dhe kancelari gjerman, Olaf Scholz, u shprehën në Forumin Ekonomik Botëror në Davos për rëndësinë e bashkëpunimit të ngushtë mes Bashkimit Evropian dhe Shteteve të Bashkuara të Amerikës.

Von der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.

Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.

Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/

Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

19 minutes ago

on

January 22, 2025

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

40 minutes ago

on

January 22, 2025

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

53 minutes ago

on

January 22, 2025

By

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Të kërkuara