Kulturë

Kur ju kthejnë mesazh vetëm me një fjalë…

A duhet ta vazhdoni bisedën kur ju kthejnë mesazh vetëm me një fjalë?

Published

4 years ago

on

Mesazhet me një njeri që s’ke shumë që e njeh, por është kthyer në fiksimin tënd të ri janë fiks si një lojë ping-pongu. Ti thua diçka, ata thonë diçka tjetër, ti thua sërish diçka dhe boom: merr si përgjigje një fjalë të thatë, ose në rastin më të keq, 1 fjalë të vetme!

Këtu, komunikimi fillon të ngecë, pasi duket sikur nuk ka asnjë përpjekje për ta bërë të vazhdojë. Ky është pikërisht momenti që të bën të mendosh mos ndoshta personi përballë nuk dëshirën t’ju njohë, apo nëse ka diçka që s’po shkon me bisedat tuaja.

Po çfarë është tamam një mesazh i thatë dhe cilat janë shenjat e para të një komunikimi të tillë?

1. Sipas ekspertëve, është një fjalë e vetme që mund të jetë një: “hahah”, “ok” apo dhe një ikonë.

2. Bisedat janë të shkurtra, nuk ka pyetje pas dhe s’ka as ndërveprim në komunikim.

3. Injorojnë vazhdimisht fotot, memet apo videot që ju dërgoni.

4. Nuk të shkruajnë kurrë të parët

5. Nuk ju kthejnë përgjigje për ditë të tëra dhe pse janë aty.

Si ta parandaloni komunikimin “e thatë”

Fillimisht zbuloni arsyen pse ndodhi kjo. Fiksimi yt mund të mos jetë i mirë me mesazhe, ose thjesht është shumëi zënë me punë. Nëse ju intereson vërtet, analizoni mes rreshtave dhe do të merrni përgjigje pa qenë nevoja t’i pyesni në mënyrë të drejtëpërdrejtë.

Një tjetër formë, për të mos e lënë komunikimin të vdesë, është t’i pyesni nëse preferojnë të flisni në telefon, FaceTime apo ballë për ballë. Komunikimi me mesazhe është paksa i nderlikuar pasi ti nuk mund të lexosh gjuhën e tyre të trupit, nuk mund të dëgjosh tonin e zërit dhe s’e kupton dot kur thonë diçka seriozisht apo duke bërë shaka.

Ka gjasa që një komunikim të bëhet i thatë për shkak të një keqkuptimi.

Kur është koha të hiqni dorë dhe të mos përpiqeni më?

Nuk e dimë nëse keni nevojë ta dëgjoni këtë, por flirtet supozohet të jenë qejf. Nëse e gjeni veten të stresuar për një bisedë dhe duke pritur me padurim një përgjigje, është koha t’i jepni drejtim. Një njohje ka nevojë për përpjekje nga të dyja anët, prandaj mos shpenzoni kohë për dikë që nuk investon tek ju.

Nëse vonesa, mesazhet me një fjalë të vetme apo injorimi bëhet kronik, hiqni dorë dhe mos u dukni më tek DM e tij/saj. Humbja s’është e juaja!

Burimi: Cosmopolitan

Related Topics:
Continue Reading

Kulturë

Bukuritë e egra të Kosovës sjellin artin e Arian Mavriqit në rezidencën diplomatike

Published

3 hours ago

on

December 5, 2025

By

Ambasadori Jonathan Hargreaves organizoi në rezidencën e tij një ekspozitë fotografike kushtuar punës së fotografit të natyrës, Arian Mavriqi.

Ekspozita paraqiti një panoramë të pasur të florës dhe faunës së Kosovës, ndërsa Mavriqi rrëfeu historitë pas çdo fotografie.

Ngjarja shërbeu gjithashtu si platformë për të diskutuar rëndësinë e mbrojtjes së natyrës dhe për të shkëmbyer ide me ekspertë të trashëgimisë natyrore.

  Ambasadori Hargreaves theksoi se natyra mbetet një nga pasuritë më të mëdha të Kosovës, me potencial të konsiderueshëm ekonomik, shëndetësor dhe mjedisor—potencial që mund të shfrytëzohet vetëm përmes ruajtjes dhe planifikimit të qëndrueshëm. /A.Z/UBT News/

 

 

 

Continue Reading

Kulturë

Grigor Ylli solli tingujt e rinisë në koncertin e Prishtinës

Published

6 hours ago

on

December 5, 2025

By

Në kuadër të “Vihuela Guitar Festival”, kitaristi Grigor Ylli sollii në virtuozitetin e brezit të ri që po ngjitet me shpejtësi në skenat ndërkombëtare, duke dëshmuar se arti i interpretimit solistik vazhdon të rilindë përmes fytyrave të reja.

Ky festival, që nga themelimi i kushton një mbrëmje të veçantë talentëve të rinj, synon të nxjerrë në pah muzikantët që po formësojnë të ardhmen e kitarës klasike në rajon dhe në botë.

Grigor Ylli, është kitarist shqiptar i lindur më  2003 dhe aktualisht student në Conservatory of Music, Oberlin College (SHBA), nën udhëheqjen e prof. Stephen Aron. Ai është formuar në Shqipëri dhe Greqi me pedagogë të njohur si Viktor Cani, Admir Doçi, Stefanos Soulinakis dhe Fotis Koutsothodoros, dhe ka diplomuar në Synchrono Odeio në Selanik.

Grigor është fitues i çmimeve ndërkombëtare, duke përfshirë Grand Prix në Tirana International Guitar Competition (2016) dhe Çmimin e Veçantë për Talent të Jashtëzakonshëm në Forum Gitarre Wien (2017).

Në vitin 2021 mori Çmimin e Dytë në Konkursin Panhelenik të Muzikës “Tasos Pappas” dhe është finalist i vetëm në instrumentin e kitarës në përzgjedhjen për Eurovision Young Musicians për Shqipërinë.

Ai ka performuar si solist dhe me orkestër në Greqi, Itali, Austri, Shqipëri dhe Kosovë. /A.Z/UBT News/

Continue Reading

Kulturë

Në Tiranë promovohet “Libri im i kujtimeve” i Rafet Rudit

Published

8 hours ago

on

December 5, 2025

By

Në kuadër të Javës Kombëtare të Kulturës, në Tiranë u promovua libri “Libri im i kujtimeve” i kompozitorit, dirigjentit dhe muzikologut të njohur Rafet Rudi, me pjesëmarrjen e personaliteteve të shumta nga fusha akademike dhe artistike.

Ceremonia u hap me fjalën e Kryetarit të Akademisë së Shkencave të Shqipërisë, Skënder Gjinushi, e dorëzoi çmimin “Nderi i Akademisë”.

Vlerësimi u shoqërua me një motivacion të detajuar, ku theksohej kontributi i jashtëzakonshëm i tij në muzikën mbarëshqiptare, roli i rëndësishëm në jetën kulturore që nga vitet ’70, si dhe angazhimi i tij në forcimin e bashkëpunimeve mes Kosovës dhe Shqipërisë.

Rudi u përshkrua si figurë kyçe në interpretimin e veprave të kompozitorëve shqiptarë në skenat ndërkombëtare, si mbështetës i brezave të rinj dhe si themelues i festivalit prestigjioz muzikor ReMusica.

Në panel morën fjalën muzikologia Prof. Zana Shuteriqi, kompozitori dhe nënkryetari i Akademisë së Shkencave Prof. Vasil S. Tole, muzikologia Prof. Rreze Kryeziu dhe ushtruesi i detyrës së drejtorit të Filharmonisë së Kosovës, Dardan Selimaj.

Gjatë aktivitetit u interpretua  vepra “Preludium – Këmbanat Arbëreshe” nga pianistja Ardita Bufaj, duke i dhënë promovimit një dimension artistik të veçantë. Ngjarja u organizua në kuadër të Javës Kombëtare të Kulturës, me mbështetjen e Akademisë së Shkencave të Shqipërisë.

Java Kombëtare e Kulturës mbyllet sot me koncertin e ansamblit “Zánat”, që zhvillohet nga ora 19:00 në Hollin Koncertor të TKOB-it. /A.Z/UBT News/

Continue Reading

Kulturë

Armata prezanton filmat më të mirë evropianë të metrazhit të gjatë

Published

1 day ago

on

December 4, 2025

By

Armata i është bashkuar edhe këtë vit iniciativës për promovimin e filmave evropianë, në kuadër të partneritetit me @europeanfilmacademy.

Nga nëntori deri në janar, do të shfaqen filma të metrazhit të gjatë evropian, si pjesë e European Award Season dhe Lux Audience Award.

Filmi i radhës që do të prezantohet është “Jeanne Dielman, 23 quai du Commerce, 1080 Bruxelles” i regjisores Chantal Akerman, i vitit 1976. Shfaqja është planifikuar për më 10 dhjetor, duke filluar nga ora 19:00.

Ky film ndjek tre ditë nga jeta e përditshme e Jeanne Dielman, një gruaje të ve, që jeton me djalin e saj adoleshent në Bruksel.

Me një ritëm të ngadaltë dhe rigoroz, filmi dokumenton rutinën e saj të shtëpisë: gatimin, pastrimin, pazarin dhe ritualet e përditshme.

Për të përballuar financat, Jeanne pranon klientë në shtëpi dhe kryen marrëdhënie seksuale kundrejt pagesës.

Me kalimin e ditëve, një çarje e ngadaltë fillon të shfaqet në rutinën e saj perfekte, dhe veprime të vogla jashtë zakonshmërisë tregojnë shpërbërjen e kontrollit të saj emocional. Kulmi i tensionit shpërthen në një akt të papritur që prish qetësinë e saj të jashtme.

Filmi trajton tema të rëndësishme si puna e papaguar e grave, monotoninë urbane, presionin social mbi feminitetin dhe izolimin psikologjik. Në vitin 2022, revista Sight & Sound e renditi këtë film në vendin e parë të listës së 100 filmave më të mirë të të gjitha kohërave.

Chantal Akerman (1950–2015) ishte regjisore, skenariste dhe artiste belge, një nga zërat më të rëndësishëm të kinemasë eksperimentale.

E lindur në Bruksel në një familje hebreje polake, ku nëna e saj ishte mbijetuar e Auschwitz-it, kjo përvojë ndikoi në temat e shumë filmave të saj, duke përfshirë motivet e traumës, shtegtimit dhe identitetit. /A.Z/UBT News/

Continue Reading

Të kërkuara