Kulturë

Jeta është një mësuese e rreptë

“Kur jeta të jep 100 arsye për të qarë, jepi jetës 1000 arsye për të qeshur”

Published

5 years ago

on

Jeta është një mësuese e rreptë. Fillimisht të teston dhe më pas të jep një mësim. Pjesa më e mirë është se këto mësime të bëjnë të fortë, elastik dhe luftëtar. Sa herë që dështon në diçka, sa herë që rrëzohesh ji mirënjohës për ato kohë të vështira. Ji mirënjohës sepse e kalove me sukses atë gjë dhe i ke treguar jetës që nuk do të heqësh dorë kaq shpejt. Unë do t’ju tregoj leksionet që jeta ime më ka dhënë, transmeton Bota.al.

  1. Ju jeni miku juaj më i mirë dhe armiku më i keq i vetes.

E di që është e vështirë të konceptohet se si mund të jesh shoku yt më i mirë i vetes dhe armiku më i keq në të njëjtën kohë. Së pari, duhet ta kuptosh veten. Cilat janë pikat e forta dhe pikat e dobëta që ke? Si do ta përmirësosh veten? A jeni kokëfortë për të mos e pranuar realitetin? Bëjini një nder vetes dhe jepini përgjigjet me ndershmëri.

Ndonjëherë ju besoni se gjithçka që po ju rrethon nuk ka kuptim, sepse nuk përshtatet me vlerat tuaja. Mendoni se jeni në vendin e gabuar, por përpiquni ta shikoni realitetin më gjerësisht. Ndoshta, ju nuk po e dëgjoni zërin tuaj të brendshëm siç duhet ose nuk po përpiqeni të përshtateni me mjedisin tuaj. Pasi të filloni të kuptoni veten, do të mësoni se është gjëja më e mirë që po i bëni vetes.

  1. Ju mund ta gjeni dashurinë jo vetëm një herë

Ju mund të keni dëgjuar njerëz që thonë se dashuria e vërtetë ndodh vetëm një herë. Nuk është e vërtetë. Do ta gjeni dashurinë e vërtetë më shumë se një herë në jetën tuaj. Ka miliarda njerëz në këtë botë, dhe ka shumë që do t’ju kuptojnë më mirë dhe që do t’ju duan për atë që jeni.

Dashuria është një ndjenjë shumë e ndërlikuar. Ju nuk mund t’i bëni njerëzit të bien në dashuri me ju, por është e mundur që ose të dashuroheni plotesisht, ose ta braktisni dashurinë gradualisht. Të dyja zgjedhjet janë të mundshme me të njëjtin person. Të biesh në dashuri është e lehtë, por të qëndrosh në dashuri jo.

  1. Ju nuk mund ta kontrolloni se kush do të qëndrojë në jetën tuaj

Një nga gjërat që jeta më ka mësuar, është se nuk mund ta kontrollosh besnikërinë e dikujt. Nëse njerëzit do ta thyejnë besimin tuaj, mos u mërzisni. Nuk ka rëndësi nëse ju jeni duke qëndruar besnikë ndaj tyre. Nuk ka asnjë garanci që nuk do të takoni kurrë dikë që do t’ju mashtrojë.

Nëse dikush ka ardhur në jetën tuaj me disa motive egoiste, atëherë është e sigurt që ai ose ajo do të largohet nga ju sapo të përmbushë qëllimin e tij. Edhe pse e dinë që ju keni nevojë për to, ata do të largohen. Pavarësisht sa përpjekje bëni për t’i bërë ata të qëndrojnë, nuk mund t’i mbani ata me forcë në jetën tuaj.

  1. Ju mund të ndryshoni karrierë në çdo fazë të jetës

Ka kaluar koha kur njerëzit i përmbaheshin një profesioni gjatë gjithë jetës së tyre. Bota ka evoluar shumë, dhe ka kaq shumë mundësi të reja që mund të gjesh. Ju mund të keni shkëlqyer në një fushë shkencore, por nëse jeni të apasionuar pas të kënduarit, atëherë duhet të merreni me muzikë.

  1. Është një gabim nëse dikush ju thotë se ai ose ajo e di se çfarë është jeta

Ky është mësimi më i vlefshëm në jetën time. Kam kuptuar se njerëzit që pohojnë se e dinë çfarë është jeta, janë duke thënë gënjeshtrën më të madhe. Ata mund të dinë se çfarë po jetojnë sipas perspektivës dhe përvojave të tyre, por nuk dinë asgjë për ju dhe jetën tuaj. Jeta e secilit është e ndryshme, sepse të gjithë jetojnë ndryshe. Ju keni mendimin dhe konceptin tuaj për jetën tuaj. Kështu që ju nuk mund t’i tregoni dikujt se si ta jetojë jetën, bazuar në të kaluarën tuaj ose vizionet për të ardhmen.

  1. Mjafton një vendim për ta ndryshuar plotësisht jetën tuaj, ose për ta shkatërruar atë

Jam i sigurt që do të pajtoheni me mua për këtë gjë. Ka shumë raste kur ju është dashur të merrni vetëm një vendim, ama kjo zgjedhje ka qenë e mjaftueshme për ta ndryshuar plotësisht jetën tuaj, ose për ta shkatërruar atë. Nëse e shihni veten sot ku jeni dhe çfarë jeni, atëherë ky është rezultati i një vendimi që mund të keni marrë në jetën tuaj.

Në fund, pavarësisht gjithçkaje, dua të them vetëm një gjë, “Kur jeta të jep 100 arsye për të qarë, jepi jetës 1000 arsye për të qeshur.”

Related Topics:
Continue Reading

Vendi

Ditët e Artit dhe Dizajnit në UBT sjellin kulturën dhe modernitetin japonez

Published

15 hours ago

on

May 24, 2026

By

Në kuadër të aktiviteteve të Ditëve të Artit dhe Dizajnit, Fakulteti i Artit dhe Dizajnit në UBT do të organizojë një aktivitet të veçantë kulturor dhe akademik në bashkëpunim me Ambasadën e Japonisë në Kosovë dhe Asociacionin e Miqësisë Kosovaro-Japoneze.

Aktiviteti do të mbahet më 26 maj 2026, duke filluar nga ora 11:00, në Parkun Shkencor, Inovativ dhe Teknologjik të UBT-së në Lipjan, dhe do të sjellë diskutime, prezantime dhe ligjërata që ndërlidhin kulturën, artin dhe zhvillimet moderne të Japonisë.

Ngjarja do të hapet me fjalën përshëndetëse të dekanes së Fakultetit të Artit dhe Dizajnit, Prof. Dr. Ariana Gjoni, ndërsa më pas pjesëmarrësit do t’i drejtohen me fjalë rasti Prof. Afërdita Statovci dhe përfaqësuesja e Asociacionit të Miqësisë Kosovaro-Japoneze, znj. Luljeta Arifi.

Pjesë qendrore e aktivitetit do të jetë ligjërata me temën “Japonia në Ditët Moderne”, e cila do të mbahet nga z. Hiroyasu Tanigaki nga Ambasada e Japonisë në Kosovë, duke ofruar një pasqyrë mbi zhvillimin, kulturën dhe ndikimin modern të Japonisë në botë.

Ky aktivitet synon të forcojë bashkëpunimin kulturor dhe akademik ndërmjet Kosovës dhe Japonisë, si dhe të krijojë hapësira frymëzuese për studentët dhe pjesëmarrësit në kuadër të Ditëve të Artit dhe Dizajnit në UBT.

Continue Reading

Vendi

Artistë dhe profesorë nga Evropa bëhen pjesë e webinarit ndërkombëtar të organizuar nga UBT

Published

20 hours ago

on

May 24, 2026

By

“Design, Memory and Identity in Contemporary Culture” – webinar ndërkombëtar që sjell në fokus dialogun mes dizajnit, kujtesës dhe identitetit kulturor.

Më 25 maj 2026, duke filluar nga ora 11:30, do të mbahet online webinari ndërkombëtar me temën “Design, Memory and Identity in Contemporary Culture”, një aktivitet akademik dhe artistik që synon të hapë diskutime të rëndësishme mbi raportin ndërmjet dizajnit, kujtesës kolektive dhe identitetit në kulturën bashkëkohore.

Ky webinar do të bashkojë artistë, dizajnerë, ligjërues dhe profesionistë të njohur ndërkombëtarisht, të cilët përmes perspektivave të ndryshme krijuese dhe akademike do të trajtojnë mënyrën se si dizajni ndikon në formësimin e identiteteve kulturore dhe ruajtjen e kujtesës në shoqërinë moderne.

Në panelin e folësve do të marrin pjesë emra të njohur nga fusha e artit, modës dhe dizajnit:

  • Elisa Poli, një nga profesionistet e njohura në edukimin e dizajnit në Itali;
  • Phlox Van Oppen, e cila njihet për qasjen inovative në tekstil dhe art bashkëkohor;
  • Tiina Burton, me përvojë të gjerë në modën digjitale dhe artin vizual;
  • Dukagjin Muhaxheri, si dhe Dardan Luta, të cilët do të sjellin perspektivën lokale dhe rajonale mbi artin, identitetin dhe kulturën bashkëkohore.

Organizatorja e webinarit, Cennet Lika, ka theksuar rëndësinë e krijimit të hapësirave ndërdisiplinore ku arti, dizajni dhe kultura ndërthuren për të reflektuar mbi sfidat dhe transformimet e kohës moderne.

Përmes diskutimeve dhe prezantimeve të ndryshme, pjesëmarrësit do të kenë mundësinë të eksplorojnë tema që lidhen me kujtesën kulturore, identitetin vizual, modën digjitale, artin bashkëkohor dhe ndikimin e teknologjisë në proceset kreative.

Webinari do të zhvillohet online përmes platformës Microsoft Teams dhe është i hapur për studentë, artistë, profesionistë të dizajnit, studiues dhe të gjithë të interesuarit për kulturën dhe artin bashkëkohor.

Continue Reading

Vendi

Baleti Kombëtar i Kosovës mbyll me sukses turneun në Amerikën Latine

Published

3 days ago

on

May 22, 2026

By

Baleti Kombëtar i Kosovës ka përmbyllur turneun në Amerikën Qendrore dhe Amerikën Latine me një performancë të suksesshme në Bogotá të Kolumbisë.

Sipas njoftimit, mbi 1800 spektatorë në Teatro Municipal Jorge Eliécer Gaitán e përcollën mbrëmjen finale me duartrokitje dhe entuziazëm. Në këtë mbrëmje u prezantua vepra “Carmina Burana”, me koreografi të Toni Candeloro, e cila krijoi një atmosferë të veçantë në skenën kolumbiane.

Nga institucioni u vlerësua se ky ishte një përmbyllje e suksesshme e turneut, i cili promovoi artin dhe kulturën kosovare në arenën ndërkombëtare.

Continue Reading

Kulturë

141 vjet nga vdekja e Viktor Hygo, gjigant i letërsisë franceze

Published

3 days ago

on

May 22, 2026

By

Sot shënohen 141 vjet nga vdekja e shkrimtarit dhe poetit të njohur francez Viktor Hygo, një prej figurave më të rëndësishme të letërsisë botërore dhe konsideruar si babai i romantizmit francez.

I lindur më 26 shkurt 1802, Hygo la pas një krijimtari të pasur letrare që vazhdon të lexohet edhe sot në mbarë botën. Ndër veprat e tij më të njohura janë romanet “Të mjerët” dhe “Notre Dame de Paris”, si dhe një numër i madh poezish dhe dramash.

Përveç letërsisë, ai u angazhua edhe në jetën politike, duke mbështetur idetë demokratike dhe duke kundërshtuar regjimin e Napoleonit III. Për shkak të qëndrimeve të tij, ai kaloi vite në mërgim, periudhë gjatë së cilës shkroi disa nga veprat e tij më të rëndësishme.

Viktor Hygo vdiq më 22 maj 1885 në Paris dhe u nderua me një ceremoni madhështore shtetërore. Ai mbetet një nga emrat më të mëdhenj të letërsisë franceze dhe botërore.

Continue Reading

Të kërkuara