Lajmet

Kur është koha të nisësh biznesin tënd?

Published

5 years ago

August 25, 2021

UBT news

Sipërmarrja nuk është për çdokënd, por për të paktët prej nesh të cilët e kanë atë “krimb”, mund të jetë e mahnitshme, lokomotiva e një udhëtimi.

Nëse ndihesh sikur ke nevojë për një ndryshim në karrierë, ja 7 këshillat më të mira që duhet të kesh parasysh para se të heqësh dorë nga puna e përditshme dhe të nisësh biznesin tënd:

1. Ti kërkon lirinë

Do të punosh pas një tryeze, duke e ndjerë veten si një kafshë që i privohet liria? Sipërmarrja mund të jetë e vetmja mënyrë me të cilën mund të thyesh këto zinxhirë dhe t’ia mbathësh. Ajo që e bën sipërmarrjen një punë ku shpërblehesh është pavarësia që vjen bashkë me të. Askush nuk mund të të thotë se çfarë duhet të bësh. Je i vetmi që kontrollon suksesin tënd, prandaj edhe i vetmi i cili merr shpërblimin.

2. Dëshiron të lësh një trashëgimi

Ndërsa mund të të duket sikur jeta e njeriut zgjat 80-100 vjet maksimumi, po ta marrësh hollë, kjo nuk është e vërtetë. Jetët tona nuk janë më shumë se një shenjë e vogël në një radar ndërsa ekzistenca njerëzore vazhdon mbi planet. Por po nëse mund të krijoje diçka që shtrihet përtej ekzistencës tënde fizike, diçka që mund të ruante trashëgimin tënde dhetë ndihmonte të tjerët? Këtë mund ta bësh duke filluar biznesin tënd! Shikoni disa prej sipërmarrësve më të mëdhenj të historisë njerëzore: Henry Ford, Thomas Edison, Steve Jobs. Këta individë nuk janë më gjallë sot, por sërish trashëgimia që lanë pas vazhdon të ketë impakt mbi ne sot.

3. Nuk duron të të thonë se çfarë duhet të bësh

Që nga momenti i kopshtit e deri në momentin kur mbarojmë universitetin, na thonë së çfarë duhet të bëjmë, si të studiojmë dhe madje edhe se çfarë të hamë. Në njëfarë mënyre, na është bërë truri lavazh duke bërë atë se çfarë na thonë të tjerët (pak rëndësi ka se përse). Sipërmarrësit e urrejnë këtë lloj mjedisi dhe për shumicën e njerëzve, është arsyeja kryesore se përse vendosin të bëhen sipërmarrës- nuk u ka pëlqyer të marrin urdhra nga të tjerët. Nëse edhe ti je ndër njerëzit që e refuzon autoritetin dhe tërhiqesh nga mënyrat se si t’i zgjidhësh vetë problemet, sipërmarrja mund të jetë për ty.

4. Dëshiron të fitosh para shpejt

Tani, kjo nuk ka për të ndodhur brenda një dite. Gjithsesi, në momentin që keni shpenzuar kohën dhe përpjekjet për të ndërtuar biznesin tënd, vjen momenti kur paraja rrjedh. Dhe ky nuk është ekzagjerim. Biznesi dhe të ardhurat e tij janë një produkt i drejtpërdrejtë i kohës dhe përpjekjeve që keni shpenzuar për të. Nëse punon shumë, do të bësh shumë para (e kundërta është gjithashtu e vërtetë). Por nuk mund të thuhet e njëjta gjë për një punë në botën e korporatave. Shumë herë ndodh që ngritjen në detyrë të anashkalohen dhe bonuset të mos akordohen edhe kur një punonjës punon shumë.

5. Ke pasion për të mësuar

Ajo që nuk dinë pjesa më e madhe e njerëzve është se të jesh një sipërmarrës është 50% është mësim dhe 50% është implementimi i njohurive. Viti i parë i ndërtimit të biznesit tim, shpenzova sa më shumë kohë që munda duke bërë kurse, duke lexuar libra dhe duke dëgjuar regjistrime audio. Vetëm pas kësaj faze fillestare të mësimit isha i aftë të implementoja njohuritë dhe të krijoja një biznes të suksesshëm. Ndërsa ca gjëra mund të mësohen nëpërmjet librave dhe regjistrimeve audio, shumë prej gjërave që mëson nga drejtimi i një biznesi bëhet nëpërmjet eksperiencës dhe madje edhe të të gabuarit.

6. E sheh botën ndryshe

Shpeshherë, sipërmarrësit duken pak si “jashtë sensit” të përgjithshëm të atyre që nuk janë sipërmarrës. Kjo sepse ata e shohin botën me një sy tjetër. Ata i vërejnë në mënyrë të vazhdueshme problemet, duke i vëzhguar me imtësi dhe duke gjetur mënyrën më efikase për t’i zgjidhur ato.

7. Dëshiron të ndjekësh pasionin tënd

Pasioni është vendimtar për një sipërmarrës sepse ai i jep fuqi motivimit. A do të ishe i gatshëm të shpenzoje javë ose muaj pa gjumë duke punuar mbi një projekt të cilin nuk e ke pasion? Me shumë mundësi jo. Nëse një punë 9-5 nuk ju emocionon, mund të jetë momenti për të menduar për sipërmarrje.

Vendi

Studentët e Psikologjisë në UBT realizojnë aktivitete ndërgjegjësuese për shëndetin emocional në “Akademia Elite”

Published

14 hours ago

April 24, 2026

UBTNews

Në kuadër të angazhimit të vazhdueshëm për ndikim social dhe edukativ, Fakulteti i Psikologjisë në UBT ka realizuar një vizitë në institucionin “Akademia Elite”.

Nën udhëheqjen e Prof. Violeta Zefit, studentët e vitit të tretë patën mundësinë të takojnë drejtueset e akademisë dhe të bashkëbisedojnë mbi praktikat më të mira të mbështetjes psikologjike për fëmijët.

Pjesa qendrore e kësaj vizite u fokusua në zhvillimin e një sërë aktiviteteve interaktive me fëmijët, të cilat u dizajnuan posaçërisht për t’i njohur ata me botën e emocioneve dhe rolin vendimtar që luan inteligjenca emocionale në shëndetin dhe mirëqenien e tyre të përgjithshme.

Përmes lojërave edukative dhe teknikave të thjeshta shpjeguese, studentët ndihmuan fëmijët të identifikojnë dhe të shprehin ndjenjat e tyre, duke krijuar një mjedis ku mirëqenia psikologjike trajtohet si prioritet që në moshë të hershme.

Kjo nismë nuk shërbeu vetëm si një urë lidhëse mes teorisë akademike dhe praktikës në terren për studentët, por u vlerësua edhe si një kontribut i çmuar për komunitetin.

Angazhime të tilla konfirmojnë misionin e UBT-së për të përgatitur profesionistë të ndjeshëm ndaj nevojave sociale, duke ofruar ekspertizën e tyre në shërbim të institucioneve edukative dhe shëndetit mendor të gjeneratave të reja.

Vendi

Profesoresha Violeta Zefi dhe studentja Zhaneta Shatri publikojnë studimin shkencor në revistën prestigjioze “International Journal of Educational Reform”

Published

14 hours ago

April 24, 2026

UBTNews

Profesoresha Violeta Zefi nga Fakulteti i Psikologjisë në UBT ka publikuar artikullin e saj më të ri shkencor në revistën ndërkombëtare “International Journal of Educational Reform”, e cila botohet nga platforma prestigjioze Sage Journals.

Bashkautore në këtë punim është edhe studentja e vitit të tretë, Zhaneta Shatri, duke dëshmuar suksesin e metodologjisë së mësimdhënies së orientuar kah hulumtimi që aplikohet në UBT.

Ky artikull trajton rëndësinë e perspektivës së prindërve në rastet e fëmijëve me vështirësi specifike në të nxënë, duke vënë në pah se si qëndrimet e tyre ndikojnë drejtpërdrejt në zhvillimin akademik dhe emocional të fëmijëve.

Përmes intervistave të thelluara me 53 prindër, studimi ka zbuluar se mungesa e informacionit shpesh krijon pasiguri në identifikimin e hershëm të sfidave me të cilat përballen fëmijët.

Si rrjedhojë, punimi thekson nevojën urgjente për krijimin e sistemeve më të forta mbështetëse, si programet edukative të përshtatura, udhëzimet profesionale dhe qasjen në shërbime psikologjike.

Ky publikim përbën një kontribut të rëndësishëm për fushën e psikologjisë dhe edukimit, duke shërbyer si një udhërrëfyes për politika më të avancuara në përkrahjen e mirëqenies së fëmijëve dhe familjeve të tyre.

Artikullin mund ta lexoni këtu: https://journals.sagepub.com/doi/abs/10.1177/10567879261436425

Foto: Violeta Zefi

Foto: Zhaneta Shatri

Aktualitet

Kuvendi zgjedh dy anëtarë të Këshillit Gjyqësor

Published

15 hours ago

April 24, 2026

UBTNews

Kuvendi i Kosovës ka zgjedhur sot dy anëtarë të rinj të Këshillit Gjyqësor të Kosovës (KGJK) me një mandat pesëvjeçar.

Pas procesit të votimit, u bë e ditur se anëtarët e përzgjedhur janë Bashkim Hyseni dhe Ivana Milenkoviq, të cilët do të jenë pjesë e këtij organi të rëndësishëm të sistemit të drejtësisë.

Ndërkohë, për sa i përket pozitës së një përfaqësuesi nga komuniteti serb, Kuvendi njoftoi se procesi do të rikthehet në pikën zero pasi asnjë kandidat nuk mori votat e mjaftueshme. Si rrjedhojë, për këtë pozitë do të shpallet së shpejti një konkurs i ri për të plotësuar vendin e mbetur vakant.

Lajmet

Profesori nga Holanda ligjëron në UBT për vlerësimin e pasurive të paluajtshme

Published

15 hours ago

April 24, 2026

ubtnews

Në kuadër të lëndës “Vlerësimi i Paluajtshmërive 1”, të ligjëruar nga Prof. Dr. Visar Hoxha, në Fakultetin Menaxhim i Patundshmërive dhe Infrastrukturë në UBT, studentët patën mundësinë të ndjekin një ligjëratë të veçantë nga Jan Veuger real estate professor, profesor i Real Estate në Hanze University of Applied Sciences Groningen Netherlands dhe ekspert ndërkombëtar në vlerësimin e pasurive të paluajtshme, si dhe Fellow i Royal Institution of Chartered Surveyors RICS.

Gjatë ligjëratës, ai trajtoi në mënyrë praktike qasjet kryesore të vlerësimit, përfshirë Sales Comparison Approach dhe Hedonic Pricing Model, duke analizuar faktorët që ndikojnë në çmimet e pronave rezidenciale dhe komerciale në Holandë.

Ligjërata solli një kombinim të rëndësishëm të teorisë me praktikën reale të tregut, duke u ofruar studentëve një perspektivë ndërkombëtare mbi zhvillimet bashkëkohore në fushën e pasurive të paluajtshme.