Kupa e Mbretit, këto janë ndeshjet e sotme

Ndeshja hapëse do të zhvillohet mes Rayo Vallecanos dhe Mallorcas.

Published

5 years ago

February 2, 2022

UBT news

Kupa e Mbretit rikthehet sot me dy ndeshje interesante, të vlefshme këto për fazën e çerekfinales.

Ndeshja hapëse e programit të sotëm do të zhvillohet me fillim nga ora 20:00, ku skuadra e Rayo Vallecanos e pret në shtëpi Mallorcan.

Po ashtu, në këtë ndeshje pritet të debutojë edhe sulmuesi kosovar Vedat Muriqi, i cili në këtë janar kaloi nga Lazio te Mallorca.

Krahas këtij takimi, me fillim nga ora 21:00 do të zhvillohet edhe përballja mes skuadrës së Valencias dhe asaj të Cadizit.

Programin e plotë të ndeshjeve të sotme në Kupën e Mbretit e gjeni më poshtë.

20:00 Rayo Vallecano – Mallorca (Stadiumi Campo de Futbol de Vallecas)

21:00 Valencia – Cadiz CF (Stadiumi de Mestalla)

Akil Gjakova mbyll garën pa medalje në Abu Dhabi

Published

54 minutes ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

1 hour ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/