Sport

Kualifikimet drejt Botërorit, Argjentina dhe Brazili vazhdojnë me fitore

Ndeshja e fundit e këtij programi nuk prodhoi fitues.

Published

5 years ago

February 2, 2022

UBT news

Të martën pas mesnate u zhvilluan katër ndeshje në kuadër të kualifikimeve drejt Kampionatit Botëror, ku kombëtaret si ajo e Argjentinës dhe ajo e Brazilit vazhduan formën e mirë me fitore.

Ndeshja hapëse e programit të kualifikueseve të shteteve nga Amerika Jugore e hapi ndeshja mes Uruguait dhe Venezuelës, në të cilën vendasit shënuan fitore me rezultat 4:1.

Me fitore vazhduan edhe Argjentina e Brazili, ku argjentinasit e mposhtën me rezultat minimal 1:0 Kolumbinë, kurse Brazili e mposhti me rezultat të thellë 4:0 Paraguain.

Ndërkaq, ndeshja e fundit e këtij programi nuk prodhoi fitues, ku Peruja barazoi me rezultat 1:1 me Ekuadorin.

Tabelën e këtyre kualifikimeve e kryeson Brazili, ku pas 15 ndeshjeve ka arkëtuar 39 pikë, katër sosh më shumë se Argjentina, që zë vendin e dytë, ndërsa të dy këto kombëtare kanë siguruar kualifikimin drejt Botërorit “Katar 2022”.

Top 4 e kësaj tabele e mbyllin Ekuadori me 25 pikë dhe Kombëtarja e Uruguait me 22 sosh.

Rezultatet e të gjitha ndeshjeve të kualifikimeve nga shtetet e Amerikës Jugore i gjeni më poshtë.

Uruguai 4 – 1 Venezuela

Argjentina 1 – 0 Kolumbia

Brazili 4 – 0 Paraguai

Peru 1 – 1 Ekuador

Vendi

Akil Gjakova mbyll garën pa medalje në Abu Dhabi

Published

10 minutes ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

38 minutes ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/