Sport

Kupa e Italisë rikthehet sot me “Derby della Madonnina”

Sa i përket ndeshjes së sotme, të dy skuadrat do të kenë probleme me mungesa të lojtarëve.

Published

on

Edicioni i 231 i “Derby della Madonnina” sheh dy rivalët e përbetuar Milanin dhe Interin duke u përballur sot me fillim nga ora 21:00, takim ky i vlefshëm për ndeshjen e parë të gjysmëfinales së Kupës së Italisë.

Në fazën e çerekfinales, “Rossonerët” e mposhtën me rezultat të thellë 4:0 Lazion, kurse kampioni italian Inter e mposhti me rezultat solid 2:0 Romën.

Të dy këto skuadra për herë të fundit u takuan muajin e kaluar në “Giuseppe Meazza”, ku Milani siguroi fitore me rezultat të ngushtë 2:1, ndeshje kjo në kuadër të Serie A.

Fakt interesant është që në tre nga katër ndeshjet e fundit, Interi ka qenë skuadra e parë që e ka zhbllokuar rezultatin, respektivisht brenda 15’ minutave të parë.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Milanin nuk do të paraqiten Kjaer, Ibrahimovic dhe Tonali, kurse te Interi mungojnë Correa dhe Gosens.

Formacionet e mundshme të dy skuadrave i gjeni më poshtë.

AC Milan (4-2-3-1): Maignan; Calabria, Romagnoli, Tomori, Hernandez; Kessie, Bennacer; Saelemaekers, Krunic, Leao; Giroud

Inter (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Gosens; Martinez, Dzeko

21:00 AC Milan – Inter (Stadiumi San Siro)

Continue Reading

Lajmet

​Messi shkëlqen me dy gola, Inter Miami siguron fazën eliminatore në MLS

Published

on

Lionel Messi ishte protagonist absolut i Inter Miamit në fitoren bindëse 4-0 ndaj New York City FC, duke e dërguar skuadrën nga Florida zyrtarisht në fazën “play-off” të Kupës MLS.

Superylli argjentinas shënoi dy gola dhe asistoi në një tjetër, duke e çuar në 24 numrin e golave këtë sezon në 23 ndeshje, dy më shumë se rivali Denis Bouanga i LAFC, duke kryesuar kështu listën e golashënuesve të kampionatit amerikan.

Luis Suarez u rikthye pas një pezullimi prej tre ndeshjesh dhe gjeti rrugën e rrjetës nga penalltia, ndërsa Baltazar Rodriguez shënoi golin e parë për Miamin në minutën e 43-të, pas një aksioni të kombinuar me Messin dhe Sergio Busquets.

Messi vulosi suksesin me dy perla personale në minutat e 74-t dhe 86-të, duke treguar sërish klasin e tij në stadiumin “City Field” të Nju Jorkut.

Miami aktualisht mban vendin e tretë në Konferencën Lindore, pesë pikë pas liderit Philadelphia, por me dy ndeshje më pak të luajtura, duke mbetur ende në garë për trofeun “Supporters’ Shield”.

Messi, që do të luajë për herë të dytë në “play-off”-et e MLS, ka shënuar dhe asistuar në tri ndeshje radhazi, duke forcuar kandidaturën e tij për çmimin Lojtari më i Vlefshëm i vitit 2025./S.K/KP/

Continue Reading

Lajmet

​Superliga e Kosovës sjell sot përballje të forta

Published

on

Superliga e Kosovës në futboll sot rikthehet me pesë duele interesante në kuadër të javës së gjashtë, ku nga ora 15:00 do të zhvillohen katër ndeshje.

Ndeshjet që do të zhvillohen janë: Dukagjini- Llapi, Ballkani-Drita, Gjilani-Drenica dhe Malisheva- Ferizaj.

Spektakli i futbollit sonte do të mbyllet në mbrëmje me derbin e kryeqytetit, ku nga ora 20:15 Prishtina do të përballet me Prishtinën e Re.

Këto përballje pritet të kenë ndikim të madh në renditjen e Superligës, duke shtuar rivalitetin në garën për kreun dhe mbijetesën.

Aktualisht, Prishtina është lidere e tabelës me 10 pikë, aq sa ka edhe Dukagjini në vendin e dytë./S.K/KP/

Continue Reading

Lajmet

Arteta tregon kur rikthehet Havertz

Published

on

By

Trajneri i Arsenalit, Mikel Arteta, ka dhënë një përditësim inkurajues për Kai Havertz, duke e përshkruar mesfushorin si një “shembull të ndryshëm” ndërsa vazhdon të punojë për të rifituar formën e tij të plotë fizike.

26-vjeçari ka qenë jashtë fushave që nga mesi i gushtit për shkak të një dëmtimi në gju që pësoi në stërvitje, vetëm pak ditë pas fitores 1-0 të Arsenalit ndaj Man United në ndeshjen e parë .

Havertz nuk pritet të rikthehet në fushë deri në fund të nëntorit, por Arteta ka thënë se ai mund të kthehet brenda “javëve” dhe jo brenda “muajve”.

“Me Kai-n, e dimë se do të jenë muaj me të. Nuk e di nëse mund të jenë javë, nuk i dihet kurrë sepse ky është Kai dhe ai është një ekzemplar tjetër”, u tha trajneri gazetarëve përpara ndeshjes së tyre në Kupën e Ligës me Port Vale.

“Na mungon vërtet. Shpresojmë që ai të kthehet, dhe do të kthehet edhe për një kohë të gjatë, kështu që është shumë e rëndësishme të kujdesemi për atë gju. Deri më tani, ai po përparon mjaft mirë.”

“Topçinjtë” do të luajnë ndeshjen e radhës kundër Newcastle të dielën, më 28 shtator./D.B/KP

Continue Reading

Lajmet

Bashkimi arrin fitore historike kundër Anwil Wloclawek

Published

on

KB Bashkimi ka shënuar një nga fitoret më të mëdha në historinë e saj, duke mposhtur gjigantin polak Anwil Włocławek me rezultat 80-75 në palestrën “Sezai Surroi” në Prizren.

Ndeshja u zhvillua në kuadër të para-kualifikimeve të FIBA Europe Cup dhe solli një atmosferë të jashtëzakonshme në tribuna, ku tifozët verdhezi krijuan një mbështetje të zjarrtë për skuadrën e tyre.

Basketbollistët e Bashkimit treguan karakter të madh, duke kontrolluar lojën në momentet vendimtare dhe duke mos lejuar që përvoja dhe emri i madh i skuadrës polake të ndikonte në rrjedhën e takimit.

Me këtë triumf, skuadra prizrenase dëshmoi se është e gatshme të përballet denjësisht me kundërshtarë të mëdhenj evropianë dhe të ëndërrojë për një kualifikim historik.

Kjo fitore pritet të mbetet gjatë në kujtesën e tifozëve, jo vetëm si një rezultat i madh sportiv, por edhe si një dëshmi se basketbolli kosovar po bën hapa të rëndësishëm në arenën ndërkombëtare. /S.K/KP

Continue Reading

Të kërkuara