Lajmet

Kupa e Botës tregoi se futbolli si lojë nuk i përket FIFA-s

Në fund, sigurisht Infantino dhe FIFA e shohin Botërorin 2022 në Katar si një punë të bërë mirë…

Published

2 years ago

December 25, 2022

Betim Gashi

Nga Matt Ford

Edhe në momentin kurorëzues të triumfit më të madh personal të Leo Messit, Gianni Infantino dhe Sheiku Tamim bin Ahmad Al Thani nuk mund t’i rezistonin tundimit që ta vërtisnin gjithçka rreth tyre.

Ndërsa Emiri i Katarit e mbështillte kapitenin argjentinas me një bisht të zi dhe të florinjtë, presidenti narcisist i FIFA-s u kap sa më gjatë të mundej pas trofeut të lakmuar, i dëshpëruar për të qenë sa më gjatë në fotografitë dhe pamjet e momentit të madh të Messit.

Në fund, sigurisht Infantino dhe FIFA e shohin Botërorin 2022 në Katar si një punë të bërë mirë. Nuk kish si të ishte ndryshe. Por kjo nuk do të thotë që ata fituan.

Një fitore për FIFA-n dhe Katarin

Kur organi qeverisës i futbollit botëror komplotoi për t’ia dhënë turneun Katarit në vitin 2010, ai e bëri këtë me sigurinë që, nga pikëpamja logjistike, mega-aktivitetet moderne globale organizohen më së miri nga autokracitë:

Nuk kanë parlament të zgjedhur në mënyrë demokratike për të shqyrtuar shpërndarjen e mbi 220 miliardë dollarëve në infrastrukturë, asnjë shtyp i lirë për të hetuar vdekjet e pashpjegueshme të qindra, ndoshta mijëra punëtorëve migrantë të shfrytëzuar dhe asnjë aktivist të bezdisshëm të të drejtave të njeriut për të mbrojtur të drejtat e grave ose të komunitetit LGBT.

Më shumë një shans për populistin Infantino që të ngrejë dy gishta në fuqitë tradicionale evropiane të UEFA-s dhe të marrë mbështetjen e dhjetëra shoqatave më të vogla kombëtare të futbollit në përpjekjen e tij për t’u rizgjedhur, nën mantelin e ofrimit të futbollit për të gjithë.

Sa i përket Katarit, ishte më pak një ushtrim i suksesshëm në organizim garash sportive, por më shumë në diplomacinë gjeopolitike dhe sigurinë kombëtare. Përpara sipërmarrjeve të tij në sportet globale, Katari ishte një shtet i vogël, i pasur me naftë, por i pambrojtur, po aq i prekshëm ndaj bllokadave (ose më keq) nga fqinjët më të fuqishëm, sa Kuvajti në fillim të viteve 1990.

Por tani, Katari është mirë dhe me të vërtetë në hartë, një partner i domosdoshëm ndërkombëtar në politikë, ekonomi, sport dhe argëtim. Të gjithë fitojnë – por jo futbolli, sporti që bëri të mundur gjithçka, loja e njerëzve, e cila iu mor atyre për të cilët ka më shumë domethënie, u abuzuar dhe instrumentalizua, për të mirën e një elite të vogël.

…por futbolli nuk do të jetë kurrë i tyre

E megjithatë, edhe në fund të një turneu që e çoi hiper-kapitalizimin e futbollit në nivele më të turpshme se kurrë më parë, kjo finale e Kupës së Botës na kujtoi se nuk do të jetë kurrë sporti i tyre.

Në fushë na u kujtua se futbolli i përket talenteve të pamata të Lionel Messit dhe Kylian Mbappesë, që përfaqësojnë breza të ndryshëm futbolli, por që kontribuojnë në mënyrë të barabartë në një finale e cila me siguri do të konsiderohet si më e madhja e të gjitha kohërave.

Në fund, na u kujtua se futbolli i përket trajnerëve si Didier Deschamps, zëvendësimi i dyfishtë i të cilit në pjesën e parë u duk brutal për Olivier Giroud dhe Ousmane Dembélé, të cilët u tërhoqën, por që u frymëzuan kur Kolo Muani dhe Marcus Thuram ndihmuan Mbappenë të tërhiqte Francën drejt barazimit.

Në tribuna, megjithë përpjekjet e FIFA-s për ta kthyer Kupën e Botës në një ngjarje groteske komerciale me çmime zhvatëse të biletave, numërim mbrapsht për fillimin, shfaqje të cekëta dhe muzikë shurdhuese pop për një klasë të lartë botërore, argjentinasit me fanellat e tyre ikonike të klubeve, pankartat e punuara me dorë dhe këngët e mrekullueshme melodike na kujtuan se si është në të vërtetë kultura autentike e tifozëve të futbollit.

Dhe në Buenos Aires, skenat e gëzimit ndërsa tifozët derdheshin në rrugë për të festuar na kujtuan rëndësinë e futbollit për identitetin kombëtar – dhe në të vërtetë në forma të tjera identiteti, siç e demonstroi Maroku.

Futbolli për botën myslimane – falë Marokut, jo Katarit

Në të vërtetë, luanët e Marokut meritojnë të përmenden, duke u bërë skuadra e parë afrikane dhe skuadra e parë nga bota arabe që arrin në gjysmëfinale të Kupës së Botës – e mbajtur për herë të parë në një vend mysliman.

Një gjë për të cilën Infantino dhe të tijtë të drejtë është se bota islame meritonte një Kupë Bote, një çështje e cila është kaq e rëndësishme për FIFA-n sa Maroku, një komb me pasion të vërtetë futbolli dhe një kulturë të gjallë tifozësh, ka bërë oferta për të pritur Botërorin. Kupa u refuzua në pesë raste.

Prandaj ishte afirmuese të shihje lojtarët dhe mbështetësit marokenë që festonin rrugën e tyre drejt një përfundimi historik në vend të katërt me lutje dhe brohoritje islamike, një kujtesë se futbolli u përket edhe atyre – thjesht jo si një vello për të maskuar një mashtrim gjeopolitik në Katar.

Imazhet e Lionel Messit që më në fund ngre Kupën e Botës në qiellin e shkretëtirës, vijat blu dhe të bardha të fanellës së tij të Argjentinës të errësuar nga bishti i zi i Emirit dhe Infantino në sfondin e disa fotografive, do të mbeten përgjithmonë për të na kujtuar se sa keq është abuzuar me futbollin.

Por ato imazhe do të na kujtojnë gjithashtu shkëlqimin e futbollit që i parapriu atyre, dhe se kjo lojë e bukur e jona, nuk do të vdesë kurrë./Deutsche Welle – Bota.al

Aktualitet

KEK thirrje bizneseve që kanë dalë në treg të hapur

Published

2 hours ago

June 3, 2025

Albina Zeneli

Korporata Energjetike e Kosovës ka lëshuar një njoftim duke thënë se inkurajojnë të gjithë konsumatorët që ende nuk kanë siguruar furnizues të energjisë elektrike të lidhin kontrata komerciale me KEK.

“Korporata Energjetike e Kosovës (KEK sh.a.) inkurajon të gjithë konsumatorët që ende nuk kanë siguruar furnizues të energjisë elektrike, që të lidhin kontrata komerciale të drejtpërdrejta me KEK, për të siguruar furnizim të qëndrueshëm.”

KEK thotë se deri tani ka lidhur 15 marrëveshje komerciale.

“Sipas vendimit të Zyrës së Rregullatorit për Energji (ZRRE), KEK është e licencuar për furnizim në treg të hapur dhe deri më tani ka lidhur me sukses 15 marrëveshje komerciale, duke përfshirë edhe ndërmarrje publike strategjike.”

KEK ka listuar disa arsye se pse duhet të zgjidhet KEK’u si furnizues.

“Pse të zgjidhni furnizimin komercial direkt nga KEK?

· Furnizimi nga Furnizuesi i Mundësisë së Fundit është një zgjidhje e përkohshme, me periudhë 60-ditore dhe çmime më të larta nga tregu.

· Sipas udhëzimeve të ZRRE-së, konsumatorët që nuk zgjedhin furnizues kalojnë automatikisht te FMF për 60 ditë, ku çmimet janë më të larta se në tregun e lirë. Pas afatit, kontratat me furnizues të rregullt është e detyrueshme.

· Marrëveshjet komerciale me KEK ofrojnë çmime konkurruese, furnizim të qëndrueshëm dhe transparencë.

· KEK siguron furnizim referuar në çmimet e tregut të publikuara në bursën zyrtare të energjisë ALPEX.”

“Veproni tani! Lidhja e kontratës komerciale është hapi më i sigurt për të shmangur pasigurinë dhe kostot e larta të furnizimit përmes FMF-së.”

Lajmet

Osmani fton në takim partitë për dekretimin e datës së zgjedhjeve lokale

Published

5 hours ago

June 3, 2025

UBTNews

Presidentja e Republikës së Kosovës ka ftuar në takim partitë politike, ku pritet të diskutohet data e zgjedhjeve të reja lokale.

Këshilltari për media i presidentes Vjosa Osmani, Bekim Kupina bëri të ditur për KosovaPress se takimi do të mbahet të mërkurën.

“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë ai.

Ende nuk dihet ora se kur do të mbahet takimi.

Lajmet

Global UBT Fest 2025 – Festivali veror i dijes po vjen së shpejti

Published

5 hours ago

June 3, 2025

UBTNews

Jeni të ftuar të bëheni pjesë e ngjarjes më të madhe dhe më emocionuese të verës në botën e dijes dhe inovacionit! Global UBT Fest 2025 është festivali veror i dijes që mbledh në një vend mbi 30 shkolla verore të ndryshme, me mbi 300 folës kombëtarë dhe ndërkombëtarë nga fusha të ndryshme të shkencës, teknologjisë, artit, kulturës dhe zhvillimit personal.

Ky festival unik zhvillohet gjatë gjithë muajit Korrik 2025, duke ju ofruar një program të pasur dhe shumëdimensional që synon të zgjojë kuriozitetin, të frymëzojë dhe të lidhë njerëz nga e gjithë bota.

Çfarë do të përjetoni në Global UBT Fest 2025?

Forume të dedikuara me diskutime dhe debate mbi temat më të rëndësishme dhe aktuale të kohës;
Punëtori praktike që ju japin mundësi të mësoni aftësi të reja dhe të zhvilloni potencialin tuaj në fusha të ndryshme;
Gara të ndryshme që sfidojnë kreativitetin dhe dijen tuaj, me mundësi për çmime dhe njohje;
Koncerte dhe aktivitete kulturore që sjellin argëtim dhe një atmosferë festive për të gjithë pjesëmarrësit;
Eksperienca unike që vetëm Global UBT Fest mund t’ju ofrojë — një mundësi për rrjetëzim, shkëmbim ideje dhe krijim lidhjesh të reja në një mjedis stimulues.

Ky festival është projektuar për të ofruar një eksperiencë gjithëpërfshirëse dhe të paharrueshme për çdo pjesëmarrës, qoftë student, profesionist apo thjesht një person që kërkon të zhvillojë veten dhe të zgjojë pasionin për dijen.

Regjistrimi është tashmë i hapur: REGJISTROHU TANI

Mos e humbisni shansin për t’u bërë pjesë e kësaj ngjarje të jashtëzakonshëm.

Për më shumë informacion dhe për të siguruar vendin tuaj, vizitoni: https://forms.office.com/e/kwSSxXfsq0

Bashkohuni me ne këtë verë në Global UBT Fest 2025 dhe përjetoni verën më të pasur me dije, inspirim dhe argëtim!

Lajmet

Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare

Published

5 hours ago

June 3, 2025

UBTNews

Në vazhdën e aktiviteteve ndërkombëtare akademike dhe angazhimit të UBT-së për të sjellë ekspertizë globale në auditorë, studentët e Studimeve të Sigurisë zhvilluan me sukses takimin e radhës me Dr. Tanja Tamminen, eksperte e njohur në fushën e politikës së jashtme dhe sigurisë së Bashkimit Evropian.

Ky takim u zhvillua si vazhdim i ligjëratës së mëparshme dhe dëshmon interesimin e ndërsjellë për thellimin e bashkëpunimit ndërmjet UBT-së dhe ekspertëve ndërkombëtarë. Temë qendrore e diskutimit ishte dinamika e përfshirjes së Bashkimit Evropian në misionet civile të menaxhimit të krizave, si dhe ndikimi i tyre në vendet e Ballkanit Perëndimor, përfshirë Kosovën.

Studentët patën mundësinë të ngrenë pyetje më të thelluara dhe të diskutojnë çështje praktike që lidhen me sfidat dhe rolin strategjik të BE-së në garantimin e sigurisë në rajonet me ndjeshmëri politike dhe institucionale. Diskutimi u pasurua me përvoja të drejtpërdrejta nga misionet EULEX në Kosovë dhe EUAM në Ukrainë, të cilat Dr. Tamminen i ndau me pjesëmarrësit me shumë transparencë dhe profesionalizëm.

Ky takim u mundësua falë përkushtimit të Profesor Naim Dedushaj, i cili ka luajtur një rol kyç në ndërtimin e urave të komunikimit me profesionistë të profilit të lartë në nivel evropian. Për më tepër, u diskutuan edhe hapa konkretë për praktika studentore në institucionet evropiane, duke hapur mundësi të reja për studentët që synojnë karrierë ndërkombëtare në fushën e diplomacisë dhe sigurisë.