Sport
Kupa e Botës 2030: Spanja përfiton 5 miliardë euro nga organizimi
Kupa e Botës 2030, që do të mbahet në Spanjë, Portugali dhe Marok, pritet të sjellë përfitime të mëdha për Spanjën. Sipas parashikimeve të qeverisë spanjolle, organizimi i këtij eventi do të kontribuojë me 5.120 miliardë euro në Prodhimin e PBB-së dhe do të gjenerojë më shumë se 5.500 miliardë euro nga shpenzimet turistike.
Ky investim do të ndihmojë në stimulimin e ekonomisë dhe në krijimin e më shumë se 82,000 vendeve të punës me kohë të plotë, duke pasur një ndikim të madh në zhvillimin e zonave ku do të zhvillohen ndeshjet.
Në anën e shpenzimeve, kostot totale të organizimit të Kupës së Botës pritet të jenë më të ulëta se shifra e parashikuar, falë bashkëpunimit ndërkombëtar mes tre shteteve. Shpenzimet kryesore do të përfshijnë operacionet televizive, menaxhimin e personelit, shërbimet teknike dhe transportin, ndërsa kursimet më të mëdha priten nga fushat si siguria, shërbimet teknike dhe teknologjia e informacionit, për të cilat janë siguruar çmime konkurruese. Ndërkohë, modeli i organizimit me tri shtete mund të ndikojë në buxhet, por kursimet pritet të kompensojnë këtë ndikim.
Për sa i përket të ardhurave, organizimi i Kupës së Botës 2030 pritet të rrisë audiencën globale me rreth 5% përmes të drejtave audiovizive dhe marketingut. Shitja e biletave dhe shërbimeve preferenciale do të gjenerojë të ardhura bruto që do të tejkalojnë shifrën bazë me 20%, duke arritur më shumë se 190 milionë euro. Gjithashtu, të ardhurat nga objektet si licencimet, shitjet me pakicë dhe ushqimet e pijet do të sjellin një rritje të konsiderueshme, duke tejkaluar 47 milionë euro, duke kontribuar në suksesin financiar të këtij eventi historik./UBTNews/
Juventusi ka bërë një ofertë për mbrojtësin e Barcelonës, Ronald Araujo, që pritet të jetë një huazim për një periudhë gjashtëmujor me opsion blerjeje për një total prej 30 milionë eurosh. Ky transferim është bërë i nevojshëm për “Bianconerët” pas lëndimeve të rëndësishme të mbrojtësve të tyre, Gleison Bremer dhe Juan Cabal, që do të jenë jashtë për gjashtë muaj pas operacioneve të ligamentit.
Sipas raportimeve të Catalunya Radio, oferta përfshin një pagesë huazimi prej 5 milionë eurosh për gjashtë muaj, dhe një opsion për blerjen e Araujo në fund të sezonit për 20 milionë euro, plus 5 milionë euro të tjera në formë shtesash. Gjithashtu, Juventusi do të mbulojë gjysmën e pagës neto prej 8 milionë eurosh të Araujo-s gjatë periudhës së huazimit.
Ndërkohë, Arsenal është gjithashtu i interesuar për Araujo, por një rinovim i mundshëm i kontratës me Barcelonën nuk është përjashtuar ende./UBTNews/
Cleveland Cavaliers vazhdojnë marshimin e tyre të pandalshëm këtë sezon, duke mposhtur Toronto Raptors me rezultatin 132-126 dhe duke arritur fitoren e 33-të. Darius Garland shkëlqeu me 40 pikë dhe ishte lojtari më i mirë në fushë për Cavaliers.
Në një tjetër ndeshje, Golden State Warriors rikthyen fitoret duke mundur Detroit Pistons 107-104, falë një lojë kolektive të fuqishme. Ndërkohë, zjarret që kanë pushtuar Los Anxhelos dhe kanë shpallur gjendje të jashtëzakonshme, bënë që ndeshja mes Los Angeles Lakers dhe Charlotte Hornets të anulohej.
Në ndeshjet e tjera, Miami Heat mundën Utah Jazz 97-92, me Tyler Herro që realizoi 23 pikë, dhe Dallas Mavericks fitoi 117-111 ndaj Portland Trail Blazers, ku Jaden Hardy shënoi 25 pikë për ekipin e Teksasit.
Rezultatet:
Cleveland – Toronto: 132-126
Detroit – Golden State: 104-107
Orlando – Minnesota: 89-104
Memphis – Houston: 115-119
Dallas – Portland: 117-111
Phoenix – Atlanta: 123-115
Utah Jazz – Miami: 92-97
Lakers – Charlotte: e shtyrë
Armando Broja pësoi një dëmtim të rëndë në minutën e 68-të të takimit të FA Cup mes Evertonit dhe Peterborough (2-0). Sulmuesi i Kombëtares Shqiptare u fut në fushë për të zëvendësuar Beton, por gjatë një dyluftimi ai ra në tokë pas një goditjeje të keqe të këmbës. Stafi mjekësor u fut menjëherë në fushë dhe e stabilizoi këmbën e tij me protezë.
Broja doli me barelë nga fusha mes lotësh dhe me shumë shqetësime, pasi ky ishte një tjetër dëmtim i rëndë për të, teksa pritej që ai të kthehej në versionin më të mirë të tij. Megjithatë, shkalla e dëmtimit do të përcaktohet pas ekzaminimeve mjekësore më të detajuara./UBTNews/
Organizatat ndërkombëtare bëjnë thirrje që LVV-ja të mos i bojkotojë disa media
Policia e Kosovës shpalos planin për zgjedhjet parlamentare
Trump flet për herë të parë për bisedën miqësore që pati me Obamën
Rusia fajëson Ukrainën për sulmin vdekjeprurës në Donjeck
Kurti takohet me Verma, ankohet për mos zbatim të marrëveshjes bazë nga Serbia
Polonia: Netanjahu nuk do arrestohet nëse merr pjesë në përkujtimet e Aushvicit
Lista Serbe e akuzon KQZ-në se po ia mohon të drejtën për vëzhgim e kontroll në ditën e zgjedhjeve
Kremlini: Presidenti Putin “i gatshëm” të takojë Trumpin
Qeveria aprovon rritjen e pensioneve për kategoritë e dala nga lufta
-
Bota2 months agoTrump premton paqe në Liban nëse rikthehet në Shtëpinë e Bardhë
-
Bota2 months agoKoreja e Veriut rrit frikën në botë, lëshon raketën e re balistike ndërkontinentale
-
Bota2 months ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months agoRektori Hajrizi: Çdo sukses i joni është një sukses për Kosovën!