Google pushoi 28 punonjës për përfshirjen e tyre në një protestë 10-orëshe në dy nga zyrat e gjigantit të teknologjisë në Kaliforni dhe New York City, për protesta ndaj lidhjeve të kompanisë me Izraelin.

Në përgjigje të protestave të së martës të udhëhequr nga një grup i quajtur No Tech For Apartheid kundër Projektit Nimbus, një kontratë “cloud” 1.2 miliardë dollarësh me Izraelin, Google të mërkurën shkarkoi 28 punonjës të akuzuar për pjesëmarrje në protesta.

Chris Rackow, kreu i sigurisë globale i Google, theksoi politikën e tolerancës zero të kompanisë ndaj sjelljes së protestuesve në një mesazh dërguar të gjithë punonjësve që qarkulloi gjithashtu në mediat sociale.

“Sjelljet e tilla nuk kanë vend në vendin tonë të punës dhe ne nuk do ta tolerojmë atë”, thuhet në deklaratë.

“Pas hetimit, sot ne ndërpremë punësimin e njëzet e tetë punonjësve që u gjetën të përfshirë. Ne do të vazhdojmë të hetojmë dhe të marrim masa sipas nevojës”, shtoi ai.

Rreth 10 orë pas protestave, policia arrestoi grupe punonjësish në New York dhe Kaliforni, raportoi grupi në X.

Pushimet, të cilat ndodhën vetëm disa orë pasi nëntë punonjës u arrestuan nga policia gjatë protestave kanë nxitur një valë polemikash brenda kompanisë dhe më gjerë./AA/

Presidenti ukrainas, Volodymyr Zelensky bëri të ditur se do të dëgjonte idetë e ish-presidentit amerikan Donald Trump për t’i dhënë fund luftës në Ukrainë me “kënaqësi”, por e shkeli me kujdes këtë çështje.

Vërejtjet e liderit ukrainas erdhën pas raporteve se kandidati republikan presidencial thuhet se tha se nëse do të rizgjedhej ai do të bënte presion ndaj Ukrainës për një marrëveshje paqeje me Rusinë që do të shihte se Kievi do të dorëzonte territorin në proces.

“Para së gjithash ato sinjale ishin në disa platforma mediatike. Unë nuk e kam dëgjuar këtë drejtpërdrejt nga Trump”, tha Zelensky më tutje ai shtoi se “Idetë e tij në detaje, nuk pata mundësinë t’i diskutoja me të dhe të diskutoja idetë e tij se si t’i jepej fund luftës.

Zelensky vazhdoi: “Nëse kam një mundësi të tillë, do t’i dëgjoj me kënaqësi dhe pastaj mund të diskutojmë temën”.

Nga zyra e Trumpit të mërkurën u kundërshtuan komentet e Zelenskyt, duke i quajtur ato “të pasakta”.

“Nuk ka pasur asnjë kontakt nga Zelensky dhe presidenti Trump ka thënë se nuk do të ishte e përshtatshme që ai të shkojë në Ukrainë tani pasi ai nuk është komandant i përgjithshëm”, shtoi më tutje.

Udhëheqësi ukrainas përdori gjithashtu forumin ekonomik për t’u bërë thirrje aleatëve që të jenë “realistë” dhe jo “pesimistë”  mbi pritjeve të gjata të Ukrainës për prodhimin dhe mobilizimin e armatimit perëndimor, pasi forcat e saj po “zvarriten në këtë moment”.

Zelensky tha se situata në rajonet lindore të Ukrainës ishte “stabilizuar tani”.

“Ne shohim se si po rritet PBB-ja jonë, sepse korridori detar po funksionon. Unë nuk do ta shikoja situatën si ju”, vazhdoi ai. “Ne jemi në luftë dhe armiku është serioz”.

Ai shtoi: “Sapo të kemi armë dhe hapa konkretë nga partnerët e Putinit, ne do të thyejmë shtyllën kurrizore të Putinit”.

Gjithashtu gjatë fjalimit të tij në forum, Zelensky vuri në dukje përdorimin e bombave ajrore nga Rusia si një nga “bastet” kryesore të presidentit rus Vladimir Putin për të kthyer valën e luftës./UBTNews/

Kryeministri i Kosovës, Albin Kurti ka thënë se mungesa e sanksioneve ndaj Serbisë e ka trimëruar atë duke bërë arrestime në masë ndaj qytetarëve kosovarë.

Kurti në konferencë për medie pas mbledhjes së qeverisë, akuzoi Serbinë si shtet mafioz, derisa theksoi se kryemafiozi është presidenti Aleksandër Vuçiq.

Ndërkaq, ministri i Punëve të Brendshme, Xhelal Sveçla, tha se rreth 1 mijë e 500 qytetarë kosovarë dje janë ndaluar dhe maltretuar nga autoritetet serbe.

Sveçla tha se ky veprim i Serbisë përbënë kërcënim për sigurinë në rajon dhe është një precendtë i rrezikshëm.

445 pjesëtarë të rinj iu shtuan Policisë të Kosovës. Ceremonia solemne e diplomimit të gjeneratës së 59-të të Policisë së Kosovës është mbajtur sot, ku presidentja e Kosovës, Vjosa Osmani tha para të diplomuarve se ka besim të fuqishëm tek ata që detyra e tyre është të janë në mbrojtje të secilit qytetar të Republikës pa dallim.

“Jam e lumtur që sot ndodhem në këtë ceremoni diplomimi të gjeneratës të 59 është tejet e rëndësishme jo vetëm për ta por për të gjithë ne, dhe në të njëjtën kohë shënon kurorëzimin e një pune të jashtëzakonshme me një mund të madh për tu bërë gardian të republikës tonë. Sot bëni betimin solemn për të mbrojtur dhe për të shërbyer.. Tani e tutje jeni në mbrojtje të secilit qytetar të Republikës sonë pa dallim. Kushtetua e Kosovës është udhërrëfyese e juaja. Ju do t’i bashkoheni radhës së policisë për të ofruar siguri dhe përgjegjësi për ruajtjen e kufirit tonë”, ka thënë Osmani.

Osmani tha se betimi i sotëm i këtyre kadetëve është përgjigja më e fuqishme kundrejt përpjekjeve të tilla të Serbisë. Sipas saj në këtë ditë pesë policë po mbahen peng nga shteti shovinist.

“Të jesh një polic nuk është thjesht një profesion është një mision e një kauzë për një mjedis ku të gjithë ndihen të sigurt e të lirë, kjo punë kërkon guxim përball vështirësive përkrahje në momente të caktuara dhe përkushtim të palëkundur ndaj betimit të cilin do ta bënë të gjithë sot. Në këtë momente pesë policë po mbahen peng nga një shtet shovinist – nga Serbia. I bëjmë thirrje aleatëve tanë që ta ngritin zërin dhe t’i rrisin përpjekjet që t’i ndalin mizoritë dhe veprimet e tilla shoviniste kundër qytetarëve dhe policëve tonë. Por jam e bindur se betimi i sotëm dhe gjithë këta kadetë janë përgjigja më e fuqishme kundrejt përpjekjeve të tilla. Në duart e juaja qëndron e ardhmja e qytetarëve tanë”, u shpreh presidentja Osmani.

Ndërkaq kryeministri Kurti tregoi numrin e policëve të ri të cilët ishin 345 djem e 100 vajza.

“Vendit tonë do t’i shtohen edhe 445 policë të rijë të cilët do të shërbejmë gjithandej nëpër Kosovë në stacione e në detyra të ndryshme duke iu dhënë një mas përforcuese kolegëve tjerë policë. Tek fytyra e policit janë të përbashkuara personifikimi i zbatimit të ligjit dhe i respektimit të rendit publik. Nga 445 polic që do të betohen sot 345 janë djem e dhe 100 vajza ndërsa 375 policë janë shqiptar dhe 88 nga komunitetet jo shumicë”, u shpreh kryeministri Kurti.

Ministri i Punëve të Brendshme, Xhelal Sveçla ngjarjen e ditës së djeshme e ka quajtur akt të paprecedent mbajtjen zëvendësdrejtorit të Policisë së Kosovës të nacionalitetit serb, Dejan Jankoviq dhe katër zyrtarëve policorë nga autoritetet serbe.

“Ceremonisë së sotme i radhëve të menaxhmentit të lartë të Policisë të Kosovës sot i mungon zëvendësdrejtori i Policisë të Kosovës nga radhët e komunitetet Serb Dejan Jankoviq i cili dje është ndaluar dhe po mbahet pa asnjë arsyetim në radhët e Serbisë ashtu siç po mbahen në Serbi edhe katër zyrtar tjerë policor, ky është një akt i paprecedent i serbes me shumë veprime i është drejtuar policisë të Kosovës, ky është një sulm i drejtpërdrejtë i Serbisë ndaj pjesëtareve të vet komunitetit serb brenda policisë të Kosovës të cilët gjejnë vullnetin dhe guximin të na bashkohen në rrugën e përbashkët që synon shërbim e siguri për të gjithë qytetarët dhe stabilitet për vendin tonë. Të dashur kadet të Policisë veçanërisht ju nga komunitetet republika jonë është edhe e juaja, vendi ynë është i përbashkët dhe çdo ditë e punës tonë duhet dedikuar forcimit të tij, nga sfidat që do të ballafaqoheni nga sot ne jemi mbështetja e juaj”, tha Sveçla.