Tonino Picula, raportuesi i Parlamentit Evropian për Serbinë, ka fajësuar presidentin Aleksandar Vuçiç për mosrealizimin e takimeve të planifikuara gjatë vizitës së tij në Beograd. Picula tha se Vuçiç vendosi që të kufizoheshin kontaktet direkte me të, duke i reduktuar ato vetëm në takime në Kuvendin Popullor dhe Ministrinë për Integrime Evropiane.

Ky veprim pasoi një kritikë të ashpër të autoriteteve serbe ndaj draft-raportit të Picula për situatën në vend. Gjatë vizitës, nuk pati takime me presidentin, kryeministren dhe ministrin e Punëve të Jashtme. Picula theksoi se ngjarjet e rëndësishme në Serbi përfshinin protestat studentore, të cilat kanë kërkuar përgjegjësi për tragjedinë në Novi Sad dhe ndjekjen penale të autorëve të sulmeve ndaj protestuesve./UBTNews/

Vlera e Bitcoin u rrit me 9,05 për qind në 89,203,27 euro në orën 15:00 në bursën më të madhe të kriptomonedhave në botë, Binance, pas njoftimit të presidentit të SHBA-së, Donald Trump, për rezervat strategjike dixhitale të Shteteve të Bashkuara.

Trump njoftoi se pesë kriptovaluta kryesore do të jenë pjesë e rezervave strategjike dixhitale të SHBA-së, duke specifikuar se ato janë Bitcoin (BTC), Ethereum (ETH), Ripple (XRP), Solana (SOL) dhe Cardano (ADA), dhe deklaratat e tij nxitën rritjen e të gjithë tregut.

Ai shtoi se Shtetet e Bashkuara do të bëhen “kryeqyteti i botës së kriptove”.

Vlera e Ethereum (ETH) u rrit me 7.46 për qind në 2269.77 euro dhe vlera e monedhës Binance (BNB) u rrit me 0.12 për qind në 579.52 euro.

Kriptomonedha Solana (SOL) u rrit 16.46 për qind në 157.62 euro dhe Orteku (AVAX) u rrit 8.58 për qind në 22.73 euro.

Sot, kriptovalutat më të tregtuara janë Bitcoin, Ethereum dhe Ripple (XRP). Rritjen më të madhe e shënojnë aktualisht kriptovalutat ADA, RED dhe COTI.

Në Qendrën e Numërimit dhe Rezultateve, është duke vazhduar numërimi i votave me postë.

Lidhur me këto vota ka mbajtur konferencë zëdhënësi i Komisionit Qendror të Zgjedhjeve Valmir Elezi i cili tha se ditën e martë pritet të përfundojnë numërimi i të gjitha fletëvotimeve që i takojnë votimit me postë.

“Deri ditën e martë do të arrijmë të përmbyllim numërimin e gjitha fletëvotimeve që i takojnë votimit me postë dhe pas kësaj do të fillojmë numërimin e fletëvotimeve që i takojnë votimit me kusht i cili është zhvilluar në 56 vendvotime me datën 9 shkurt si dhe pastaj numërimin e votave të personave me nevoja të veçanta. Pasi të mbyllen gjitha këto procese si dhe pasi të marrim konfirmimin nga ana e PZAP-së dhe Gjykatës Supreme se nuk ka ndonjë çështje që është duke u shqyrtuar në këto institucione atë herë KQZ do të mund të shpall rezultatin përfundimtar për subjektet politike dhe kandidatët e këtyre zgjedhjeve”, tha Elezi.

Elezi shtoi se çdo numërim që bëhet në QNR është i ankimueshëm dhe kjo do të thotë që vëzhguesit, subjektet politike mund të paraqesin ankesat e tyre për çdo administrim dhe për çdo numërim që zhvillohet në QNR.

“Të gjitha statistikat e një procesi zgjedhor sa i përket votave të pavlefshme ne do ti kemi më kohën kur KQZ do ti shpall rezultatet përfundimtare. Pjesë e statistikave që ka një proces zgjedhor natyrisht që do te jenë edhe fletëvotimet e pavlefshme. Në rastet kur ka paqartësi nëse një fletëvotim duhet të llogaritet i vlefshëm apo ndryshe është PZAP ku palët mund të paraqesin ankesat e tyre”, tha Elezi.

Sipas përditësimit të fundit në faqen e Komisionit Qendror të Zgjedhjeve, deri më 3 mars ora 00:54 janë numëruar 124 kuti të votimit nga 187 sa janë apo 66.31 për qind