Sport

“Kujdes nga Leo Messi në El Clasico”

Published

6 years ago

April 7, 2021

Betim Gashi

Të shtunën në “Alfredo Di Stefano” luhet një nga sfidat më të zjarrta të futbollit europian dhe jo vetëm, pikërisht dueli mes Real Madridit dhe Barcelonës që papritur ka marrë një rëndësi të jashtëzakonshme pasi gafat e njëpasnjëshme të Atletico Madridit i kanë dhënë mundësi blaugranave, por edhe skuadrës së Zidane të afrohen ndjeshëm në renditje.

9 javët e fundit të sezonit do të jenë të zjarrta për titullin në Spanjë. 1 pikë është diferenca e Barcelonës me Atleticon e Madridit ndërkohë që 3 pikë është ajo mes Los Colchoneros dhe Los Blancos.

Përpara këtij dueli ka folur një nga futbollistët me më shumë eksperiencë dhe që ka luajtur mbi 30 El Clasico në karrierë, pikërisht Karim Benzema.

Francezi pas largimit të Ronaldos ka marrë rolin e liderit në sulmin e Realit dhe që Los Blancos kanë ecur me ritëm të kënaqshëm në 3 sezonet e fundit meritat shkojnë edhe për të.

“Është ndeshja më e bukur në botë”, deklaroi 33-vjeçari francez në një intervistë për mediat spanjolle për “El Clasicon”.

“Barcelonës i pëlqen të luajë me topin dhe mbi të gjitha ata kanë një portier të shkëlqyer (Ter Stegen), që di të luajë edhe me këmbë”.

“Messi? Ai bën gjithçka në fushë dhe duhet të kemi shumë kujdes me të, sepse e dimë që është shumë i rrezikshëm. Duhet të luajmë si ndeshjen e fazës së parë, për ta mposhtur Barçën”.

Reali e fitoi sfidën e parë këtë sezon 3-1 në “Camp Nou”.

Benzema është në një formë shumë të mirë këtë sezon dhe të gjithë sytë i kanë te ai, derisa së fundmi edhe Vinicius Junior ka dhënë sinjale se mund të kontribuojë shumë për Los Blancos, pas dy golave kundër Liverpoolit.

Benzema deri më tani numëron 24 gola në 34 paraqitje në të gjitha garat.

Related Topics:barcelona Real Madrid UBTSPORT El Clasico Leo Messi

Up Next

Interi blindon kreun e tabelës, Juventusi mposht Napolin

Don't Miss

Mbyllet drama në “Fadil Vokrri” ndërmjet Prishtinës dhe Llapit me pesë gola të shënuara

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/