Shëndeti

Kujdes me kombinimin e ushqimeve – 7 parimet kryesore që duhet të ndiqni

Kombinimi i ushqimeve është një qasje e verifikuar e kësaj mjekësie jo tradicionale.

Publikuar

Kombinimi i ushqimit është një proces artistik që ka marrë formë mijëra vite me parë, sidomos nga ata që praktikojnë mjekësinë natyrale që promovon ekuilibrin e mendjes dhe trupit nëpërmjet ushqyerjes, jogës dhe preparateve bimore.

Kjo mjekësi është një nga më të lashtat dhe përqendrohet në besimin se shëndeti dhe mirëqenia varen nga një ekuilibër delikat mes shpirtit, trupit dhe mendjes.

Kombinimi i ushqimeve është një qasje e verifikuar e kësaj mjekësie jo tradicionale.

Sipas kësaj tradite, çdo ushqim ka një shije specifike, energji të nxehtë ose të ftohtë dhe një ndikim të veçantë pas tretjes.

Kombinimet e duhura të ushqimeve janë të një rëndësie të jashtëzakonshme, sepse nëse zgjidhni një përshtatje të gabuar të tyre do të përballeni me probleme me tretjen, fryrje e simptoma të tjera që mund të rezultojnë në disa sëmundje.

7 parimet e kombinimit të ushqimeve
1. Mos konsumoni ushqime me karbohidrate dhe acide në të njëjtiin vakt.

Kjo do të thotë që buka, patatet, bizelet, fasulet, bananet, hurmat dhe karbohidrate të tjera nuk duhet të konsumohen në të njëjtën kohë me limonin e verdhë, limonin jeshil, portokallet, qitron, ananasin, domaten apo fruta të tjerë të thartë. Domatet nuk duhet të kombinohen kurrë me ushqime me bazë niseshte. Thuajini lamtumirë makaronave me salcë domateje! Domatet mund të konsumohen me barishte dhe ushqime me yndyrna.

2. Mos konsumoni proteina të përqendruara dhe karbohidrate të përqendruara në të njëjtin vakt.

Kjo do të thotë që nuk duhet të hani arra, mish, vezë, djathë dhe ushqime të tjera me proteina në të njëjtin vakt me bukën, drithërat, patatet, frutat e ëmbla, kekun etj.
Tretja e karbohidrateve (niseshtes dhe sheqernave) dhe proteinave është një proçes kaq i ndryshëm nga njëri tjetri, saqë kur përzihen në stomak, mund të ndikojnë për keq tek tretja.

3. Mos konsumoni dy proteina të përqendruara në të njëjtin vakt.

Mos hani arrorë me mish, ose vezë me mish, ose djath me arrorë, ose djath me vezë në një vakt. Ndaj harrojeni omletën me vezë! Mos përdorni mishin me qumështin, vezën me qumështin apo arrorët me qumështin në të njëjtin vakt. Qumështi duhet konsumuar i vetëm. Rregulli kryesor është që në një vakt të konsumosh një proteinë të vetme, sepse dy proteina kërkojnë kohë të ndryshme tretjeje dhe rrjedhimisht shkaktojnë një barrë të rëndë për sistemin tretës

4. Mos konsumoni proteina me yndyrna

Kjo do të thotë që ju nuk duhet të përdorni krem, gjalpë, vaj me mishin, vezën, djathin dhe arrorët. Yndyrnat frenojnë gjendrat e stomakut dhe sekrecionin e lëngjeve të duhura për përpunimin e mishit, arrorëve, vezëve dhe proteinave të tjera.

5. Mos hani fruta me aciditet bashkë me proteina ose produkte me niseshte.

Portokallet, domatet, limonët, ananasi etj. nuk duhet të hahen me mishin dhe vezët përveçse me yndyrnat e proteinave siç janë avokadot, djathi ose arrorët. Në përgjithësi, frutat duhen ngrënë veçmas, sepse treten për një kohë më të shkurtër dhe kombinimi me ushqime të rënda do të ç’orientojnë sistemin tretës. Ndaj harrojini drithërat me qumësht dhe lëng portokalli, sepse acidi shkatërron enzimat që nevojiten për të tretur niseshten, ndërsa qumështi pritet kur bie në kontakt me acidet.

Ndaj nëse dëshironi fruta ose lëng portokalli për mëngjës, hajini të paktën 30 minuta përpara vaktit kryesor.

6. Mos konsumoni niseshte dhe sheqerna së bashku

Reçeli, gjalpi i frutave, sheqeri, mjalti, shurupi etj në kombinim me bukën, kekun ose drithërat, patatet etj, ose sheqeri me drithërat do të shkaktojnë fermentim.

7. Mos konsumoni shalqinin me ushqime të tjera

Shalqini, pjepri dhe simotrat e tyre duhen konsumuar veçmas, për të njëjtën arsye se si të gjitha frutat edhe ato dekompozohen shpejt.

Së fundmi, kombinimi më i tmerrshëm sipas mjekësisë së lartpërmendur është ai i bananes me qumështin që besohet të formojë toksina. Nëse jeni dashamirës të lëngjeve që kanë këto përbërës atëherë zgjidhni një banana të pjekur mirë dhe shtoni cardamom ose arrëmyshk për të stimuluar tretjen./AgroWb.org

Vazhdo të lexosh

Shëndeti

Hurmat – fruti me vlera të larta ushqyese

Për shkak të vetive të tyre shumë të dobishme, vendet arabe çdo ditë i përdorin hurmat.

Publikuar

nga

Në të kaluarën ishin të njohura si “buka e shkretëtirës”. Tani është vërtetuar se hurmat njëjtë sikur bajamet dhe rrushi i thatë bëjnë pjesë në grupin e ushqimeve me vlera të shumta ushqyese.

Për shkak të vetive të tyre shumë të dobishme, vendet arabe çdo ditë i përdorin hurmat. Ato lehtë mblidhen, ruhen dhe transportohen, andaj edhe janë të disponueshme shumë lehtë në mbarë botën, ashtu edhe te ne.

Sheqerërat natyrale që përmbajnë në vete janë në formë të glukozës dhe fruktozës. Hurmat e thata të grira, të vendosura në ujë, i cili ka qëndruar gjatë tërë natës, paraqesin një ilaç shumë të mirë nëse dëshironi ta forconi zemrën dhe funksionet e saj vitale.

Hurmat gjithashtu janë një ilaç efektiv dhe shumë efikas kundër dhimbjes së kokës dhe kundër plakjes, shkruan femina.al. Ato i qetësojnë nervat dhe është e vërtetuar shkencërisht se për shkak të përmbajtjes së madhe të kalciumit, magnezit dhe fosforit mund të ndikojnë në mënyrë preventive kundër kancerit.

Hurmat e forcojnë trupin, zvogëlojnë kolesterolin në gjak, rregullojnë procesin e tretjes dhe e mbrojnë stomakun nga parazitët dhe bakteriet.

Megjithatë duhet të kemi kujdes në sasinë që konsumojmë, e veçanërisht nëse keni problem me peshën e shtuar, pasi që vetëm një hurmë përmban 20 kalori.

Vazhdo të lexosh

Lajmet

Studimi: Mbi 1 miliard njerëz në mbarë botën janë obezë

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat.

Publikuar

nga

Mbi 1 miliard njerëz në mbarë botën po jetojnë me obezitet, thotë studimi i publikuar në The Lancet. Në mesin e tyre janë 880 milionë të rritur dhe 159 milionë fëmijë, sipas të dhënave të vitit 2022.

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat, me rreth 70-80% të të rriturve që jetojnë me obezitet.

Nga rreth 190 vende, Britania e Madhe renditet në vendin e 55-të më të lartë për meshkujt dhe në vendin e 87-të për femrat.

Ekipi ndërkombëtar i shkencëtarëve thotë se ka nevojë urgjente për ndryshime të mëdha në mënyrën se si trajtohet obeziteti.

Obeziteti mund të rrisë rrezikun e zhvillimit të shumë gjendjeve serioze shëndetësore, përfshirë sëmundjet e zemrës, diabetin e tipit 2 dhe disa lloje kanceri./UBTNews/

Vazhdo të lexosh

Shëndeti

Shenjat që tregojnë se nuk konsumoni mjaftueshëm ujë

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Publikuar

nga

Më shumë se gjysma e popullsisë vuajnë nga dehidrimi, mirëpo shumica nuk e vërejnë këtë proces i cili ndodh në trupin e tyre.

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Shenjat e dehidrimit të nivelit të ulët dhe mesatarë janë si dëshira e shpeshtë për të pirë ujë, goja jonë zakonisht ndodhet në gjendje të thatë, lodhja, merakosja dhe hutimet e tepërta gjatë ditës, ngjyra e urinës është e verdhë e mbylltë, kokëdhimbja, marramendja, aroma e pakëndshme e gojës, dhimbje të muskujve etj.

Ndërsa shenjat e dehidrimit të nivelit të lartë janë si etja e tepërt për ujë, lëkura e thatë, marramendja e tepërt, nëse nuk djersiteni në temperaturë të lartë apo pas një aktiviteti etj.

Vazhdo të lexosh

Lajmet

Zakonet e shëndetshme që mbrojnë sistemin imunitar

Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Publikuar

nga

Zakonet e shëndetshme gjatë stinës së dimrit janë thelbësore për ruajtjen e shëndetit dhe mirëqenies. Aq shumë saqë mund të mbrojnë edhe nga ftohjet, gripi dhe ethet gjatë ndryshimit të stinëve. Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Përveç ushqimeve që hamë, ka edhe disa pengesa të tjera natyrore që i mbrojnë njerëzit. Ato përfshijnë barrierat fizike, si lëkura dhe trakti respirator, si dhe linja e dytë që janë enzima brenda traktit tretës.

Disa mënyra se si mund ta ndihmojmë sistemin imunitar përfshijnë;

Gjumi i mjaftueshëm

Gjumi është një shtyllë e dytë e shëndetit dhe shpesh neglizhohet në shoqërinë e sotme që ecën me ritme të shpejta. Shumë nuk gjejnë kohë për këto shtatë deri në tetë orë dhe përfundojnë duke ulur qelizat e tyre Vrasëse Natyrore (NK) që luftojnë citokinat inflamatore. Për ata që nuk kanë njohuri, këto citokina inflamatore nxisin disa probleme shëndetësore si artriti reumatoid si dhe sëmundja e Cohn.

Ngrënia e zarzavateve me gjethe

Zgjidhni zarzavatet me gjethe pasi janë të rëndësishme për ruajtjen e një ekuilibri të shëndetshëm të vitaminave dhe mineraleve të nevojshme për sistemin imunitar. Disa nga vitaminat më të rëndësishme për funksionimin e përditshëm përfshijnë vitaminën B12, si dhe kalciumin, hekurin, zinkun dhe madje edhe jodin.

Djersitni më shumë

Ushtrimi është po aq i rëndësishëm në ruajtjen e shëndetit të mirë të sistemit imunitar, sepse qelizat T vrasëse përmirësohen me çdo rutinë ushtrimesh sipas gjetjeve të reja. Megjithatë, është e rëndësishme që të përfshihen vetëm nivele të moderuara të stërvitjes, dhe çdo gjë më shumë se 90 minuta, mund të ndikojë në mënyrë të kundërt tek imuniteti.

Mbani një peshë të shëndetshme

Është e rëndësishme të ruani një peshë të shëndetshme që është optimale për gjatësinë e çdo personi. Në rastet kur pesha luhatet në ekstrem, funksioni imunitar gjithashtu mund të ulet.

Mospirja e duhanit

Pirja e duhanit është një nga vrasësit më të heshtur, ndërton mukozë brenda rrugëve të frymëmarrjes dhe madje u ofron baktereve një terren të favorshëm për infeksionet e sipërme të frymëmarrjes.

Vazhdo të lexosh

Të kërkuara