Lajmet

Kryetari i SBASHK-ut, paralajmëron fillimin e peticionit për ndryshimin e ligjit për skemën pensionale

Published

2 years ago

on

Kryetari i SBASHK-ut, Rrahman Jashari, iu është drejtuar Kuvendit të Kosovës, për t’ia bërë me dije fillimin e peticionit për ndryshimin e ligjit për skema pensionale, për shkak se sipas tij po mohohen të drejtat e fituara të punëtorëve të arsimit.

“Kemi ardhë në përfundim të fillojmë me një nismë qytetare për mbledhjen e nënshkrimeve nga anëtarësia jonë, por edhe nga qytetarët. Do t’i drejtohem Parlamentit të Kosovës që të ndryshojë pjesën e ligjit për skemat pensionale, ngase me ndryshimet e bëra kohëve të fundit janë mohuar të drejtat e fituara të punëtorit të arsimit dhe jo vetëm”, ka thënë Jashari.

Jashari, ka kërkuar që t’i kthehet e drejta punëtorëve të arsimit e viteve të 90-ta.

“T’i kthehet e drejta që u kishte dhënë vet Paralemnti punëtorëve të arsimit viteve të 90-ta që vitet e 90-ta të jenë vite kontributdhënëse për t’iu ndihmuar që të marrin pensionin e plotë. Si shtesë e kësaj është edhe kërkesa që nga viti 99-të deri kur filloi së vepruari Trusti pensional, tre vite e gjysmë që konsiderohen vite kontribut dhënëse”, ka shtuar Jashari.

Related Topics:
Continue Reading

Lajmet

Kuriozitetet e ditës

Published

2 hours ago

on

September 16, 2026

By

Lexoni pesë kuriozitete. Mund të mos i keni ditur:

  1. Ka specie kandilësh deti që biologjikisht mund të rikthehen përsëri në “moshë të re”, prandaj quhen pothuajse të pavdekshëm.
  2. Google fillimisht kishte emrin “Backrub” para se të bëhej kompania më e madhe e kërkimit në botë.
  3. Një burrë fitoi dy herë lotarinë me të njëjtët numra brenda katër muajve.
  4. Në Itali ekziston një shatërvan që derdh verë falas për turistët 24 orë në ditë.
  5. Astronautët thonë se hapësira ka aromë si mish i djegur ose metal i nxehtë pas kthimit nga ecjet në kozmos.

Continue Reading

Lajmet

Rrahje mes disa personave në Tenezhdoll, konfiskohet pistoletë me 15 fishekë

Published

2 hours ago

on

September 16, 2026

By

Një rrahje mes disa personave ka ndodhur më 15 shtator në fshatin Tenezhdoll të Prishtinës, ku janë shoqëruar gjashtë persona për intervistim.

Sipas Policisë, në vendin e ngjarjes kanë dalë njësitë policore, të cilat kanë shoqëruar në stacion gjashtë të dyshuar meshkuj kosovarë.

Si pasojë e incidentit, një viktimë femër kosovare dhe tre nga të dyshuarit kanë marrë tretman mjekësor.

Gjatë rastit, nga njëri prej të dyshuarve është konfiskuar një pistoletë me 15 fishekë, si dhe një brisk dhe një çekiç.

Me vendim të prokurorit, katër nga të dyshuarit janë dërguar në mbajtje, ndërsa rasti është duke u hetuar./A.K/

Continue Reading

Lajmet

Ekstradohet nga Gjermania i Kërkuari për Droga, i Dorëzohet Policisë në Mitrovicë

Published

2 hours ago

on

September 16, 2026

By

Drejtoria për Bashkëpunim Ndërkombëtar Policor në kuadër të Policisë së Kosovës, në koordinim me njësitet kompetente dhe organet e drejtësisë, ka realizuar me sukses ekstradimin e një shtetasi të Kosovës nga Gjermania.

I dyshuari kërkohej me urdhërarrest ndërkombëtar për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Pas përfundimit të procedurave të ekstradimit më 15 shtator, i arrestuari u është dorëzuar njësitit përkatës të Policisë në Drejtorinë Rajonale në Mitrovicën Jugore për të vazhduar me hapat e mëtejshëm ligjorë. /E.A/

 

Continue Reading

Lajmet

Arrestohet i dyshuari pasi sulmoi fizikisht zyrtarët policorë në Mitrovicë të Veriut

Published

2 hours ago

on

September 16, 2026

By

Një person është arrestuar në Mitrovicë të Veriut pasi dyshohet se ka sulmuar fizikisht zyrtarët policorë gjatë kryerjes së veprimeve policore.

Rasti ka ndodhur më 15 shtator, rreth orës 21:05, në rrugën “Isa Boletini”, pasi i dyshuari ishte ndaluar nga policia.

Sipas Policisë, i dyshuari mashkull kosovar ka sulmuar fizikisht zyrtarët policorë gjatë ndërhyrjes.

Pas intervistimit, me urdhër të prokurorit, i dyshuari është dërguar në mbajtje./A.K/

Continue Reading

Të kërkuara