Lajmet

Kryeqytetasit të interesuar për termine të vaksinimit

Published

on

Terminet për vaksinim antiCOVID kanë filluar në të gjitha qendrat e mjekësisë familjare në komunën e Prishtinës.

Drejtori i Qendrës KryesorE të Mjekësisë Familjare (QKMF), Rrezart Halilaj ka thënë në një intervistë për Ekonomia Online se është për t’u krenuar me numrin e lartë të qytetarëve për të lënë ternim të vaksinimit.

“Sa i përket termineve të vaksinimit ju informojë se pothuajse në të gjitha qendrat e mjekësisë familjare janë duke ofruar shërbimin e termineve të vakisnimit, ku qytetarët lajmërohen në spotel tek motrat, ipet emri dhe pastaj lajmërohen përmes telefonit me anë të një mesazhi. Mund të ju them se ditëve të fundit kemi një interesim mjaftë të madh të qytetarëve për çka është tu krenuar me qytetarët tanë dhe shërbimi është duke shkuar në mënyrën më të rregullt”, është shprehur ai.

Tutje Halilaj ka njoftuar se i vetmi problem që kanë hasur deri më tani gjatë këtij procesi, është rënia e sistemit, për ka ai ka thënë së nuk është nën kompetencën e tyre por të Ministrisë së Shëndetësisë.

“Sistemi varet pre Ministrisë së Shëndetësisë derisa ne bëjmë vetëm të futjen e të dhënave të qytetarëve të cilët dëshirojnë të marrin vaksinës kundër Covid-19. Deri tash nuk kemi të evidentuar ndonjë problem, mund të ndodhë ndonjëherë që sistemi të mos funsionojë, varësisht prej hapësirave të cilat gjenden për realizimin e këtyre termineve, por në përgjithësi qytetarët janë të kënaqur dhe nuk kemi pasur ndonjë vërejtje në këtë drejtim”, ka përfunduar ai për EO.

Aktualitet

Nis sot viti i ri shkollor në Shqipëri 2025-2026

Published

on

Përmes një postimi në rrjetet sociale, Ministria e Arsimit në Shqipëri njoftoi se këtë të hënë nis viti i ri shkollor në të gjithë vendin, ku rreth 345 mijë nxënës do të ulen në bankat e shkollës. Gjithashtu këtë vit është përforcuar mbështetja për nxënësit me aftësi të kufizuara. Konkretisht janë 2,260 mësues ndihmës, një rritje prej 150 më shumë se në vitin 2024.

Transporti falas do të ofrohet për 38 mijë nxënës dhe 12 mijë mësues. Po ashtu, janë të disponueshme 3,500 bursa për nxënësit që kanë nevojë për mbështetje financiare.

Librat janë shpërndarë falas për të vegjlit që i rikthehen shkollës. Ashtu si në të gjithë Shqipërinë, edhe në Elbasan u bë shpërndarja e librave për fëmijët në çdo shkollë.

Diku të mirëmbajtura e diku më pak, prindërit në masë kanë nxituar të përfitojnë nga kjo lehtësi e ofruar, por ndërkohë, sipas buxheteve, ndajnë mendime të ndryshme mbi koston e materialeve të tjera shkollore, shkruan Top Channel.

Ndërkohë, në Korçë viti i ri shkollor nis me një rënie të ndjeshme të numrit të nxënësve. Krahasuar me një vit më parë, janë 3 726 më pak, duke e ulur shifrën nga 21 080 në 17 354 nxënës.

Kjo situatë ka bërë që në qytetin e Korçës disa shkolla të bashkohen, ndërsa dhjetëra klasa të para nuk janë hapur pasi nuk kanë pasur regjistrime. Sipas nënkryetarit të sindikatës së mësuesve në Korçë, reduktimi me gati një të katërtën e nxënësve është një tregues alarmant që kërkon ndërhyrje emergjente në sistemin arsimor.

Ulja e numrit të nxënësve reflektohet edhe tek mësuesit, të cilët mbeten pa ngarkesë mësimore. Një pjesë e tyre pritet të kalojë si mësues ndihmës ose të angazhohet në programe pas shkollore./S.K/TopChannel/

Continue Reading

Aktualitet

Suhareka bëhet kryeqendra e teatrit në edicionin e gjashtë

Published

on

Këtë vit, do të mbahet edicioni i gjashtë i Festivalit të Teatrove në qytetin e Suharekës për pesë net radhazi.

Edicioni fillon nga sot data 08 deri më 12 shtator, ku mbrëmjet duhet të rezervohen për t’i duartrokitu  pesë shfaqjet që do të shfaqen aty.

Festivali i Teatrove do të mbahet në Shtëpinë e Kulturës “Ukë Bytyqi” në Suharekë.

Ky festival tash e gjashtë vite është bërë traditë e qytetit, duke mbledhur artistë vendorë për të luajtur shfaqje të përzgjedhura me kujdes nga ekipi i festivalit./S.K./EO/FTS/

Continue Reading

Aktualitet

Pas një lëndimi aksidental, vdes dyvjeçari në QKUK

Published

on

Një fëmijë dyvjeçar ka vdekur mbrëmë në QKUK, pas një lëndimi aksidental të ndodhur më 31 gusht të këtij viti në Rahovec.

Lajmi u konfirmua edhe nga policia rajonale në Gjakovë, nga e cila thanë se rasti po trajtohet si “hetim i vdekjes”.

“Ka qenë rast i raportuar më 31 gusht si lëndim aksidental dhe është proceduar më shënim zyrtar por sot nga QKUK, jemi njoftuar se viktima ka ndërruar jetë. Rasti po trajtohet si hetim i vdekjes nën mbikqyrje të prokorurit të shtetit ndërsa trupi i pajetë është dërguar në IML për obduksion”, ka thënë drejtori i policisë në Gjakovë, Lumni Graishta.

Për këtë ngjarje të rëndë, ka folur edhe Gazmend Spahiun, drejtor i Klinikës Intensive i cili po ashtu e konfirmoi vdekjen e dyvjeçarit./S.K/EO/

Continue Reading

Lajmet

Sonte Kosova përballet me Suedinë

Published

on

Kombëtarja e Kosovës në futboll rikthehet sonte në aksion, ku dardanët do të përballen me Suedinë në ‘Fadil Vokrri’, në kuadër të kualifikimeve për Kupën e Botës 2026.

Pavarësisht disfatës nga Zvicra, atmosfera në taborin e kombëtares sonë mbetet e mirë dhe premtuese për një paraqitje dinjitoze ndaj Suedisë.

Kosova, edhe në këtë duel, nuk do të mund të llogarisë në shërbimet e Edon Zhegrovës, Milot Rashicës dhe Amir Rrahmanit, ky i fundit u lëndua në ballafaqimin me Zvicrën.

Përzgjedhësi i Kosovës, Franco Foda, në konferencën e fundit për shtyp para sfidës me Suedinë, është shprehur i bindur se skuadra do të luajë më mirë se ndaj Zvicrës.

Tekniku gjerman është i vetëdijshëm se kombëtarja skandinave është favorite, por ka theksuar se e rëndësishme është që Kosova të paraqitet ndryshe nga ajo ndeshje.

“Ne kemi analizuar të gjitha gabimet në ndeshjen me Zvicrën. Jemi të vetëdijshëm që Zvicra është një kombëtare e fortë. Nuk kemi mundur ta zbatojmë lojën tonë në atë ndeshje, por në pjesën e dytë kemi luajtur më mirë. Jam i bindur që kundër Suedisë do të luajmë shumë më mirë. Jemi në shtëpi dhe do të përpiqemi t’i kënaqim shikuesit, sikurse në ndeshjet e kaluara që i kemi fituar. Ne e kemi analizuar edhe ndeshjen e Suedisë, është një skuadër shumë e mirë, me lojtarë cilësorë. Është e qartë që Suedia është favorite, por për mua është e rëndësishme që ne të bëjmë një tjetër ndeshje”, ka thënë Foda.

Ndeshja mes Kosovës dhe Suedisë fillon në orën 20:45./S.K/EO/FFK/

Continue Reading

Të kërkuara