Aktualitet

Kryeministri slloven: Pa zgjidhjen e çështjeve të hapura, s’ka perspektivë evropiane

Kryeministri slloven: Në vazhdimësi të theksohet procesi i zgjerimit.

Publikuar

3 vjet më parë

më

Kryeministri i Sllovenisë, Janez Jansha ka thënë se gjatë përgatitjes së deklaratës së Brdos, Sllovenia ka synuar të theksojë një afat kohor për zgjerimin, por ka shtuar se një gjë e tillë nuk është arritur.

Ai ka thënë se për të arritur perspektiven evropiane, vendet duhet të zgjidhin çështjet e hapura që kanë mes vete.

“Nuk është sekret që gjatë përgatitjes së deklaratës së Brdos Sllovenia deshi të theksojë, të cek një afat kohor për zgjerimin, ky orar nuk është pjesë e deklaratës por kemi pasur një diskutim të gjerë lidhur me të, të inkuadrimit të shteteve të reja, dhe shumica e shteteve të BE-së kanë shprehur gatishmërinë e tyre, vullnetin e tyre, se në dekadën e ardhshme do të fokusohemi në këtë perspektivë evropiane për regjionin”, ka thënë kryeministri slloven.

Në një konferencë për media, kryeministri slloven ka thënë se është e rëndësishme që në vazhdimësi të theksohet procesi i zgjerimit.

“Pas debatit një gjë është e qartë, nëse duam që kjo perspektivë evropiane të materializohet dhe nëse duam që ajo të jetë e prekshme, e qartë për qytetarët, dhe nëse duam që të jetë si stimulim për reforma, atëherë tri procese gjatë dekadës në vijim duhet të shkojnë krah për krah me njëra tjetrën. E para, institucionet evropiane duhet të zbatojnë disa procese në mënyrë që ato të jenë efikase, nëse ndodh zgjerimi, disa çështje të hapura duhet të zgjidhen për shembull mes Serbisë dhe Kosovës, dhe Maqedonisë së Veriut dhe Bullgarisë, por procesi i negocimit duhet të vazhdojë, ne mendojmë se negocimet jo vetëm që lejojnë diçka të tillë por përbëjnë edhe zgjidhje më të lehtë të këtyre marrëdhënieve bilaterale. Nëse kemi një proces negocimi kjo bëhet më e lehtë sesa nëse vetëm kemi zgjidhje të çështjeve në mënyrë bilaterale, siç janë çështjet e targave apo pikave të ndryshme të marrëveshjeve. Korniza e zgjerimit duhet të jetë mbi këtë, dhe brenda saj duhet të zgjidhen çështje të ndryshme dhe nëse nuk veprojmë kështu atëherë çdo moment do të përballemi me çështje të reja dhe çdo zgjidhje do të jetë zgjidhje e përkohshme”, ka shtuar kryeministri i Sllovenisë.

Samiti në Brdo, në të cilin po merr pjesë edhe kryeministri i Kosovës, Albin Kurti, organizohet nga presidenca sllovene e Bashkimit Evropian. 

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

3 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

1 javë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

3 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Të kërkuara