Aktualitet

Kryeministri i Katarit shpreson se armëpushimi do t’i japë fund luftës

Published

on

Kryeministri i Katarit, Sheikh Mohammed bin Abdulrahman Al Thani, thotë se shpreson që marrëveshja për të vendosur një armëpushim katër-ditor në Gaza do të çojë në bisedime gjithëpërfshirëse të paqes.

“Falënderojmë partnerët tanë për kontributin në marrëveshjen e armëpushimit në Gaza, të udhëhequr nga Egjipti dhe Uashingtoni”, shtoi ai.

Më herët sot, Izraeli dhe Hamasi ranë dakord për një marrëveshje të përkohshme të armëpushimit të ndërmjetësuar nga Katari që ka të ngjarë të ndodhë në ditët në vijim./UBTNews/

Bota

Macron në Londër: Franca dhe Britania mund ta shpëtojnë Evropën

Published

on

By

Presidenti francez Emmanuel Macron i kërkoi Mbretërisë së Bashkuar të qëndrojë pranë fqinjëve të saj, pavarësisht daljes nga Bashkimi Evropian, duke deklaruar se të dy vendet do të “shpëtojnë Evropën” përmes mbrojtjes së demokracisë, ligjit dhe rendit ndërkombëtar në një botë të rrezikshme.

Gjatë një vizite shtetërore që kombinoi ceremonitë mbretërore me bisedime mbi çështje si Ukraina dhe migracioni, Macron tha se Evropa duhet të forcojë ekonominë dhe mbrojtjen, si dhe të zvogëlojë varësinë nga Shtetet e Bashkuara dhe Kina.

Udhëtimi tre-ditor i Macron, i bërë me ftesë të Mbretit Charles, është vizita e parë shtetërore në Mbretërinë e Bashkuar nga një udhëheqës i Bashkimit Evropian që nga Brexit. Kjo vizitë simbolizon dëshirën e qeverisë britanike për të përmirësuar marrëdhëniet me bllokun evropian pas daljes nga BE-ja në vitin 2020.

Duke iu drejtuar anëtarëve të të dy dhomave të Parlamentit britanik, Macron tha se Franca dhe Mbretëria e Bashkuar përfaqësojnë “një rend botëror të bazuar në ligj, drejtësi dhe respekt për integritetin territorial – një rend që sot po sfidohet çdo ditë”. Ai theksoi se “Mbretëria e Bashkuar dhe Franca duhet t’i tregojnë botës se aleanca jonë mund të bëjë ndryshimin”, duke shtuar se “ne do ta shpëtojmë Evropën me shembullin dhe solidaritetin tonë”.

Sipas tij, edhe pse Britania është larguar nga BE-ja, “nuk mund të qëndrojë mënjanë”, pasi çështjet e mbrojtjes, sigurisë, konkurrueshmërisë dhe demokracisë janë të ndërthurura në të gjithë kontinentin evropian.

Macron nënvizoi se Mbretëria e Bashkuar dhe Franca kanë përgjegjësi për të trajtuar migracionin e parregullt me “humanizëm, solidaritet dhe vendosmëri”. Ai tha se një zgjidhje efektive mund të arrihet vetëm përmes bashkëpunimit me vendet e origjinës dhe tranzitit të emigrantëve.

Shpresa për një jetë më të mirë është legjitime,” tha Macron, por shtoi se asnjë vend nuk duhet të lejojë që grupet kriminale të shpërfillin ligjet dhe të shfrytëzojnë njerëzit.

Edhe pse Britania pranon më pak azilkërkues krahasuar me disa vende të Mesdheut, mijëra emigrantë përdorin Francën veriore si pikënisje për të kaluar në Mbretërinë e Bashkuar, shpesh duke u fshehur në automjete ose duke kaluar Kanalin Anglez me varka të vogla – një nga rrugët më të ngarkuara detare në botë.

Mbretëria e Bashkuar ka arritur disa marrëveshje me Francën për të rritur patrullimet në plazhe dhe për të ndarë informacion, me qëllim goditjen e rrjeteve të kontrabandës. Megjithatë, këto masa kanë pasur ndikim të kufizuar.

Sipas të dhënave të qeverisë britanike, në vitin që përfundoi në mars 2025 u regjistruan 44,125 kalime të parregullta përmes Kanalit Anglez – një rritje prej 14% krahasuar me vitin e mëparshëm.

Observatori i Migracionit në Universitetin e Oksfordit raportoi se nga janari deri në maj 2025 pati rreth 14,800 kalime me varka të vogla, shifra më e lartë e regjistruar ndonjëherë për këtë periudhë.

Macron tha se udhëheqësit do të përpiqen të adresojnë këtë sfidë, të cilën e përshkroi si “një barrë për të dy vendet”.

Macron dhe kryeministri britanik Keir Starmer kanë bashkëpunuar ngushtë për të siguruar mbështetje për Ukrainën, edhe pse kanë qëndrime të ndryshme ndaj ish-presidentit amerikan Donald Trump – me Macron më të prirur për ta sfiduar atë.

Britania dhe Franca po udhëheqin përpjekjet për të krijuar një forcë ndërkombëtare paqeruajtëse për Ukrainën, me synim mbështetjen e një armëpushimi të mundshëm me trupa dhe pajisje evropiane dhe garanci sigurie nga SHBA-ja.

Continue Reading

Bota

Netanyahu: Palestinezët duhet të kenë mundësinë të qëndrojnë në Gaza apo të largohen

Published

on

By

Kryeministri izraelit Benjamin Netanyahu ka deklaruar se palestinezët duhet të kenë mundësinë të zgjedhin nëse duan të qëndrojnë në Rripin e Gazës apo të largohen.

Nëse duan të qëndrojnë, mund të qëndrojnë, por nëse duan të largohen, duhet të jenë në gjendje të largohen. Ky nuk duhet të jetë burg. Njerëzve duhet t’u jepet e drejta e zgjedhjes së lirë,” tha Netanyahu gjatë një konference për media me presidentin amerikan Donald Trump në Shtëpinë e Bardhë.

Netanyahu shtoi se palestinezët duhet të kenë të drejtën të vetëqeverisen, por disa kompetenca, përfshirë sigurinë, duhet të mbeten nën kontrollin izraelit. Ai gjithashtu vlerësoi rolin e presidentit Trump, duke theksuar se “paqa rajonale është e mundur nën udhëheqjen e tij” dhe se bashkëpunimi mund të çojë në një marrëveshje të gjerë që përfshin gjithë Lindjen e Mesme.

Presidenti amerikan Donald Trump, nga ana e tij, foli për bisedimet e planifikuara me Iranin, duke deklaruar se “Irani është i gatshëm të bisedojë” pas tensioneve të fundit.

Ne planifikuam bisedime dhe ata duan të flasin. Ata kanë marrë një goditje të madhe,” tha Trump. I pyetur për mundësinë e një sulmi tjetër ndaj Teheranit, ai theksoi: “Shpresoj të mos detyrohemi për këtë.

Presidenti amerikan shtoi se në kohën e duhur mund të shqyrtohet edhe heqja e sanksioneve ndaj Iranit.

Trump po ashtu njoftoi se SHBA ka hequr disa sanksione ndaj Sirisë me kërkesë të vendeve të rajonit dhe të kryeministrit Netanyahu, për t’i dhënë një mundësi administratës së Damaskut. Ai tha se ishte “i impresionuar” nga presidenti sirian Ahmed al-Sharaa, duke e vlerësuar për sfidat me të cilat është përballur.

Ndërkohë, lidhur me situatën në Ukrainë, Trump konfirmoi se SHBA do të dërgojë më shumë armë. “Ata duhet të jenë në gjendje të mbrojnë veten. Ukraina është nën sulme të ashpra dhe ne do t’i mbështesim,” deklaroi ai.

Në përfundim, Netanyahu bëri të ditur se e ka nominuar presidentin Trump për Çmimin Nobel për Paqe, duke ia dorëzuar personalisht letrën e nominimit.

Continue Reading

Bota

Zelensky zëvendëson ambasadoren e Ukrainës në SHBA, pas kërkesës së Trump

Published

on

By

Presidenti ukrainas, Volodymyr Zelensky ra dakord të zëvendësojë ambasadoren e Ukrainës në Shtetet e Bashkuara, Oksana Markarova, gjatë një telefonate të kohëve të fundit me presidentin e SHBA-së Donald Trump, raportoi ”Financial Times”.

Të dyja palët tani janë në bisedime për pasardhësit e mundshëm, të cilët do të kenë nevojë për miratimin nga të dy vendet”, tha gazeta britanike, duke cituar dy persona të njohur me çështjen.

Markarova, e cila ka shërbyer si ambasadore në Uashington që nga viti 2021, është kritikuar nga disa republikanë për lidhje shumë të ngushta me Partinë Demokrate.

Zëvendësimi i saj mund të jetë një përpjekje e Zelensky për të qetësuar Trump gjatë një kohe të ndjeshme për Ukrainën.

Javën e kaluar, Uashingtoni me dërgesat e armëve të miratuara më parë, ndërsa Rusia vazhdoi sulmet e rënda me raketa dhe dronë më shumë se tre vjet pas pushtimit të saj të plotë në Ukrainë.

Zelensky thuhet se planifikon të njoftojë zëvendësimin e Markarova javën e ardhshme si pjesë e një riorganizimi më të gjerë të kabinetit, sipas gazetës, e cila citoi burime të brendshme.

Presidenti ukrainas e ka riorganizuar kabinetin e tij disa herë që nga fillimi i luftës./atsh

Continue Reading

Aktualitet

Netanyahu nominon Trumpin për Nobel

Published

on

Kryeministri i Izraelit, Benjamin Netanyahu, i ka thënë presidentit amerikan, Donald Trump, se do ta nominojë për çmimin Nobel për Paqe.

Dy liderët u takuan për herë të parë të hënën në mbrëmje, sipas kohës në SHBA, për herë të parë që kur u mbyll lufta me Iranin.

Trumpi pritej t’i bënte presion Netanyahut për një armëpushim në Gazë. Në fillim të takimit, Netanyahu ia dha një letër Trumpit, për të cilën ai ka thënë se ia ka dërguar komitetit për çmimin Nobel për Paqe, duke lavdëruar përpjekjet e Trumpit për t’iu dhënë fund luftimeve në Lindjen e Mesme.

“Dua të shpreh vlerësimin dhe admirimin jo vetëm të të gjithë izraelitëve, por të popullit hebre”, ka thënë Netanyahu para se ta prezantonte letrën. “Ju e meritoni këtë”, ka shtuar ai.

Vetë Trumpi në disa raste ka thënë se e ka merituar çmimin Nobel për paqe, pasi siç ka thënë, ka ndalur disa luftëra. Këtu në raste të ndryshme ka përmendur edhe çështjen Kosovë-Serbi.

Continue Reading

Të kërkuara