Kuriozitete

Kruja, qyteti i bekuar nga historia

Publikuar

3 vjet më parë

më

Kruja ka qenë gjithnjë një vend ku ekskursionet e shkollave pushtoheshin me informacione për fëmijët. Vizitat në muzetë e Krujës, por edhe pamjet fantastike që ofron ky qytet për breza të tërë janë një kujtim i bukur i fëmijërisë, sepse në Krujë na kanë çuar që herët të njihemi me historinë.

Dhe është gjithnjë bukur të rikthehesh në këtë qytet, ku pazari mbushet me ngjyrat e traditës, ku muret e kalasë të japin sigurinë e një shteti që ka qenë europian, aq sa të vërë barriera edhe për më të pushtetshmit e historisë që më shumë se 5 shekujve më parë.

Këto rrugica të pazarit nuk u shndërruan asnjëherë. Koha dhe modernizmi, konsumatori, turisti, tregtia, nuk e shndërroi asnjëherë pazarin që vijon të zbukurojë qytetin me kostumet tradicionale, me xhezvetë e kafeve të punuara aty, me qilimat plot motive shqitare apo qeleshet e artikujt që flasin edhe vizualisht për heroin kombëtar Gjergj Kastriot Skënderbeun.

Një muze i dedikuar për këtë figurë historike, princin perëndimor, prijësin e diplomatin europian, për Gjergj Kastriotin, është numri një në listën e vizitave në këtë qytet. Aty takojmë Drini Mashën, përfaqësuesin e Bashkisë së Krujës, që nuk na pyet përse kemi mbërritur këtu, por që na sugjeron vetë ta gjejë përgjigjen pse.

Para se të vizitojmë muzeun kombëtar Gjergj Kastrioti Skënderbeu, takojmë edhe drejtuesin e Qendrës Muzeore të Krujës. Mehdi Hafizi rreket të na rrëfejë se pasi të shijojmë muzeun e heroit të shkojmë edhe tek ai i etnografisë.

Pandemia nga këtu duket sikur ka ndalur pak, sepse vizitorët janë të shumtë. Por nuk harrojmë të pyesim për dy vite të vështira të Krujës. Nisur me tërmetin e nëntorit, e deri tek pandemia që izoloi të huajt të shijonin ngjyrat e Krujës.

Duket sikur në Krujë, banorët i gjen gjithnjë duke punuar, nuk është një qytet i zymtë ku artizanët, shitësit apo ato që presin biletat në muze të ankohen për diçka. Edhe ata që janë pa punë, duket sikur e gjejnë diçka për t’I treguar turistëve pozitivitetin që gjen në këto anë.

Dhe nëse e keni vizituar më herët Krujën, rikthehuni qoftë edhe për këtë perëndim ku Adriatiku shtrihet bashkë me qytete të tjera shqiptare, nën këmbët tuaja./a2news

Etiketa
Vazhdo të lexosh

Kuriozitete

Shitet në ankand penda më e shtrenjtë në botë

Publikuar

22 orë më parë

më

22 Maj, 2024

nga

Një pendë e vetme e zogut Huia të Zelandës së Re, i zhdukur tashmë, ka shënuar rekord të ri botëror, pasi u shit për 46 mijë e 521 dollarë në një ankand.

Kjo pendë, e cila fillimisht parashihej të shitej deri në 3 mijë dollarë, theu rekordin e mëhershëm që ishte për një pendë të së njëjtës specie me 450%, njoftoi shtëpia e ankandeve Webb.

Ky lloj zogu është i shenjtë për popullin Maori. Puplat e këtyre zogjve shpesh mbaheshin si koka nga krerët dhe familjet e tyre dhe gjithashtu dhuroheshin ose tregtoheshin.

Huia ishte një zog i familjes së zogjve në Zelandën e Re dhe ishte i njohur për aftësitë e tij të kërcimit dhe pendën e bukur, e cila dallohet për majën e bardhë përgjatë skajit./UBTNews/

Vazhdo të lexosh

Kuriozitete

Rikonstruktohet fytyra e gruas 75 mijëvjeçare të Neandertalit

Publikuar

3 javë më parë

më

5 Maj, 2024

nga

Arkeologët kanë arritur të bashkojnë kafkën e një skeleti 75 mijëvjeçar të Neandertalit.

Studiues nga Universiteti i Kembrixhit dhe Liverpulit zbuluan kafkën në shpellën Shanidar, 500 milje në veri të Bagdadit në Irak.

Në kuadër të një dokumentari të ri të Netflixit, Sekretet e Neandertalëve, ata arritën të vendosin sërish kafkën dhe të rikrijojnë fytyrën e gruas të cilës dikur i përkiste.

Kafka u gjet për herë të parë në vitin 2018, ku ishte rrafshuar në rreth dy centimetra të trashë. Ai ishte grimcuar, ndoshta nga rënia e gurëve, menjëherë pas vdekjes dhe ishte ngjeshur më tej nga dhjetëra mijëra vjet sediment.

Arkeologët e quajtën skeletin Shanidar Z./UBTNews/

Vazhdo të lexosh

Kuriozitete

Si ndodhi klonimi i qengjit Dolly?

Shkenca e paraqiti Dollyn si arritjen të vitit.

Publikuar

3 muaj më parë

më

22 Shkurt, 2024

nga

Shkencëtarët skocezë më 22 shkurt të vitit 1997, njoftuan klonimin e suksesshëm të një qengji, Dolly, me kontributin e tre deleve nëna, një me vezë , tjetra me ADN-në, dhe e treta kishte mbajtur në fetus embrionin e klonuar.

Shkenca e paraqiti Dollyn si arritjen të vitit. Dolly jetoi në Institutin Roslin në Edinburg, Skoci, madje lindi edhe gjashtë qengja.

Dolly u prek nga artriti dhe më 14 shkurt 2003 u vu në gjumë për vdekje për shkak të sëmundjes progresive të mushkërive. Klonimi i gjitarëve (grupim qeniesh ku bën pjesë edhe njeriu) është provuar tejet joefikas. Dolly ishte e vetmja mes 277 përpjekjeve që mbijetoi dhe arriti deri në atë moshë 6 vjeç, edhe pse në vitin 2014 shkencëtarët kinezë raportuan sukses në klonimin e derrave.

Shkencëtarët që klonuan Dollyn, shpallën në vitin 2007 se teknika e përdorur në rastin e Dollyt nuk mund të jetë e efektshme për klonimin e njeriut.

Vazhdo të lexosh

Kuriozitete

Pesë fakte interesante rreth Diellit

Dielli ka një moshë mesatare, astronomët besojnë të jetë formuar 4.59 miliardë vjet më parë. Në pesë miliardë vjet do të hyjë në fazën e Gjigantit të Kuq.

Publikuar

3 muaj më parë

më

18 Shkurt, 2024

nga

Dielli është afro 25 mijë vite dritë larg nga qendra e galaktikës tonë “Udha e Qumështit”.

Dielli ka një moshë mesatare, astronomët besojnë të jetë formuar 4.59 miliardë vjet më parë. Në pesë miliardë vjet do të hyjë në fazën e Gjigantit të Kuq.

Dielli prodhon një sasi enorme të energjisë për të nxehur sistemin tonë diellor. Çdo sekondë rreth 700 milionë ton të Hidrogjenit shndërrohen në Helium, me procesin kimik të Fusionit Nuklear.

Dielli përbëhet nga 72% hidrogjen dhe 26% helium, dhe disa elemente të tjera në gjurmë. Kjo masë e dendur përbën rreth 99% të tërë masës në sistemin tonë diellor.

Nëse dielli do të shuhej, brenda një jave temperatura e tokës do të bëhej -18  ̊C. Për një vjet do të bëhej -73  ̊C, ndërsa brenda disa milionë viteve do të stabilizohej në -240  ̊C./UBTNews/

 

Vazhdo të lexosh

Të kërkuara