Lajmet

KRU “Hidrodrini” insiston që uji nuk ishte shkaktar i helmimit

Published

4 years ago

July 16, 2021

UBT news

Kompania Rajonale e Ujësjellësit “Hidrodrini”, pas takimit që pati të premten me përfaqësues të institucioneve shtetërore e shëndetësore, thotë edhe njëherë se nuk ka tregues që uji i pijshëm të ketë qenë shkaktar i shqetësimeve shëndetësore dhe simptomave që janë paraqitur nga banorët e zonave të prekura.

“Është konfirmuar dhe konstatuar se bazuar në analizat e gjertanishme (16.07.2021) nga IKSHPK të cilat edhe ishin në dispozicion dhe u prezantuan në takim nga ana e IKSHPK-së, nuk ka tregues që uji i pijshëm të ketë qenë shkaktar i shqetësimeve shëndetësore dhe simptomave që janë paraqitur nga banorët e zonave të prekura, të cilët kanë kërkuar ndihmë në QKMF në Deçan”, thuhet në sqarimin e kompanisë “Hidrodrini”.

Sqarimi i plotë i “Hidrodrinit”:

“Në takimin e sotëm të orës 14:00, në përbërje të përfaqësusve të KRU ‘Hidrodrini’ dhe mekanizmave institucional shtetëror e shëndetësorë, që vie në vazhdën e zhvillimeve të rastit Deçani, e ku kanë marrë pjesë,

Nga KRU ‘Hidrodrini’;

Prof. Demë Abazi – Kryesues i Bordit të KRU ‘Hidrodrini’

Ing.Agron Tigani – Kryeshef Ekzekutiv i KRU ‘Hidrodrini’

Rasim Maloku – Zyrtar i KRU ‘Hidrodrini’ dhe

Afrim Lajqi – Zyra e Kryeministrit të Republikës së Kosovës – Këshilli N/ministror për ujëra

Dr. Burbuqe Nushi – Koordinatore e cilsësisë së Ujit nga IKSHPK

Besim Ymeri – Udhëheqës i Njësisë për Politika dhe monitorim nga Ministria e Ekonomisë

Adem Ahmeti nga Ministria e Ekonomisë

Harije Morina – Drejtoreshë e ARRU

Bekim Juniku zv/Drejtor i SHUKOS

Janë nxjerrë konkluza si në vijim;

Është konfirmuar dhe konstatuar se bazuar në analizat e gjertanishme (16.07.2021) nga IKSHPK të cilat edhe ishin në dispozicion dhe u prezantuan në takim nga ana e IKSHPK-së, nuk ka tregues që uji i pijshëm të ketë qenë shkaktar i shqetësimeve shëndetësore dhe simptomave që janë paraqitur nga baorët e zonave të prekura, të cilët kanë kërkuar ndihmë në QKMF në Deçan.
Ndërprerja e ujit për zonën në fjalë, ka qenë vendim jo i duhur, sepse është në kundërshtim me procedurat që zbatohen në këso raste dhe situate dhe se një veprim i tillë në këso situate ndikon në higjienën e gjithëmbarshme të popullatës dhe mund ti ketë orjentuar qytetarët për furnizim nga bunarët (puset), private, e që mund të jenë potencial kontaminimi.
Të ndërmerren urgjentisht masa në trajtimin e sistemeve të Ujsjellësit të cilat do rrisin dhe përmirësojnë sigurinë fizike të kompontetëve të ujit të sisitemit furnizues.

Nga takimi, mediat dhe opinioni janë apeluar që të përmbahen nga tituj dhe mesazhe që nuk përkojnë me raportet zyrtare të mekanizmave profesional që trajtojnë situata të ndjeshme, të tilla.

Për të gjithë qytetarët që kanë shfaqur simptoma, shërim të shpejt”.

Ndryshe, Instituti Kombëtar i Shëndetit Publik në Kosovë (ISHPK) njoftoi sot se pas analizave të kryera janë identifikuar disa baktere që mund të japin indikacion për kontaminim të ujit të pijshëm.

Në komunikatën e IKSHPK, thuhej se “në mostrat e ujit të marra me datën 12. 07. 2021 nga rajoni i Deçanit, pas kultivimit në terrene ushqyese përmes teknikës së identifikimit me MALDI-ToF në laboratorët e IKShPK Prishtinë, janë identifikuar disa baktere që mund të japin indikacion për kontaminim të ujit të pijshëm”.

Lajmet

I vendosi GPS dhe hapi llogari në emër të ish të dashurës, kërkohet paraburgim për të dyshuarin

Published

20 seconds ago

March 10, 2025

UBTNews

Prokuroria Themelore në Ferizaj kërkoi nga Gjykata Themelore caktimin e masës së paraburgimit në afat prej 30 ditësh për K.S nga Peja – i dyshuar për vendosjen e GPS në veturën e ish të dashurës.

“Sipas Prokurorisë, ekziston dyshimi i bazuar se gjatë vitit 2025, në komunën e Shtimes, i pandehuri në vazhdimësi është përfshirë në sjellje të vëmendjes së padëshirueshme, duke e vënë nën vëzhgim me qëllim të ngacmimit të dëmtuarën V.Z., me të cilën ka qenë në lidhje dashurie”, thuhet në njoftim.

K.S dyshohet se në veturën personale të viktimës kishte vendosur GPS si dhe kishte hapur llogari në emër të saj në rrjetin social “Instagram” – duke postuar fotografi me mbishkrime denigruese.

“Dhe duke paraqitur se e njëjta ofron shërbime seksuale me pagesë, duke ia paraqitur edhe numrin e telefonit, dhe adresën e banimit, e që si rrjedhojë e këtyre veprimeve të dëmtuarën e ka vë nën shqetësim të madh emocional, me të cilën ka kryer veprën penale ‘Ngacmimi’ nga neni 182 paragrafi 2 lidhur me paragrafin 1 të KPRK-së”, thuhet tutje në njoftim e prokurorisë.

I dyshuari është nën masën e ndalimit 48 orësh prej të shtunës më 8 mars.

Lajmet

Dita Ndërkombëtare e Grave Gjyqtare

Published

27 minutes ago

March 10, 2025

UBT NEWS

Sot, më 10 mars 2025, shënohet Dita Ndërkombëtare e Grave Gjyqtare, një ngjarje që promovon rëndësinë e përfshirjes aktive të grave në sistemet gjyqësore dhe vendimmarrëse. Organizata e Kombeve të Bashkuara (OKB) thekson se përfaqësimi i grave në gjyqësor është i domosdoshëm për zhvillimin e një sistemi ligjor të drejtë dhe përfshirës.

OKB-ja e shpjegon këtë duke nënvizuar se, përveç mundësisë për të pasur një sistem ligjor që reflekton nevojat e të gjithë shoqërisë, praninë e grave në gjyqësor e konsideron si një burim frymëzimi për gjeneratën e ardhshme të gjyqtareve femra, të cilat mund të motivohen të arrijnë qëllimet e tyre profesionale dhe personale.

“Nëpërmjet pjesëmarrjes aktive të grave në kushte të barabarta me burrat në të gjitha nivelet e vendimmarrjes, ne mund të arrijmë zhvillim të qëndrueshëm, paqe dhe demokraci,” theksohet nga OKB-ja, duke nënvizuar domosdoshmërinë e përfshirjes gjinore në sistemin e drejtësisë.

Pjesëmarrja e grave gjyqtare sjell një këndvështrim të ndryshëm dhe një përvojë më të gjerë në proceset gjyqësore, duke forcuar kështu besimin e qytetarëve në drejtësinë e sistemit. Gratë në pozita drejtuese ndihmojnë gjithashtu në luftën kundër korrupsionit, duke prishur marrëveshjet e fshehta dhe duke promovuar transparencën.

Megjithatë, pavarësisht angazhimit në rritje të grave në jetën publike, ato mbeten ende dukshëm të nënpërfaqësuara në pozitat vendimmarrëse, sidomos në pozitat drejtuese më të larta të sistemit gjyqësor.

Për këtë arsye, OKB-ja bën thirrje për më shumë vëmendje dhe angazhim për Ditën Ndërkombëtare të Grave Gjyqtare, që këtë vit kremtohet me temën “Gratë në Drejtësi, Gratë për Drejtësi”. Ky event synon të promovojë pjesëmarrjen e plotë dhe të barabartë të grave në të gjitha nivelet e gjyqësorit, të festojë arritjet dhe progresin që është bërë deri tani, si dhe të rrisë ndërgjegjësimin për sfidat e mbetura përpara./UBTNews/

Lajmet

Arrestohet një burrë në Fushë-Kosovë, iu gjetën 400 euro të falsifikuara

Published

31 minutes ago

March 10, 2025

UBT NEWS

Policia e Kosovës ka arrestuar një person të dyshuar për falsifikim të parasë gjatë një operacioni të realizuar në Fushë-Kosovë, të dielën, më 9 mars 2025. I dyshuari, një burrë kosovar, është kapur në flagrancë gjatë një kontrolli, ku iu janë gjetur dy kartëmonedha prej 200 euro të falsifikuara, që së bashku arrijnë një vlerë totale prej 400 euro.

Në raportin 24-orësh të Policisë së Kosovës, bëhet e ditur se pas gjetjes së parave të falsifikuara, i dyshuari është arrestuar dhe më pas është dërguar në mbajtje, me vendim të prokurorit. Policia ka nisur hetimet për rastin dhe po vijon me veprime të mëtejshme në kuadër të hetimit të falsifikimit të parasë.

Lajmet

Një burrë në Skenderaj raporton se persona të panjohur ia dogjën 400 trupa arrash

Published

34 minutes ago

March 10, 2025

UBT NEWS

Policia e Kosovës ka njoftuar për një rast të shkaktimit të rrezikut të përgjithshëm që ka ndodhur në Leqinë të Skenderajt të shtunën.

Sipas raportit 24-orësh të Policisë, një burrë ka raportuar se persona të panjohur ia kanë djegur 400 trupa arrash dhe ia kanë dërmuar sistemin e ujitjes.

“Është raportuar se nga persona të panjohur ankuesit mashkull kosovar i janë djegur 400 trupa me arra, si dhe i është dëmtuar sistemi i ujitjes. Lidhur me rastin është njoftuar prokurori”, thuhet në raportin e Policisë. Rasti thuhet se është nën hetime.