Bota

Kroacia do të furnizojë Ukrainën me tanke me mbështetjen gjermane

Published

on

Kroacia ka nënshkruar një marrëveshje për të furnizuar Ukrainën me 30 tanke luftarake dhe 30 automjete luftarake të këmbësorisë nga epoka e Luftës së Ftohtë, me mbështetje të plotë nga Gjermania. Marrëveshja u nënshkrua sot në Berlin nga ministri gjerman i Mbrojtjes, Boris Pistorius, dhe homologu i tij kroat, Ivan Anusic.

“Dërgesa e parë do t’i dorëzohet Ukrainës këtë vit,” tha Pistorius pas nënshkrimit, duke theksuar rëndësinë e kësaj ndihme në kontekstin e përpjekjeve të Ukrainës për të forcuar mbrojtjen e saj në mes të konfliktit me Rusinë.

Marrëveshja përfshin gjithashtu rezerva dhe municione, ndërsa armët e ofruara janë prodhim jugosllav dhe janë raportuar se ndodhen në gjendje të mirë. Përveç kësaj, Gjermania do të ofrojë mbështetje financiare për Kroacinë në blerjen e tankeve më moderne të betejës “Leopard 2A8”, të cilat janë prodhim gjerman.

Megjithatë, marrëveshja vjen në një kontekst politik të ndërlikuar në Kroaci. Qeveria konservatore e kryeministrit Andrej Plenkovic ka shprehur mbështetje të qartë për Ukrainën dhe ka theksuar nevojën për ndihmë ushtarake. Në anën tjetër, presidenti Zoran Milanovic, i krahut të majtë, ka shprehur kundërshtim të ashpër ndaj dërgesave të armëve për Ukrainën dhe ka tentuar të bllokojë pjesëmarrjen e oficerëve kroatë në Asistencën dhe Trajnimin e Sigurisë së NATO-s për Ukrainën (NSATU).

Kjo marrëveshje është një reflektim i angazhimeve të vendit për të ndihmuar aleatët e tij në përballjen me kërcënimet e sigurisë, pavarësisht ndarjeve të brendshme politike. Ukraina po vazhdon të kërkojë mbështetje ndërkombëtare për të forcuar kapacitetet e saj mbrojtëse përballë agresionit rus./Euronews/

 

Bota

Pheniani konfirmon për herë të parë dërgimin e trupave në Ukrainë

Published

on

By

Koreja e Veriut konfirmoi, për herë të parë, se ka dërguar trupa për të mbështetur luftën e Rusisë në Ukrainë, me udhëheqësin Kim Jong Un që urdhëroi vendosjen e tyre, sipas një deklarate të publikuar nga agjencia shtetërore e lajmeve KCNA.

Operacionet për të çliruar zonën e Kurskut me qëllim sprapsjen e pushtimit të guximshëm të Federatës Ruse nga autoritetet ukrainase kanë përfunduar me fitore”, raportoi KCNA, duke cituar zyrtarë ushtarakë të Koresë së Veriut.

Të shtunën, ushtria ruse pranoi gjithashtu për herë të parë vendosjen e ushtarëve të Koresë së Veriut në luftën në Ukrainë.

Më parë, të dy vendet as nuk e kishin konfirmuar dhe as mohuar dërgimin e trupave.

Sipas agjencisë së inteligjencës së Koresë së Jugut, Koreja e Veriut dërgoi rreth 11 000 trupa për të mbështetur Rusinë në fund të vitit të kaluar, kryesisht të vendosur në rajonin përreth zonave të pushtuara nga Ukraina në Kursk të Rusisë.

3 000 trupa të tjera do të dërgohen deri në fillim të vitit 2025”, sipas zyrtarëve ushtarakë të Koresë së Jugut.

Seuli pretendon se ushtria e Koresë së Veriut ka pësuar rreth 4 000 viktima në luftën në Ukrainë, përfshirë të plagosur dhe të vrarë./ATSH/

Continue Reading

Bota

India dhe Pakistani vazhdojnë të këmbejnë zjarr në Kashmir

Published

on

By

Ushtarët e Indisë dhe Pakistanit kanë këmbyer zjarr në ditën e katërt me radhë në Kashmirin e kontestuar, tha ushtria e Nju Delhit më 28 prill.

Nuk ka raportime për viktima dhe Islamabadi ende nuk ka konfirmuar ende lajmin për këmbimin e zjarrit.

India e ka akuzuar Pakistanin se mbështet “terrorizimin ndërkufitar” pasi një sulmues i armatosur vrau 26 persona javën e kaluar, që ishte sulmi më i rëndë ndaj civilëve në Kashmirin – me shumicë myslimane – në çerekshekullin e fundit.

Ky sulm ka rritur tensionet mes dy rivalëve me fuqi bërthamore.

Islamabadi ka mohuar se ka pasur ndonjë rol, duke thënë se kjo ishte një përpjekje për ta lidhur Pakistanin me sulmin dhe duke u zotuar se do të përgjigjet ndaj veprimeve të Indisë.

Gjatë natës midis 27 dhe 28 prillit… postet e ushtrisë pakistaneze nisën zjarr të paprovokuar përtej vijës së kontrollit”, tha ushtria indiane, duke iu referuar kufirit de facto në Kashmirin e kontestuar.

Trupat indiane janë përgjigjur menjëherë dhe në mënyrë efektive”, u tha në deklaratë.

Pas sulmit të 22 prillit, Nju Delhi ndërmori disa hapa diplomatikë, duke tërhequr vizat për pakistanezët, duke pezulluar një marrëveshje për ndarjen e ujërave si dhe njoftoi për mbylljen e kufirit kryesor tokësor me Pakistanin.

Në përgjigje, Islamabadi urdhëroi dëbimin e diplomatëve dhe këshilltarëve ushtarakë indianë, anuloi vizat për shtetasit indianë dhe ndaloi avionët e Indisë që të përdornin hapësirën ajrore pakistaneze.

Kombet e Bashkuara u kanë bërë thirrje palëve për “përmbajtje maksimale” në mënyrë që çështjet të “mund të zgjidhen në mënyrë paqësore përmes një angazhimi të ndërsjellë dhe konstruktiv”./REL/

Continue Reading

Bota

Gjermania thirrje Ukrainës të mos pranojë marrëveshjen e Trump: Është kapitullim

Published

on

By

Gjermania i ka bërë thirrje Ukrainës të mos pranojë propozimin e fundit për paqe të presidentit amerikan Donald Trump, i cili sugjeron që Kievi të heqë dorë nga territore të mëdha në këmbim të një armëpushimi me Rusinë.

Ministri gjerman i Mbrojtjes, Boris Pistorius, deklaroi të dielën për transmetuesin publik ARD se një marrëveshje e tillë do të ishte e barasvlershme me një “kapitullim”. Sipas tij, ndonëse Ukraina mund të jetë e detyruar të bëjë disa kompromise territoriale për të arritur një armëpushim të qëndrueshëm, ajo nuk duhet të pranojë kushtet e ofruara nga Trump.

Ukraina padyshim e di se mund të duhet të heqë dorë nga një pjesë e territorit për të arritur një armëpushim të qëndrueshëm që është rënë dakord me mirëbesim”, tha Pistorius. “Por ata sigurisht nuk do të shkojnë aq larg, ose nuk duhet të shkojnë aq larg, sa propozimi i fundit nga presidenti amerikan.

Pistorius shtoi se propozimi i paraqitur nga Trump nuk sjell asnjë vlerë të shtuar për Ukrainën dhe se një marrëveshje e tillë mund të ishte arritur edhe një vit më parë, në kushte që ai i konsideron të papranueshme.

Sipas raportimeve të mëparshme nga Axios, e ashtuquajtura “ofertë përfundimtare” e Trump përfshin njohjen nga Shtetet e Bashkuara të Krimesë si pjesë e Rusisë, njohjen jozyrtare të kontrollit rus mbi territoret e pushtuara pas vitit 2022, ndalimin e anëtarësimit të Ukrainës në NATO dhe heqjen e sanksioneve kundër Rusisë të vendosura që prej vitit 2014.

Komentet e Pistorius vijnë në një kohë kur në Washington po diskutohet seriozisht mundësia e vazhdimit të rolit ndërmjetësues në konflikt. Senatori amerikan Marco Rubio deklaroi së fundmi se administrata Trump po shqyrton nëse palët janë mjaftueshëm afër një marrëveshjeje për të justifikuar një investim të mëtejshëm diplomatik. Megjithatë, Rubio nuk specifikoi një afat përfundimtar për arritjen e një përparimi.

Continue Reading

Bota

Trump: I zhgënjyer nga Rusia, Putin të ndalojë sulmet dhe të negociojë

Published

on

By

Presidenti amerikan Donald Trump thotë se është shumë i zhgënjyer me Rusinë dhe beson se Presidenti Vladimir Putin duhet të ndalojë së shtëni mbi Ukrainën dhe të bëjë marrëveshje.

Volodymyr Zelensky është më i qetë dhe dëshiron një marrëveshje”, theksoi Trump pas takimit me presidentin ukrainas në Kishën e Shën Pjetrit.

Takimi ynë shkoi mirë. Zelensky po bën një punë të mirë dhe dëshiron një marrëveshje. Ai ka kërkuar më shumë armë”, shtoi Trump.

“Mendoj se po, theksoi Trump në përgjigje të pyetjes nëse sipas mendimit të tij, presidenti ukrainas Volodymyr Zelensky do të ishte i gatshëm të lëshonte Krimenë si pjesë të një marrëveshjeje për t’i dhënë fund luftës.

Krimea u dorëzua vite më parë, pa asnjë të shtënë. Pyeteni Obamën”, theksoi Trump.

Shën Pjetri është zyra më e bukur që kam parë ndonjëherë. Ishte një pamje shumë e bukur”, theksoi Trump duke iu referuar takimit me Zelenskyn në prag të funeralit të Papa Françeskut./ATSH/

Continue Reading

Të kërkuara