Lajmet

Josep Borrell i BE-së dënon sulmin e ushtrisë izraelite ndaj UNIFIL në Liban

Published

on

Në një fjalim të mbajtur në forumin e 43 vendeve anëtare të Unionit për Mesdheun (UfM) në Barcelonë, shefi i Punëve të Jashtme të Bashkimit Evropian, Josep Borrell, dënoi me forcë sulmin e ushtrisë izraelite ndaj forcave paqeruajtëse të Kombeve të Bashkuara (UNIFIL) në Liban.

Borrell theksoi se është e papranueshme të flitet për sulme ndaj UNIFIL-it pa identifikuar autorin. “Të thuash se ka sulme kundër UNIFIL-it pa thënë se kush po i bën ato është të fshehësh një pjesë të së vërtetës, dhe kush po i bën ato është ushtria izraelite, dhe për këtë arsye ushtria izraelite duhet të dënohet,” deklaroi Borrell.

Në përgjigje të situatës në Liban, Izraeli ka mbrojtur veprimet e tij, duke i cilësuar ato si të nevojshme për të mbrojtur veten nga kërcënimet e militantëve të mbështetur nga Irani, si Hezbollah.

Borrell gjithashtu shprehu përkushtimin e tij për të kërkuar sanksione nga Bashkimi Evropian kundër atyre që janë përgjegjës për kolonët izraelitë në Bregun Perëndimor, si dhe për dy ministra të qeverisë izraelite, Bezalel Smotrich dhe Itamar Ben-Gvir.

Ministri i Jashtëm i Spanjës, José Manuel Albares, ripërsëriti angazhimin e vendit të tij ndaj UNRWA, organizatës së Kombeve të Bashkuara që ndihmon miliona refugjatë palestinezë në rajon. Ai theksoi rëndësinë e mbrojtjes së të drejtave të njeriut dhe të drejtës ndërkombëtare, duke shtuar se “e drejta ndërkombëtare humanitare lindi nga vuajtjet e Evropës”.

Po ashtu, Ayman Safadi, ministri i Jashtëm jordanez, theksoi se është e domosdoshme që Evropa të qëndrojë në anën e së drejtës ndërkombëtare dhe të parandalojë shkeljet e saj.

Në një kontekst më të gjerë, Nasser Kamel, sekretari i përgjithshëm i UfM, foloi për rëndësinë e zgjidhjes me dy shtete në Lindjen e Mesme, duke theksuar se “parametrat e zgjidhjes bazohen në një zgjidhje me dy shtete dhe në të drejtën e popullit palestinez për të ushtruar vetëvendosje.”

Këto zhvillime vijnë në një kohë të tensionuar për Izraelin, ku kryeministri Benjamin Netanyahu mori pjesë në një shërbim përkujtimor në Jerusalem për ushtarët dhe civilët e rënë në sulmin e Hamasit më 7 tetor. Ai theksoi se Izraeli nuk do të heqë dorë nga misioni i tij për të rikthyer të gjithë pengjet në shtëpi./UBTNews/

 

 

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara