Lajmet

Kriza energjetike, Rama: Nuk dihet fundi, mbështetje afatmesme për qytetarët

Rama, Ibrahimaj dhe Balluku po tregojnë se cilat janë masat që do të ndërmarrë qeveria për të përballuar krizën energjetike.

Published

on

Kryeministri shqiptar, Edi Rama dhe zv.kryeministrja Belinda Balluku dhe ministrja Delina Ibrahimaj po prezantojnë masat për krizën e energjisë.

Në një konferencë për media, Rama, Ibrahimaj dhe Balluku po tregojnë se cilat janë masat që do të ndërmarrë qeveria për të përballuar krizën energjetike.

Kryeministri Edi Rama ka theksuar në nisje të kësaj konference se paketa është konceptuar si një mbështetje afatmesme jo si një mbështetje e përkohshme e shtrirë në një, dy apo tre muaj.

“Çfarë qeveria do të bëjë për të vijuar mbështetjen në këtë situatë krize globale që ka prekur të gjithë botën dhe natyrisht edhe Shqipërinë. Dua të jem sa më i përmbledhur. Do të mjaftohem duke thënë se paketa është konceptuar si një mbështetje afatmesme jo si një mbështetje e përkohshme e shtrirë në një, dy apo tre muaj. E kemi marrë në konsideratë faktin se kjo krizë është e një natyre të paparashikueshme kur e ka fundin e saj. Angazhimi ynë është që tu japim njerëzve një mbështetje afatmesme dhe të ndërhyjmë në një sërë drejtimesh”, deklaroi Rama.

Balluku bëri me dije një ditë më parë se në skenarin e Shqipërisë nuk përfshihet ndërprerja e energjisë elektrike pas orës 22:00. Ndërkohë pak ditë më parë kryeministri Edi Rama paralajmëroi se në skenarët më të keq të Evropës parashikoheshin ndërprerje të energjisë pas orës 22:00.

Tregu aktual i bursës së energjisë ka pësuar goditje të rëndë për shkak të luftës në Ukrainë, ku çmimet kanë arritur shifra marramendëse.

Continue Reading

Lajmet

Emërohet ambasadori i ri i Italisë në Kosovë

Published

on

By

Maurizio Antonini do të jetë ambasadori i ri i Italisë në Kosovë. Këtë e ka bërë të ditur ambasada e Italisë në Kosovë.

Lajmi është bërë i ditur nëpërmjet një njoftimi në rrjetin social “X”.

I nderuar që të marr detyrën e Ambasadorit të Italisë në Kosovë. I vendosur që të fuqizoj lidhjet mes dy shteteve në të gjitha fushat e bashkëpunimit, duke përfshirë edhe për hir të perspektivës së Prishtinës për integrim evropian”, citohet se ka thënë ai.

Continue Reading

Lajmet

Murati: Bllokada e Kuvendit po pengon dorëzimin e Kornizës Afatmesme të Shpenzimeve dhe ndarjen e granteve komunale

Published

on

By

Ministri në detyrë i Financave, Hekuran Murati, ka thënë se moskonstituimi i kuvendit ka pasoja edhe në procese tjera.

Sipas tij në mungesë të një kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Në mungesë të një Kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Murati ka përmendur edhe komisionin për Grante Komunale.

Ngjashëm është puna edhe me Komisionin për Grante Komunale, ku ligji e kërkon pjesëmarrjen edhe të Kryetarit të Komisionit Parlamentar për Buxhet – në mungesë të Kuvendit funksional, nuk ka as Komision për Buxhet dhe s’ka kush të marrë pjesë në Komisionin e Granteve, gjë që e vonon edhe ndarjen e granteve komunale.”

Murati thotë se është e domosdoshme që opozita “të heqë dorë nga bllokada”.

Prandaj është e domosdoshme që partitë opozitare të heqin dorë nga bllokada dhe të ndihmojnë konstituimin e Kuvendit sa më parë.

Continue Reading

Lajmet

Protesta në Shkup: Prindërit e viktimave në Koçan kërkojnë përgjigje

Published

on

By

Një marshim proteste po mbahet në Shkup nga familjet e viktimave të zjarrit në diskoteken Puls në Koçani, në të cilin humbën jetën 62 persona dhe u plagosën pothuajse 200 të tjerë.

Familjet po kërkojnë përgjigje rreth ngjarjeve të asaj mbrëmjeje fatale më 16 mars dhe se si po zhvillohet hetimi.

Tubimi filloi para zyrës së prokurorit dhe demonstruesit do të kalojnë Sheshin Maqedonia për të arritur te Parlamenti.

Hetimi tregoi se në 13 vitet e funksionimit, diskoteka nuk i është nënshtruar inspektimit. Në këtë rast, dyshohen 59 persona, përfshirë 14 oficerë policie dhe tre persona juridikë.

Ky është marshimi i pestë i prindërve dhe të afërmve të viktimave, katër të mëparshëm u mbajtën në Koçan.

 

Continue Reading

Lajmet

Ambasada e Japonisë i dhuron grant QKMF-së në Deçan

Published

on

By

Ambasada e Japonisë në Kosovë ka dhuruar një grant për Qendrën e Mjekësisë Familjare në Deçan, në mbështetje të përmirësimit të shërbimeve shëndetësore në këtë komunë.

Në ambientet e Qendrës së Mjekësisë Familjare në Deçan u prezantuan pajisjet mjekësore që janë dhuruar nga Ambasada e Japonisë në Kosovë. Donacioni mbërrin vlerën rreth 46 mijë euro ku janë  dhuruar një ultrazë dhe një karrige gjinekologjikë.

Ambasadori i Japonisë në Kosovë, Kiminori Iwama, ndërsa kujtoi se kjo qendër e mjekësisë familjare është ndihmuar prej qeverisë japoneze qysh në vitin 2001 përmes Kryqit të Kuq, tha se ambasada dhe populli japonez është i gatshëm dhe i interesuar për të ndihmuar Komunën e Deçanit.

“Kjo qendra është e rregulluar është e ndihmuar prej qeverisë japoneze, prej Kryqit të Kuq në vitin 2001, dhe kjo është ndihma e parë që jepet Komunës së Deçanit në këtë aspekt drejtpërdrejt për qendrën dhe ambasada dhe populli japonez është i gatshëm dhe i interesuar për të ndihmuar edhe në të ardhmen komunës së Deçanit dhe popullit të Kosovës”, tha ai.

Ndërsa kryetari i komunës së Deçanit, Bashkim Ramosaj falënderoi shtetin e Japonisë për ndihmën e dhënë në fushën e shëndetësisë për këtë komunë që nga mbarimi i luftës e deri më sot.

“Ky objekt është falë popullit japonez, qeverisë japoneze dhe Kryqit të Kuq që ka qenë lajm më i mirë për qytetarët në atë kohë ku ky qytet nuk ka ekzistu dhe kohë pas kohe kemi pas përkushtimin dhe përkujdesjen te ambasadës japoneze, të popullit japonez, qeverisë njëkohësisht dhe ka rezultuar me bashkëpunimin e fundit që e ka një kuptim tepër domethënës që kjo qendër të funksionojë me standardin çfarë po funksionon tash”, tha ai.

Continue Reading

Të kërkuara