Teknologji

Kriptomonedhat nuk janë aq të decentralizuara sa reklamohen, thotë një raport

Ai tha se fuqia e kriptomonedhave është e përqendruar në mesin e njerëzve ose organizatave të cilat zotërojnë një pjesë të madhe të tyre.

Published

3 years ago

on

Një prej avantazheve të mëdha të kriptomonedhave mbi sistemet e tjera financiare është fakti se nuk ka një bankë apo qeveri që e kontrollon.

Një raport i hulumtuesve të Trail Bits miratuar nga DARPA (Defense Advanced Research Project Agency) thotë se nuk është plotësisht e vërtetë dhe ka disa centralizime të pa qëllimshme në sistemet e decentralizuara.

“Konsiderohet si e mirëqenë se blockchain është imun dhe i decentralizuar, sepse komuniteti thotë kështu”, tha Dan Guido, CEO i Trail of Bits.

Ai tha se fuqia e kriptomonedhave është e përqendruar në mesin e njerëzve ose organizatave të cilat zotërojnë një pjesë të madhe të tyre. Si çdo sistem tjetër kapitalist, shumë mund të mos jenë dakord.

Trail of Bits i përshkruan “centralizime të paqëllimshme” si rrethana nën të cilat entitete të ndryshme kanë ndikim mbi sistemet e decentralizuara dhe mundësinë për të ndërhyrë në rekordet e pronësisë.

Raporti citon se tre ISP mund të përballojnë 60 përqind të trafikut të bitcoin. Një rrjet blockchain mund të dëmtohet nëse një autoritet rregullator komunikimi, një haker apo dikush tjetër me ndikim në këto ISP ngadalëson ose ndërpret trafikun e bitcoin.

Gjithashtu ka dobësi në rrjetin e bitcoin. Raporti gjeti se 21% e nyjeve kanë versione të vjetra dhe vulnerabil të bërthamës së bitcoin client.

Këtë javë u raportua se platforma e kredi dhënies Solend ishte përpjekur të merrte kontrollin e llogarisë më të madhe sepse tha se operatori mund të kishte ndikim të madh mbi lëvizjet e tregut. Sipas Solend marrja nën kontroll e përkohshme e investitorit “balenë” do të likuidonte pozicionin e tyre dhe të shmangte ndërprerje të mundshme.

Një propozim që lejonte platformën të bënte lëvizje kontroverse kaloi ditën e Dielë. Megjithatë përdoruesit e Solend votuan një propozim tjetër që anulonte të parin me 99.8% të votave në favor./PCWorld Albanian

Related Topics:
Continue Reading

Teknologji

Instagrami lanson veçorinë që i lidh më tepër ndjekësit

Published

1 minute ago

on

April 25, 2025

By

Rrjeti social Instagram ka lansuar veçorinë më të re të tij, të quajtur Blend.

Kompania ka njoftuar se nëpërmjet kësaj, ndjekësit mund të shkëmbejnë ‘reels’ apo video të shkurtra mes vete, bazuar në preferencat e tyre të përbashkëta. Shefi i Instagramit, Adam Mosser, ka njoftuar për lansimin e tij.

“Po ju prezantojmë Blendin, një mënyrë e re për t’i lidhur me miqtë tuaj. Blend është një feed i përbashkët me Reels (video të shkurtra) që kombinon rekomandime që mund të ju pëlqejnë ty dhe miqve tu.

Për të krijuar një Blend me mikun apo një grup miqsh, shkoni te mesazhet (DM) dhe klikoni ikonën Blend”, ka njoftuar Mosser në Instagram.

Ai ka bërë me dije se për t’u bërë pjesë e një grupi të përbashkët duhet që secili prej miqve të pranojnë kërkesën.

Continue Reading

Teknologji

Meta zgjeron qasjen në AI përmes syzeve Ray-Ban në Evropë

Published

22 hours ago

on

April 24, 2025

By

Meta Platforms ka njoftuar zgjerimin e qasjes së inteligjencës artificiale, Meta AI, përmes syzeve inteligjente Ray-Ban në shtatë vende të reja evropiane, si Gjermania, Austria, Belgjika, Danimarka, Norvegjia, Suedia dhe Finlanda, raportoi të mërkurën Reuters.

Përdoruesit në këto shtete tani mund të komunikojnë me Meta AI përmes komandave zanore, për të marrë përgjigje për pyetje të përgjithshme.

Kjo shënon hap të rëndësishëm në përhapjen e teknologjive të avancuara të inteligjencës artificiale në pajisjet e tilla në tregun evropian.

Meta pati prezantuar për herë të parë Meta AI në SHBA gjatë vitit 2023. Ndërsa, lansimi në Evropë u shty për disa muaj për shkak të shqetësimeve rregullatore në lidhje me mbrojtjen e të dhënave dhe rregulloret e privatësisë të Bashkimit Evropian.

Ky zhvillim vjen në një moment kur Meta po investon miliarda dollarë në infrastrukturën e saj të inteligjencës artificiale, me synimin për të forcuar pozitat në tregun global të teknologjisë së avancuar dhe për të tërhequr përdorues të rinj në platformat e saj.

Continue Reading

Teknologji

Njëzet vjet më vonë, YouTube po kthehet në rrënjët e veta

Published

23 hours ago

on

April 24, 2025

By

Filloi si një platformë për ngarkimin e videove të shkurtra dhe tani Shorts shërben si një ‘nismë’ për fillimet modeste të YouTube.

Dy dekada më parë, YouTube nuk ishte “në” përmbajtjen afatgjatë të prodhuar nga krijues si MrBeast dhe të tjerë. Në atë kohë, nuk kishte ndriçim të zbukuruar, efekte zanore ose prerje.

Videoja e parë në platformë, “Unë në kopshtin zoologjik”, u ngarkua në YouTube më 23 prill 2005.

Është 19 sekonda e gjatë e shfaq bashkëthemeluesin e YouTube, Jawed Karim duke qëndruar përballë një çifti elefantësh në kopshtin zoologjik të San Diegos.

“Mirë, ja ku jemi, përballë elefantëve”, thotë Karim, duke parë përsëri elefantët. Karim postoi një video tjetër të titulluar “Rolling down a hill” më 23 prill, por që atëherë është fshirë. Videoja tjetër, “My Snowboarding Skillz”, u ngarkua nga përdoruesi “mw” në të njëjtën ditë.

Është videoja e parë e “dështuar” që ngarkohet në YouTube, zhanër që po përhapet në platformë prej shumë vitesh.

Vetëm një ditë më vonë, më 24 prill 2005, një përdorues i quajtur “gp” ngarkoi një video tjetër: “tribute”.

Me vetëm pesë sekonda e gjatë, është videoja më e shkurtër në këtë grup. Në atë kohë, të tre videot ishin një testament për qasjen e YouTube: çdokush do bënte një video në YouTube thjesht duke kapur një moment të shkurtër në kohë, pavarësisht se sa e zakonshme dukej.

Megjithëse YouTube tani është i mbushur plot me mësime të gjata, video të gjata dhe vlog, gjërat kanë filluar të kthehen në bazë – të paktën në një masë.

TikTok shpërtheu në popullaritet me kalimin e viteve, pas mbylljes së Vine më 2017, platformat u përpoqën për të nisur burimet e videove në formë të shkurtër. Instagram lansoi Reels në 2020, YouTube aktivizoi Shorts në SHBA në 2021, pavarësisht se ishte platforma ku debutuan këto video të shkurtra.

Videot aktuale të Shorts duken shumë larg nga ato që ishin videot në YouTube 20 vjet më parë.

Shumica e videove të servuara nga algoritmi i YouTube nuk janë postuar spontanisht, por kanë të bëjnë më shumë me skenarë të menduar dhe punë të qëllimshme me kamerë.

Edhe me shumë më tepër planifikim, shumë prej tyre kanë prekjen e spontanitetit e ndjenjës së lidhjes që ofrojnë tre videot e para të ngarkuara në platformë.

Continue Reading

Automobilizëm elektrikë

Pse nuk është e sigurt të vozisni me goma dimri gjatë verës?

Published

2 days ago

on

April 23, 2025

By

Shumë shoferë vendosin të mos i ndërrojnë gomat e dimrit kur vjen vera, ose thjesht harrojnë. Por mbajtja e gomave të dimrit gjatë sezonit të nxehtë nuk është vetëm e papërshtatshme është e rrezikshme.

Gomat e dimrit janë të dizajnuara për temperatura të ulëta dhe përbërja e tyre është dukshëm më e butë se ajo e gomave verore. Kjo i bën ato të konsumohen më shpejt në asfalt të nxehtë, duke humbur efektivitetin dhe duke rrezikuar sigurinë në rrugë.

Sipas autoklubit gjerman ADAC, gomat e dimrit në kushte verore e rrisin dukshëm rrezikun e aksidenteve, sidomos për shkak të mbinxehjes dhe konsumimit më të shpejtë në asfalt. Gjatë verës, kur temperaturat e asfaltit mund të arrijnë nga 30 deri në 36°C, distanca e frenimit rritet ndjeshëm me goma dimri.

Në një test të kryer nga ADAC, një veturë me goma verore ndaloi pas 36.3 metrash me shpejtësi 100 km/h, ndërsa një tjetër me goma dimri ndaloi vetëm pas 41.9 metrash, duke lëvizur ende me 37 km/h kur vetura me goma verore kishte ndaluar plotësisht.

Gjatë ngasjes në verë, veçanërisht me ngarkesë të madhe apo me shpejtësi të lartë, gomat e dimrit kanë tendencë të mbinxehen.

Kjo shkakton konsumim të gomave, duke e komprometuar stabilitetin e automjetit.

Prandaj, ekspertët këshillojnë të mos i përdorni gomat e dimrit gjatë verës, edhe nëse ato duken në gjendje të mirë.

Continue Reading

Të kërkuara