Lajmet

​Kreu i sportit botëror, Bach: Kosova është histori e rrallë suksesi

Published

on

Dhjetë vite më parë Komiteti Olimpik i Kosovës u anëtarësua në Komitetin Olimpik Ndërkombëtar (IOC). Me këtë rast në Kosovë po qëndron për vizitë presidenti i Komitetit Olimpik Ndërkombëtar, Thomas Bach.

Bach tha në konferencë për media se Kosova është shembulli më i mirë se si brenda një kohe shumë të shkurtër mund të arrihen suksese të mëdha.

Ai ka theksuar se medaljet olimpike që Kosova i ka fituar me sportin e xhudos janë dëshmia e angazhimit të Komitetit Olimpik të Kosovës në zhvillimin e sportit në vend.

Këto dhjetë vite kanë dëshmuar histori suksesi në shumë aspekte. Sigurisht kemi pesë medalje olimpike që janë fituar, pastaj në tri Lojëra Olimpike Kosova ka marrë pjesë në to dhe për këtë i gjithë populli i Kosovës mund të jetë shumë krenar së bashku me Komitetin Kombëtar Olimpik sepse këto suksese nuk vijnë nga qielli por ka qenë fal punës së palodhshme”, ka thënë Bach.

Unë ia kam shtrënguar dorën Majlinda Kelmendit në vitin 2015. Ka qenë një moment shumë i veçantë për mua dhe sigurisht që pres me padurim që ta shoh sonte, ta përqafojë dhe t’i ndajmë disa kujtime të mira nga triumfi i saj i madh dhe që do të jetë një moment shumë emocional për mua”, shtoi Bach.

Nga ana tjetër, presidenti i Komitetit Olimpik të Evropës, Spyros Capralos duke uruar drejtuesit e KOK ut për këtë përvjetor, theksoi se një sukses tjetër të madh Kosova e shënoi edhe vitin e kaluar kur fitoi të drejtën e organizimit të Lojërave Mesdhetare në vitin 2030.

Sipas tij, ky do të jetë një tjetër moment që Kosova të avancojë edhe më tutje në sport, sidomos duke ndërtuar infrastrukturë të re sportive por edhe të promovojë disiplina të reja të sporteve të ndryshme.

Për të arriturat tuaja dua të iu përgëzojë për dhjetë vitet e të qenurit në lëvizjen tonë dhe për të gjitha sukseset që i keni pasur jo vetëm në sport me pesë medalje olimpike por edhe për Komitetin Olimpik të Kosovës i cili ka marrë pjesë aktive në çdo ngjarje që e kemi organizuar. Do të jeni nikoqir te Lojërave Mesdhetare të vitit 2030, kjo është e rëndësishme, një ligj i ri është miratuar, ai do të ndihmojë në ndërtimin e infrastrukturës, organizimin e kësaj ngjarje”, theksoi Capralos

Ndërsa presidenti i Komitetit Olimpik të Kosovës, Ismet Krasniqi theksoi se në këto dhjetë vite, të gjitha sukseset e arritura janë bërë edhe duke iu falenderuar mbështetjes dhe bashkëpunimit me institucionet ndërkombëtare sportive.

Po mos të kishim sukses në këto dhjetë vite që ne krenohemi sot me dhjetë medalje të arritura në Lojëra Olimpike e shumë medalje në Lojëra Mesdhetare e shumë medalje në lojëra botërore e evropiane nuk do të kishe qenë madhështor ky 10 vjetor, por ne e kemi bindur gjithë komunitetin e sportit se ne e duam sportin dhe mund të arrijmë gjithçka kur jemi të bashkuar”, deklaroi Krasniqi.

Para konferencës për media,. presidenti Bach ka takuar edhe kryeministrin e Republikës së Kosovës, Albin Kurti. Nga ky takim, Bach tha se ka dal i ngazëllyer me planet që qeveria ka për ta mbështetur zhvillimin e infrastrukturës sportive në Kosovë.

Lajmet

Dështimi i 21-të, konstituimi i Kuvendit nuk bëhet as këtë herë

Published

on

Dështoi edhe vazhdimi i sotëm i seancës, përpjekja e 21-të me radhë për konstituimin e këtij institucioni ligjvënës.

Vazhdimi i sotëm ishte i njëjtë me vazhdimet e mëparshme: përsëri tentim i Lëvizjes Vetëvendosje për krijimin e një komisioni ad-hoc për votim të fshehtë.

Kryesuesi Avni Dehari kërkoi nga PDK-ja, LDK-ja, AAK-ja dhe Lista Serbe që të bëjnë propozimet e kandidatëve të tyre për komision, por këto parti nuk pranuan dhe nuk morën pjesë në votim.

Nga 90 deputetët e pranishëm, 53 vota ishin për, një kundër dhe asnjë abstenim.

Dehari bëri të ditur se seanca ndërprehet dhe se do të vazhdojë më 27 maj, në orën 11:00.

Continue Reading

Lajmet

UBT organizon Akademi Përkujtimore për të nderuar jetën dhe veprën e profesorit dhe arkitektit Arsim Murseli

Published

on

By

Nën patronatin e Rektorit të UBT-së, Prof. Dr. Edmond Hajrizi, të hënën më 26 maj 2025, në Sallën e Bibliotekës në Parkun Shkencor, Inovativ dhe Teknologjik të UBT-së në Lipjan, duke filluar nga ora 10:00, do të organizohet një Akademi Përkujtimore për të nderuar jetën, veprën dhe trashëgiminë profesionale e njerëzore të profesor Arsim Murselit – arkitektit të njohur dhe intelektualit të shquar të komunitetit akademik.

Profesor Murseli ishte një bashkëpunëtor i respektuar, mik i afërt dhe kontribuues i rëndësishëm në rrugëtimin e UBT-së. Ai ishte ndër figurat më të dashura dhe më të përkushtuara, i njohur për mençurinë, modesti të rrallë, integritet të lartë dhe dashurinë e pakushtëzuar për dijen.

Në rolin e tij si ligjërues dhe arkitekt, profesor Murseli la gjurmë të thella përmes angazhimit të palodhur në projekte të shumta akademike e arkitektonike, duke përçuar përherë mesazhin e përparësisë së dijes, edukimit cilësor dhe formimit profesional të brezave të rinj. Si udhëheqës i degës së UBT-së në Ferizaj, ai vendosi standarde të larta të lidershipit akademik dhe krijoi një trashëgimi të qëndrueshme në edukimin e studentëve.

Continue Reading

Lajmet

Prokuroria e Kosovës ngre aktakuzë ndaj një të dyshuari për spiunazh për inteligjencën serbe

Published

on

By

Prokuroria Speciale e Kosovës ka ngritur aktakuzë të premten kundër një burri, të cilin e akuzon se kishte spiunuar për Agjencinë e Inteligjencës dhe Sigurisë së Serbisë, e njohur si BIA, për kohë të papërcaktuar.

Të dyshuarin, e identifikuar vetëm me inicialet A.V., prokurorët e ngarkojnë me dy vepra penale, spiunazh dhe armëmbajtje pa leje.

Sipas aktakuzës, i dyshuari kishte “mbledhur të dhëna dhe dokumente të rëndësishme, të cilat, më pas dërgoi në cilësinë e Agjentit Rezident BIA-s serb”, duke e “cenuar rendin kushtetues dhe sigurinë e Kosovës si dhe jetën e zyrtarëve shtetëror dhe të qytetarëve të saj”.

Ai dyshohet se e ka kryer veprën për kohë të papërcaktuar deri në arrestimin e tij në qershor të vitit 2024.

Nga provat e siguruara… A.V kishte krijuar një rrjet të punësuarve në organizatat ndërkombëtare në Kosovë të nacionalitetit serb, nga të cilët kishte pranuar informacione dhe raporte të punës së këtyre organizatave që ndërlidheshin me aspektet politike dhe të sigurisë në Kosovë, si dhe kishte mbledhur informacione, për persona të nacionalitet serbë, me qëllimin që t’i paraqiste si bashkëpunëtorë të strukturave të sigurisë së Kosovës”, thuhet në aktakuzë.

Ai dyshohet se të dhënat dhe dokumentet e siguruara ia kishte “dorëzuar zyrtarit të lart të BIA-së, R.G, shef i njërës prej Qendrave të BIA-së në territorin e Serbisë, përmes komunikimeve telefonike dhe takimeve fizike”.

Prokuroria tha se në shtëpinë e të dyshuarit janë gjetur dhe konfiskuar një armë dhe një spërkatës gaz lotsjellës, gjatë një bastisjeje policore.

Prokurorët kanë kërkuar që ai të mbahet në paraburgim në pritje të gjykimit.

Prokuroria nuk dha më shumë hollësi rreth identitetit apo kombësisë së A.V., por vitet e fundit serbë e shqiptarë janë arrestuar në Kosovë nën dyshimet se po spiunonin për shërbimet e inteligjencës së Serbisë.

Derisa shpeshtohen rastet, njohësit e sigurisë thonë se inteligjenca serbe ka shtrirë rrënjët në tërë territorin e Kosovës ndër vite./REL/

Continue Reading

Lajmet

FFK pajtohet me vërejtjet e MKRS-s, Kuvendi i Punës do të përsëritet

Published

on

By

Federata e Futbollit të Kosovës do pa përsëris Kuvendin e Punës të mbajtur më 20 shkurt të këtij viti pasi Komisioni Vlerësues brenda Ministrisë së Sportit kishte gjetur parregullësi në këtë kuvend, me theks të veçantë në pjesëmarrjen e dy klubeve që nuk ishin të licencuara në këtë kuvend.

Si pasojë e këtyre shkeljeve, MKRS kishe pezulluar lëshimin e vërtetimeve nga Ligji i Sponsorizimeve për të gjitha klubet e futbollit, duke shkaktuar kështu dëm të madh financiar tek secila prej tyre.

Por, situata tashmë ka ndryshuar. Ekskluzivisht për KosovaPress, Kryesuesi i Komisionit për Licencim të Federatave Sportive, Fidan Shatri ka thënë se FFK është pajtuar që ta përsëris Kuvendin e Punës duke u pajtuar me gjetjet e shkeljeve nga ana e MKRS-së

Sipas zyrtarit të MKRS-së, Fatmir Shatri, një nga shkeljet më të theksuara ishte përfshirja e klubeve të palicencuara në procesin e vendimmarrjes, çka bie ndesh me Ligjin për Sport.

Rasti i Federatës së Futbollit të Kosovës ka qenë pas vlerësimit të komisionit mbi kuvendin e punës që është mbajtur në muajin shkurt, kanë qenë disa vërejtje të cilat kanë qenë edhe publike, dhe një nga vërejtjet kyçe ka qenë pjesëmarrja e klubeve të cilat nuk janë të licencuara në procesin e vendimmarrjes, pra pjesëmarrja në Kuvendin e Federatës së Futbollit. Në rastin e tillë është standard për të gjitha federatat që klubet të cilat nuk janë të licencuara nuk mund të jenë pjesë e vendimmarrjes dhe me strukturat e federatës përkatëse, në këtë rast FFK”, ka thënë fillimisht Shatri.

Shatri ka bërë të ditur se FFK është zotuar që Kuvendi i të mbahet gjatë muajit qershor

Pas vlerësimit të komisionit, kemi pasur disa takime me FFK-në ku me të gjitha federatat jemi të gatshëm të kontribuojmë në mundësinë e dhënies së propozimeve tona në lidhje me harmonizimin e të gjitha akteve pasi është ligj i ri i sportit dhe nuk është i njohur për të gjithë. Në këtë rast, Federata e Futbollit është pajtuar që të gjeturat që i ka dhënë komisioni në drejtim të federatës që këto të gjetura ku kanë marrë pjesë klubet e palicencuara është vërejtje e komisionit që nuk mund të jenë pjesë e kuvendit. Në këtë rast, janë zotuar që gjatë muajit qershor Federata e Futbollit do ta mbaj Kuvendin e Punës dhe në harmoni me Ligjin për Sport, udhëzimet dhe rekomandimet e komisionit të miratohen në kuvendin që do të mbahet në qershor”, ka bërë të ditur Shatri.

Ai ka shtuar në fund se në rast se FFK nuk e mban këtë zotim, atëherë mund të pezullohet sërish lëshimi i vërtetimeve të sponsorizimit për të gjitha klubet sportive që janë anëtare të FFK-së.

 

Continue Reading

Të kërkuara