Lajmet

Krasniqi: S’jemi njoftuar për ndonjë iniciativë për largimin e kryetarëve përmes peticionit

Nëdërsa Kurti premtoi kryetarëve se në vitin e ardhshëm granti i përgjithshëm për komunat.

Published

on

Ministri i Administrimit të Pushtetit Lokal, Elbert Krasniqi, ka thënë se deri tani nuk kanë pranuar ndonjë informacion se qytetarët në veri i janë drejtuar kuvendeve komunale për t’i njoftuar rreth iniciativës për largimin e kryetarëve përmes peticionit.

Megjithatë, ai ka thënë se kanë arritur që brenda një muaji të draftojnë udhëzimin administrativ i cili parasheh në detaje procedurën e largimit të kryetarëve përmes peticionit.

“Deri në këtë moment ne nuk kemi pranuar asnjë informacion nga kryesuesi i Kuvendit të Komunës, që një grup i qytetarëve është drejtuar tek ai për të njoftuar atë dhe autoritetet tjera që ka filluar një iniciativë për largimin e kryetareve të komunave përmes peticionit. E rëndësishme në këtë proces është se si Qeveri kemi treguar vullnetin e mirë dhe brenda një muajit kemi draftuar një udhëzim administrativ me standarde shumë të larta, i cili parasheh këtë procedurë në detaje”, përfundoi Krasniqi.

Krasniqi ka folur pas takimit që kryeministri Albin Kurti dhe ministrat e linjës, kanë zhvilluar me kryetarët e komunave të Kosovës.

Por në këtë takim nuk ka marrë pjesë kryetari i Komunës së Leposaviqit, Lulzim Hetemi, i cili prej marrjes të detyrës në krye të komunës po qëndron brenda objektit komunal.

“Ne kemi koordinim të rregullt me kryetarin e Komunës së Leposaviqit dhe këshilltari që është përgjegjës në ministrinë tek unë për komunat veriore, Aliu, është vazhdimit në kontakt edhe me kryetarin e Leposaviqit dhe të tjerët… Sigurisht se do të marrë pjesë në mbledhjet e ardhshme dhe nuk ka nevojë që të kyçet online, mirëpo sot nuk ishte prezent, porse ishin prezent tre kryetarët e tjerë të komunave të veriut të Kosovës, të cilët tashmë janë edhe anëtarë të plotë të Asociacionit të Komunave të Kosovës… Unë nuk kam komunikuar sot me kryetarin e Leposaviqit dhe nuk e di arsyen e mospjesëmarrjes në këtë takim”, tha Krasniqi.

Pas takimit të qeveritarëve me kryetarët e komunave, Krasniqi ka thënë se kanë diskutuar tema të ndryshme, përfshirë kërkesat dhe sfidat me të cilat ata përballen.

“Këto takime pune tashmë të rregullta me kryetaret e komunave me qëllim të koordinimit të punëve mes nivelit qendror dhe lokal. Patëm disa tema të diskutimit të cilat i kemi ngrit edhe ne si nivel qendror, mirëpo edhe kërkesat, shqetësimet e ngritura nga kryetaret e komunave, edhe përmes kryetarit të Asociacionit të Komunave, mirëpo edhe individualisht. Patëm mundësi që me ministrat prezent, Çekun, Hajdarin, Aliun dhe Muratin të diskutojmë për kërkesat specifike që patën kryetaret e komunave, të marrin përgjigjen meritore në pyetjet e tyre dhe të koordinohemi me punë që na presin deri tash e në fund të vitit”, tha Krasniqi.

Në këtë takim Kurti premtoi kryetarëve se në vitin e ardhshëm granti i përgjithshëm për komunat do të jetë rreth 250 milionë euro, i cili sipas tij është vlerë rekorde si asnjëherë më parë.

Lajmet

Kurti sërish në heshtje para gazetarëve

Published

on

By

Kryeministri në detyrë, Albin Kurti, edhe këtë të premte nuk iu është përgjigjur pyetjeve të gazetarëve, përpara nisjes së vazhdimit të seancës konstituive të Kuvendit të Kosovës.

Teksa kalonte pranë gazetarëve të pranishëm në hapësirat Kuvendit, Kurti zgjodhi të mos japë asnjë koment, duke kaluar në heshtje.

Kjo nuk është hera e parë që shefi i ekzekutivit shmang përgjigjet ndaj mediave në momente politike të rëndësishme. Vazhdimi i seancës konstituive vjen pas disa tentativave të dështuara për zgjedhjen e kryetarit të Kuvendit, me partitë opozitare që nuk kanë përkrahur kandidaturën e Albulena Haxhiut të propozuar nga Lëvizja Vetëvendosje.

Gazetarët kanë kërkuar përgjigje në lidhje me qëndrimet e kryeministrit në detyrë për këtë ngërç politik, por deri më tani, Kurti ka preferuar të mos komentojë publikisht.

Continue Reading

Lajmet

Peci: Zhbllokimi i Kuvendit është rruga më e arsyeshme

Published

on

By

Ministri në detyrë i Bujqësisë, Faton Peci, ka theksuar se zgjidhja më e arsyeshme për situatën aktuale politike është zhbllokimi dhe konstituimi i Kuvendit të Kosovës.

“Partitë opozitare nuk mund të bëjnë propozime në emër të njëra-tjetrës. Ato mund të vendosin vetëm nëse votojnë apo jo. Më e mira është që ky proces të mos zvarritet më dhe Kuvendi të konstituohet”, u shpreh Peci.

Lidhur me një marrëveshje të mundshme me deputeten Duda Balje, ai tha se ka dëgjuar për një zhvillim të tillë, por nuk dha detaje.

“Di diçka, por nuk i di detajet”, tha shkurt Peci.

Continue Reading

Lajmet

​Sot pritet të mbahet vazhdimi i seancës konstituive të Kuvendit

Published

on

By

Deputetët e Kuvendit të Kosovës do të mblidhen sërish sot për ta vazhduar seancën konstituive të nisur më 15 prill, e cila mbetet e bllokuar në pikën e zgjedhjes së kryetarit të Kuvendit.

Vazhdimi i gjashtë i kësaj seance pritet të nisë në orën 10:00.

Bllokada ka ardhur pasi kandidatja e propozuar nga Lëvizja Vetëvendosje, Albulena Haxhiu, nuk ka siguruar përkrahjen e partive që në legjislaturën e kaluar ishin në opozitë. Emri i saj është hedhur në votim tri herë, por në asnjë rast nuk ka arritur të marrë shumicën e nevojshme të votave.

Zhvillimet e sotme pritet të jenë vendimtare për ecurinë e konstituimit të plotë të Kuvendit.

Continue Reading

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Të kërkuara