Lajmet

Krasniqi para deputetëve premton më shumë transparencë komunale

Ministri tha se është hera parë që performanca do të bëhet përmes ligjit.

Published

on

Në Komisionin për Mbikëqyrjen e Financave Publike ka raportuar ministri i Administrimit të Pushtetit Lokal, Elbert Krasniqi, në lidhje me Raportin e Auditimit “Funksionimi i sistemit të Grantit të Performancës Komunale dhe menaxhimi i projekteve të financuara nga Donatorët për vitin 2021.

Ministri Krasniqi tha se është hera parë që performanca do të bëhet përmes ligjit.

“Me mandatin tim kemi marrë disa hapa që kanë qenë të rëndësishëm për planin e performancës komunale. Është hera parë që performanca do të bëhet përmes ligjit dhe është viti i parë është që është bërë vizita në komuna dhe janë verifikuar te dhënat nga ato. Jemi në procesin e hartimit të akteve të brendshme sipas kërkesës së ZKA. Ky sistem do të shërbejë edhe si një platformë e rëndësishme e të dhënave për qytetarët mbi transparencën”, tha ai.

Derisa shtoi se me ligjin e ri të gjitha komunat janë të detyruara të raportojnë për performancën e tyre.

“Më ligjin e ri te gjitha komunat janë te detyruara të raportojnë për performancat e tyre. Përformanca komunale është një ndër shtyllat kryesore të ministrisë”, shtoi Krasniqi.

Ai tha se për katër vjet janë të ndara 30 milionë euro.

“Për katër vitet e ardhshme janë mbi 30 milionë euro, 15 mijë nga qeveria dhe 15 mijë nga donatorët të cilët do të jenë një sfond solid për t’i mbështetur komunat. Të gjitha komunat kanë qenë bashkëpunuese, përjashtim komunën e Vitisë. 38 komunat e Kosovës janë te detyruara që të raportojnë për performancën komunale”, tha Krasniqi.

Deputetja nga LVV-së, Mirlinda Tishukaj-Sadiku, e cila prezantoi të gjeturat e auditimit dhe tha se është e papranueshme mos prezenca e Asocacionit të Komunave, pasi që sipas saj do duhej të ishin prezentë, sepse kjo ka të bëjë pikërisht me komunat.

Ajo tha se ky raport ka bërë auditim për nëntë komunat dhe për MAPL.

“Subjekt i auditimit kanë qenë komunat dhe po ashtu Ministria e Administrimit Lokal ka konkloduar se funksioni i sistemit të Grantit të Përformancës Komunale ka rezultuar me disa mangësi qe duhet kushtuar vëmendje, të cilat janë, mjetet e ndara kërkojnë miratim shtesë, kthimi i mjeteve si suficit. Komunat ishin përcjellë me dobësi të ndryshme, si dhe ka rezultuar me çmime të larta, edhe pse rezultat e synuara janë arritur, komunat nuk kanë dëshmuar mjaftueshëm që kanë përfshirë gupet e margjinalizuara”, tha Sadiku.

Sipas saj, nga këto gjetje nga katër komunat e auditura katër komunat kishin planifikuar investim për rreth 15 milionë euro, ndërsa siç tha ajo kontratat ishin rreth 22 milionë euro.

“Po ashtu ka edhe disa projekte kapitale të pa regjistruara. Projektet e financuar nga donatoret në vitin 2021 nuk kanë arritur të përfundohen të gjitha. Katër komunat të audituara kishin planifikuar investim për rreth 15 milionë euro, ndërsa kontratat ishin rreth 22 milionë euro”, thekson ajo. 

Lajmet

​Paga minimale, Murati thërret në takim përfaqësuesit e bizneseve

Published

on

By

Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.

Takimi është paraparë të mbahet të enjten prej orës 10:00 në objektin e Qeverisë së Kosovës.

“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP

Continue Reading

Lajmet

Siria njeh Kosovën

Published

on

By

Siria është shteti numër 120 që njeh pavarësinë e Kosovës, ka bërë të ditur presidentja Vjosa Osmani.

Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në Facebook.

Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”/KP

Continue Reading

Lajmet

​Transporti ajror, Shqipëria shënon rritje të numrit të pasagjerëve

Published

on

By

Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.

Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.

Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.

Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.

Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP

Continue Reading

Lajmet

Kurti i ftuar i nderit në darkën e shtruar nga Qarku Diplomatik i Parisit

Published

on

By

Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.

Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.

Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.

Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO

Continue Reading

Të kërkuara