Lajmet

Krasniqi: Nuk ka asnjë kompani gjermane në Tiranë për shkak të korrupsionit

Krasniqi: Shqipëria ka përmbushur disa kritere, por kërkohen hapa më seriozë dhe luftë ndaj korrupsionit.

Published

4 years ago

on

Për analistin Afrim Krasniqi, Gjermania ka qenë kritike, por edhe mbështetëse ndaj Shqipërisë.  Në studion e “Ditarit” në A2 CNN, ai tha se nuk ka asnjë kompani gjermane në Tiranë dhe Kosovë, për shkak të korrupsionit.

“Gjermania i ka vendosur kushte. Shqipërisë Nuk ka asnjë kompani serioze që ka ardhur në Shqipëri për shkak sesa më të korruptuar të jenë strukturat administrative dhe vendimmarrëse nxiten drejt oligarkëve vendas. Nuk ka më kapital gjerman në Tiranë e Kosovë dhe mesazhi gjerman është që ne duhet të kemi partneritet”.

Krasniqi thekson se Shqipëria ka përmbushur disa kritere, por kërkohen hapa më seriozë dhe luftë ndaj korrupsionit.

“Është shteti që ka lobuar më shumë. Nëse ne kemi qenë vonuar në disa procese, kemi përmbushur në thelb disa kritere që kërkonte Gjermania. Por kërkohen hapa më seriozë, luftë ndaj grupeve të korruptuar dhe fatkeqësisht i kemi përdorur për fushatë elektorale. Vetë kancelarja ka qenë shumë e vëmendshme ndaj stabilitetit, se sa demokracisë”.

Sa i takon bashkëpunimit politik me rajonin, Krasniqi shtoi se kërkohet një strategji e mirëfilltë politike dhe rajonale.

“Edhe në Serbi përmendi Kosovën, bashkëpunimin politik. Ne do të duhet të kemi strategji, ne nuk kemi strategji. Nuk mund të jenë 3 nga 6 vendet në bashkëpunim rajonal. Ky është mesazhi që ju keni marrë angazhime, por sot është koha që të mbahen premtimet. Gjermania ka fondacione politike në Shqipëri, janë aktorë në jetën e përditshme që ndihmojnë partitë për t’i demokratizuar, nga tranzicioni në fazë të maturuar. SHBA-ja ka qenë tërhequr 10 vitet e fundit nga rajoni. BE-ja ka bërë të njëjtën gjë dhe nuk pritet të ndryshojë politika e jashtme gjermane”.

Related Topics:
Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

2 days ago

on

April 4, 2025

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

2 days ago

on

April 4, 2025

By

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

2 days ago

on

April 4, 2025

By

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

2 days ago

on

April 4, 2025

By

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara