Lajmet

Krasniqi: Kurti propagandën e ka mjeshtri, veriu është instrumentalizuar për qëllime elektorale

Published

1 year ago

on

Kryetari i Partisë Demokratike të Kosovës (PDK), Memli Krasniqi, ka thënë në një intervistë se pavarësisht mandatit të fuqishëm që qytetarët i kanë dhanë Albin Kurtit për të qeverisur me vendin, sot situata në ekonomi, shëndetësi, arsim e fushat të tjera është më e keqe se para tre-katër vjetësh.

Krasniqi, ka thënë se Kurti ka pasur kontroll të plotë mbi Kuvendin, Qeverinë dhe Presidencën, por këto fuqi, sipas tij, në këtë mandat qeverisës kanë rezultuar në një stagnim ekonomik dhe një degradim të shërbimeve publike.

“Është e dhimbshme realisht që një mandat kaq të fuqishëm qytetarë që iu është dhënë Kurtit për të qeverisur vendin dhe për të zbatuar ato premtime që i ka dhënë për ta transformuar shtetin tonë, ai nuk ka arritur që ta shfrytëzojë. Sepse fatkeqësisht sot pothuajse në të gjitha fushat ne jemi më keq sesa që kemi qenë para tre-katër vitesh. Mundësit për ti realizuara premtimet e tij, në kuptimin legal dhe institucional të fjalës Kurti ka pasur të plota me qenë se ka pasur jo vetëm një shumicë absolute në Kuvendin e Kosovës por ka pasur edhe një pushtet absolute kontrollues edhe në Qeveri, Kuvend dhe Presidencë, me veprimet e tij ka arritur që t’i okupojë e t’i nënshtroj edhe shumë instanca të pushteteve të pavarura, agresioneve në mënyrë të veçantë. Fatkeqësisht krejt ato që i ka premtuar ka mbetur pa realizuar duke filluar nga fakti që sot kemi një ekonomi të stagnuar kemi një shëndetësi të degraduar, një arsim shumë më keq sesa që ka qenë në të kaluarën, kemi mungesë të projekteve infrastrukturore”, ka thënë ai.

Krasniqi ka përmendur premtimet e pa përmbushura për ndërtimin e çerdheve dhe banesave me çmime të përballueshme për qytetaret, duke theksuar se çmimet e pasurive të patundshme janë rritur ndjeshëm.

“Prej premtimeve që kanë qenë shumë të popullarizuara të tipit të ndërtimit të 160 çerdheve për një mandat qeverisëse ne në ditët e fundit të këtij mandatit nuk besoj që kemi katër çerdhe të ndërtuara. Prej atij premtimi që do të ketë banesa me çmim të përballueshme për çiftet e reja në mënyrë të veçantë ne sot i kemi çmimet e metrit katror shumë herë më të shtrenjta sesa kur e ka marrë mandatin. Prej premtimeve që do të ndërtojë auto-udhët e pakryer për rrugët Gjilan, Podujevë, Mitrovicë krejt çka ka mbet nga projektet infrastrukturor është ura e famshme e Saradranit, dhe fatkeqësisht as ura e Badovcit e cila po i bënë kaq shumë telashe të gjithë qytetareve që udhëtojnë për Anamoravë, as ajo nuk ka mbërri me përfunduar që është një punë që nuk do të duhet të merrte kohë as dy muaj”, ka thënë ai.

Krasniqi ka thënë se kryeministri Kurti propagandën e ka mjeshtri por që qeverisjen e ka pasur jashtëzakonisht të dobët e të paaftë, ku sipas tij, qytetarët e kanë të qartë që në zgjedhjet e 9 shkurtit do të jenë në një ballafaqim mes mungesës së kompetencës, vizionit dhe aftësisë për të qeverisur.

“Kemi një kryeministër që me të vërtetë me fjalë ka qenë shumë i mirë por propagandën e ka mjeshtri,  por qeverisjen e ka pasur jashtëzakonisht të dobët të paaftë dhe jo kompetente për çka besoj që qytetarët tashmë e kanë të qartë besoj që zgjedhjet e 9 shkurtit do të jenë një ballafaqim mes mungesës së kompetencës, vizionit dhe aftësisë për të qeverisur kombinuar me një propagande të hatashme siç e kanë pasur dhe e kanë gjithmonë dhe ndoshta fakti që ne si PDK nuk jemi propandues të mirë nuk dijm me bë një gjë të tillë por të paktën punën dhe premtimet i kemi realizuar në të kaluarën dhe do t’i realizojmë edhe në të ardhmen”, ka thënë Krasniqi.

Krasniqi ka thënë se shumica e veprimeve të Qeverisë në veri të vendit gjithmonë kanë një karakter popullist edhe elektoral dhe nuk e kanë domosdoshmërisht një karakter shtetëror i cili do të ndihmonte në krijimin e një situate më të mirë në atë pjesë të vendit.

“Fatkeqësisht shumica për të mos thënë të gjitha veprimet e Qeverisë aktuale që ndërlidhen me Veriun e vendit, gjithmonë kanë një karakter edhe popullist edhe elektoral dhe jo domosdoshmërish një karakter shtetëror i cili do të ndihmonte në krijimin e një situate më të mirë se sa ajo që e kemi në Veri të vendit. Në një situatë ku përveç një sovraniteti funksional duhet të kishte një ri integrim apo integrim të komunitetit serb aty. Ku do të kishte një mbështetje ndërkombëtare për veprimet që ne i marrim, kjo nuk do të thotë që veprimet siç janë mbyllja e organeve ilegale nuk janë vendim të duhura, sepse për gjëra të tilla është vepruar edhe në të kaluarën ka pasur diskutime, dakordime dhe marrëveshje në proces të dialogut se si dhe kur duhet të ndodhin ato. Një pjesë ka mbetur pa u zbatuar por fatkeqësisht përdorimi për elektorat dhe për zgjedhje i çështjeve që ndërlidhen sikur me Ujmanin e besa me kinse hapjen e urës së Ibrit, u pa e qartë tashmë që me të vërtetë ishin vetëm për një konsum të brendshëm dhe jo realisht për arritur diçka”, ka thënë ai.

Krasniqi ka thënë se si parti nuk janë kundër hapjes së urës së Ibrit, por që ajo duhet të behtë me një bashkërendim të veprimeve me parterët ndërkombëtarë dhe jo në mënyrë imponuese.

“E vërteta është që ura e Ibrit është mbyllur nga ndërkombëtarët dhe jo nga shqiptarët dhe shumë herë para Kurtit është diskutuar dhe kërkuar që ura të hapet për qarkullim të veturave meqenëse për qarkullim të qytetarëve ajo është hapur më herët. Normalisht që ne e kemi mbështetur këtë kërkesë si në të kaluarën dhe tash por e kemi ditur qartë se një gjë e tillë nuk mund të ndodh në mënyrë unilaterale dhe në një mënyrë imponuese por mund të bëhet vetëm duke pasur një bashkërendim të veprimeve me parterët ndërkombëtarë. Në rradh të parë me ShBA-në por edhe me KFOR-in si një nga faktorët kryesor në këtë situatë, tashmë është e qartë që Kurti edhe eksponentët e Qeverisë së tij po e thonë të njëjtën gjë që po e presin KFOR-in dhe QUINT-in, por e vërteta është që duke pritur këta jemi gjithë prej 1999 e tutje”./EO/

Related Topics:
Continue Reading

Aktualitet

Edmond Hajrizi, profesori ndërmarrës – Pa Komplekse me Elionin

Published

5 hours ago

on

January 25, 2026

By

Rektori i UBT-së, Prof. Dr. Edmond Hajrizi, ishte i ftuar në episodin e radhës të podcastit “Pa Komplekse – me Elionin”, ku përmes një bisede të hapur dhe inspiruese ndau reflektime personale dhe profesionale mbi rrugëtimin e tij akademik, sipërmarrës dhe institucional.

Në këtë episod, Prof. Dr. Hajrizi foli për mënyrën se si UBT ka arritur të pozicionohet si një institucion lider në arsimin e lartë në Kosovë dhe më gjerë. Gjatë bisedës, u diskutuan edhe raportet e UBT-së me universitetet tjera në Kosovë, duke vënë theksin në nevojën për bashkëpunim akademik, shkëmbim përvojash dhe ndërtim të një ekosistemi arsimor që i shërben zhvillimit të vendit.

Përveç dimensionit profesional, episodi solli edhe një anë më personale të Rektorit Hajrizi, i cili foli për Fisneten, bashkërrugëtuesen e tij në jetë dhe në punë, duke nënvizuar rolin e familjes dhe mbështetjes reciproke në ndërtimin e një karriere të suksesshme dhe me ndikim shoqëror.

Ju ftojmë ta ndiqni episodin e plotë të këtij podcasti në kanalin zyrtar në Youtube: Pa Komplekse – me Elionin

Continue Reading

Lajmet

Studentët e UBT-së në vizitë studimore në Presidencën e Republikës së Kosovës

Published

2 days ago

on

January 23, 2026

By

Profesorët e UBT-së, Prof. Dr. Avni H. Alidemaj (Fakulteti i Shkencave Politike dhe Juridike) dhe Prof. Dr. Alban Maliqi (Studimet e Sigurisë), organizuan një vizitë studimore për studentët e Shkencave Politike dhe Studimeve të Sigurisë, në kuadër të lëndëve E Drejta Administrative, Politikat e Shtetit të Mirëqenies Sociale dhe Hyrje në Drejtësi.

Qëllimi i kësaj vizite ishte pajisja e studentëve me njohuri të drejtpërdrejta mbi aktivitetet, strukturën organizative dhe kompetencat kushtetuese e ligjore të Institucionit të Presidentit të Republikës së Kosovës, si dhe rolin e tij në funksionimin e sistemit shtetëror.

Studentët u mirëpritën nga zyrtarë të lartë të Presidencës (Fehmi Mehmeti – Sekretar i Zyrës së Presidentës,  Besim Kajtazi – Drejtor i Departamentit për Çështje Juridike dhe Marrëdhënie Ndërkombëtare, Dafina Syla – Drejtoreshë e Departamentit për Shërbime të Përbashkët), të cilët prezantuan detyrat kryesore, përgjegjësitë institucionale dhe sfidat me të cilat përballet ky institucion gjatë ushtrimit të kompetencave të tij kushtetuese dhe ligjore.

UBT vazhdon me përkushtim të veçantë zbatimin e metodave bashkëkohore të mësimdhënies, me synim rritjen e cilësisë së mësimnxënies dhe ndërlidhjen e teorisë me praktikën. Vizitat studimore, hulumtimet e përbashkëta profesor-student, analizat e rasteve studimore dhe atyre hipotetike mbeten pjesë përbërëse e qasjes pedagogjike bashkëkohore që karakterizon këtë institucion të arsimit të lartë.

Continue Reading

Lajmet

Sorensen konfirmon nisjen e punës së Komisionit të përbashkët për të pagjeturit

Published

2 days ago

on

January 23, 2026

By

Një ditë pas takimeve të kryenegociatorëve të Kosovës dhe Serbisë në kuadër të dialogut në Bruksel i dërguari i posaçëm për dialog Peter Sorensen ka lëshuar një komunikatë ku konfirmon zhvillimin e parë të takimit trepalësh të Komisionit të përbashkët për të pagjeturit.

Ky komision ishte formuar si rezultat i marrëveshjes mes Kryeministrit të Kosovës Alban Kurti dhe Presidentit të Serbisë Aleksandar Vuçiq në maj të vitit 2023 gjatë një takimi në nivel të lartë.

Në deklaratën e Sorensenit thuhet se qëllimi i këtij komisionit është të mbikëqyr zbatimin e Deklaratës për të pagjeturit që do të kontribuonte në zbardhjen e fatit të personave të pagjetur që përfshin edhe personat e zhdukur me dhunë, të ofroj të të vërtetën për familjet dhe të ndihmoj paqen dhe pajtimin e qëndrueshëm.

Ky Komision do të mbështes Grupin punues për personat e pagjetur, që udhëhiqet nga Kryqi i Kuq ndërkombëtarë, duke lehtësuar aktivitetet e palëve në implementim dhe zgjidhjen e mospajtimeve gjatë procesit.

“Fasilituesi i BE-së, Kosova, Serbia dhe Kryqi i kuq ndërkombëtarë mund ti drejtohen Komisionit me çfarëdo pyetje lidhur me implementimin, aplikimin apo interpretimin e Deklaratës” thuhet në prononcimin e të dërguarit të posaçëm për dialog.

“BE ka pritje të mëdha nga Komisioni i përbashkët për të dhënë kontribut në zbardhjen e fatit të personave të zhdukur dhe për të ndihmuar në mbylljen e një kapitulli të dhimbshëm për familjet të cilat kanë pritur aq shumë për përgjigje2 thuhet më tej në këtë komunikatë.

Continue Reading

Lajmet

KEK realizon 97% të Planit Vjetor të Prodhimit të Energjisë Elektrike për vitin 2025

Published

2 days ago

on

January 23, 2026

By

Korporata Energjetike e Kosovës – KEK Sh.A. njofton se, bazuar në Bilancin Vjetor Energjetik të aprovuar nga Zyra e Rregullatorit për Energji (ZRRE), ka realizuar 97% të planit vjetor të prodhimit të energjisë elektrike për vitin 2025, pavarësisht sfidave teknike dhe ndërhyrjeve kapitale për modernizimin e njësive gjeneruese.

Ky rezultat është arritur gjatë një periudhe intensive pune, e cila ka përfshirë modernizimin e turbinave në njësinë B2, realizimin e remonteve të rregullta vjetore si dhe zbatimin e projekteve kapitale në njësitë B1, B2 dhe A3, duke siguruar funksionim të qëndrueshëm dhe të sigurt të sistemit energjetik kombëtar.

Analiza e të dhënave mujore të prodhimit dëshmon se, në disa muaj kyç, prodhimi ka tejkaluar planifikimin deri në 110%. Krahasimisht, në dhjetor 2024 realizimi i prodhimit ishte 76.5%, ndërsa në dhjetor 2025, falë përfundimit me sukses të remonteve vjetore dhe ndërhyrjeve modernizuese, si dhe me rënien e temperaturave dhe operimin paralel të pesë njësive gjeneruese, KEK ka tejkaluar planin e prodhimit me 102%. Periudhat me realizim më të ulët lidhen drejtpërdrejt me fazat intensive të modernizimit dhe remonteve të planifikuara. Megjithatë, në nivel vjetor, KEK ka ruajtur stabilitetin e sistemit energjetik kombëtar dhe ka përmbushur objektivat strategjike të prodhimit.

Realizimi vjetor prej 97% nuk përfaqëson vetëm një tregues statistikor, por është mbi të gjitha dëshmi konkrete e përkushtimit, profesionalizmit dhe përgjegjësisë së lartë të stafit teknik dhe të të gjithë punonjësve të KEK-ut, të cilët, përmes punës së palodhshme dhe angazhimit në terren, kanë garantuar funksionimin stabil dhe të sigurt të sistemit prodhues edhe në kushte jashtëzakonisht sfiduese. Ky rezultat është mbështetur dhe koordinuar nga strukturat menaxheriale, në funksion të krijimit të kushteve të nevojshme për realizimin e kësaj performance.

Ky rezultat konfirmon se KEK jo vetëm që po kalon nëpër një proces të thellë transformimi, por po e realizon këtë transformim duke garantuar njëkohësisht qëndrueshmërinë dhe stabilitetin e sistemit energjetik të Republikës së Kosovës, si dhe duke ndërtuar themelet e një sistemi energjetik modern, të sigurt dhe të qëndrueshëm për të ardhmen.

Continue Reading

Të kërkuara