Lajmet

Krasniqi homazhe në Izbicë: Në këtë përvjetor të dhembjes, thërrasim për drejtësi

Ai shprehu bindjen se së shpejti do të përfundojë vulosja e pafajësisë dhe drejtësisë për udhëheqësit e UÇK-së.

Published

on

Kryetari PDK-së, Memli Krasniqi së bashku me kryetarin e Skenderajt, Fadil Nura kanë kujtuar dhe nderuar 147 martirët e një prej masakrave më të mëdha në Kosovë, asaj të Izbicës, të cilët, 24 vjet më parë u vranë mizorisht nga regjimi kriminal serb.

Deputeti Krasniqi tha me këtë rast fatkeqësisht, janë mbi 400 masakra të kryera mbi popullsinë civile shqiptare, për të cilat, fare pak urdhërdhënës dhe ekzekutues kanë dalë para drejtësisë.

Prandaj, edhe në këtë përvjetor të dhembjes, ka bërë thirrje për drejtësi, të cilën akoma e presin dhe kërkojnë familjarët, shoqëria dhe shteti ynë.

“Sa herë që vjen marsi dhe rikthehet pranvera bashkë me to rikthehen edhe dhembja, edhe ditët e krenarisë tonë kombëtare, sepse ne shënojmë përvjetorët e disa prej masakrave më çnjerëzore që regjimi serb i Millosheviqit i bëri mbi popullatën civile shqiptare në vitin 1999. Këto masakra dhe këto sulme nuk ishin të rastësishme, sepse ishin pjesë të një fushate gjenocidale, një lufte që qëllim kishte shfarosjen e popullit shqiptar dhe dëbimin e tyre nga vendi ynë, nga Kosova. Një ndër këto masakra ndër shembujt me çnjerëzor të regjimit brutal të Millosheviqit ndodhi pikërisht këtu në Izbicë 24 vjet më parë ku 147 qytetarë të pafajshëm të Izbicës dhe të fshatrave për rreth në mënyrë çnjerëzore u vranë e u masakruan ashtu siç e pa e gjithë bota”, theksoi ai.

Kryetari i PDK-së, theksoi se lufta e UÇK-së ka qenë një luftë e drejtë. Ai shprehu bindjen e tij se së shpejti do të përfundojë vulosja e pafajësisë dhe drejtësisë për udhëheqësit e UÇK-së në Hagë.

“Si për ironinë e fatit ne sot si popull e si komb dhe si qytetarë ballafaqohemi me një fakt i cili është sa absurd aq edhe jo racional me faktin që pikërisht ata që u ngritën kundër atij pushteti e regjimi për të cliruar vendin, ushtarët e lirisë, themeluesit dhe udhëheqësit e UÇK-së, sot po mbahen në bankën e të akuzuarve në Hagë. Lufta e UÇK-së ka qenë një luftë e drejt dhe një luftë mbrojtëse. Dhe pa dyshim se ne jemi të bindur që ky proces që do të fillojë së shpejti do të përfundojë vulosjen e pafajësisë dhe drejtësisë për udhëheqësit e UÇK-së”, theksoi ai.

Ndërsa, kryetari i Skenderajt Fadil Nura u shpreh se masakra e Izbicës, me gjithë dhembshurinë për të gjitha viktimat e saj që u shkaktuan nga agresori serb 24 vjet më parë, mbetet dëshmi që i reziston kohës dhe çdo ndryshimi tjetër natyror e shoqëror se rruga për të mbërritur te liria, ishte e vështirë.

“Masakra e Izbicës është dhembja jonë kolektive, është malli i pa shuar për jetët e bashkëqytetarëve tanë. Është kujtimi i pavdekshëm për çlirimtarin e vogël, i cili ende pa i bërë dy muaj u nda në mënyrë të dhembshme nga prindërit që e sollën në jetë. Vetëm pesë javë nga jeta e tij e nisur mes krismave të kësaj ane dhe luftës së pabarabartë mes një populli liridashës dhe një agresori të neveritshëm, çlirimtari është viktima më e re e masakrës së Izbicës… Masakra e Izbicës është dëshmi që i reziston kohës dhe çdo ndryshimi tjetër natyror e shoqëror”, theksoi ai.

Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.

Continue Reading

Aktualitet

I dyshuari për krime lufte, Ramadan Morina, del para Gjykatës Themelore në Prishtinë

Published

on

Ramadan Morina, i dyshuar për krime lufte kundër popullsisë civile, doli para Gjykatës Themelore në Prishtinë, ku pritet t’i caktohet masa e paraburgimit.

Arrestimi i tij u njoftua këtë javë nga Prokuroria Speciale dhe Policia e Kosovës.

Morina dyshohet se gjatë periudhës 29-31 mars 1999, në bashkëkryerje me pjesëtarë të forcave policore dhe ushtarake serbe, ka marrë pjesë në masakrën e 34 civilëve shqiptarë në fshatin Burim, Komuna e Malishevës.

Ai po jetonte në Serbi dhe ishte me profesion taksist.

“Gjatë hetimeve janë siguruar prova materiale, përfshirë dëshmi të dëshmitarëve okularë dhe të mbijetuarve”, thuhet në njoftimin e Prokurorisë Speciale.

Continue Reading

Aktualitet

Përditësohen të dhënat në pikat kufitare

Published

on

Janë përditësuar të dhënat mbi fluksin në kufi, nga Qendra Kombëtare për Menaxhim Kufitar, ku sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra.

Pritjet më të gjata raportohen në pikat kufitare në Merdarë dhe Kullë ku pritjet për të hyrë në Kosovë shkojnë deri në 10 minuta, kurse në pikat tjera kufitare raportohen pritje nga 3 deri në 5 minuta.

Përditësimi i të dhënavë të fundit është në ora 07:14 të mëngjesit.

Continue Reading

Lajmet

​VAR mund të vendosë për kartonët e verdhë dhe goditjet nga këndi në të ardhmen

Published

on

Howard Webb thotë se fushëveprimi i ndihmësit të videos në Premier Ligë mund të zgjerohet në të ardhmen për të përfshirë vendimet për kartonët e verdhë dhe dhënien e goditjeve nga këndi.

Shefi i gjyqtarëve thotë se ligjvënësit e lojës, Bordi Ndërkombëtar i Shoqatës së Futbollit (IFAB), po shqyrtojnë mënyrën se si funksionon VAR dhe ai është i hapur për diskutime rreth përdorimeve të tjera.

VAR, i cili ka vepruar në Premier Ligë që nga sezoni 2019-2020, aktualisht mund të ndërhyjë vetëm në ato që perceptohen si vendime që ndryshojnë ndeshjen – gola, kartonë të kuq direkt, penallti dhe identitet i gabuar.

“VAR ka qenë në fuqi për shtatë vjet dhe ka mbetur pothuajse i njëjtë. Nëse loja, ose njerëzit e përfshirë, na thonë se përdorimi më i madh do të ishte më i mirë për lojën, atëherë sigurisht që do të isha i hapur – por duhet të mendojmë me kujdes për pasojat, efektet e valëzuara,” tha Webb për BBC Sport.

Webb beson se abuzimi i gjyqtarëve në të gjitha nivelet e lojës është më i keq se kurrë dhe thotë se po ofrohet më shumë mbështetje për të mbështetur gjyqtarët.

Në janar, policia nisi një hetim pasi Michael Oliver mori kërcënime me vdekje në internet. Në shtator, Anthony Taylor u shkarkua përkohësisht nga detyra e gjyqtarit pasi u abuzua në mediat sociale.

Continue Reading

Aktualitet

​Mbështetësit e Vuçiq sulmojnë protestuesit në Serbi

Published

on

Në Serbi protestuesit serbë janë ndeshur me policinë pasi që ata po vazhdojnë me protesta në disa qytete në Serbi pas sulmit të djeshëm nga mbështetësit e Partisë Progresive Serbe (SNS) ndaj demonstruesve në Vërbas dhe Baçka Pallankë.

Tubimet u organizuan nga “Studentët në bllokadë”, të cilët u bënë thirrje qytetarëve të dalin në rrugë dhe të protestojnë para ambienteve të partisë së Vuçiq dhe departamenteve të policisë.

Situata u përshkallëzua në Novi Sad kur piroteknikë u qëlluan drejt qytetarëve nga drejtimi i ambienteve të SNS.

Tubimet më të mëdha po zhvillohen në Beograd, Novi Sad, Nish, Kragujevc dhe qytete të tjera, duke përfshirë Suboticën, Shabacin, Leskovcin, Somborin, Pançevën dhe Valevën.

Prokuroria ka urdhëruar identifikimin dhe ndjekjen penale të personave që kanë sulmuar policinë. Ministri i Brendshëm i Serbisë, Ivica Daçiç, ka konfirmuar plagosjen e “shumë qytetarëve” dhe të paktën gjashtë policëve.

Dje në Vërbas, mbështetësit e Aleksandar Vuçiq sulmuan protestuesit me fishekzjarrë, gurë, shishe dhe çelësa dhe një sulm i ngjashëm ndodhi edhe në Baçka Pallankë.

Protestat në Serbi kanë shpërthyer pas shembjes së tendës hekurudhore më 1 nëntor 2024 në Novi Sad, ku mbetën të vdekur 16 persona.

Continue Reading

Të kërkuara