Mbrojtja e Selimit kundërshton zinxhirin komandues të pretenduar

Ndërsa vazhdojnë fjalët përfundimtare të mbrojtjes së Selimit, Eric Tully ka kundërshtuar pretendimin e Prokurorisë për ekzistencën e një zinxhiri komandues të rregullt.

Ai insiston se provat dokumentare, si kartat apo autorizimet, janë thjesht letra që nuk dëshmojnë një marrëdhënie reale epror–vartës dhe as fuqi urdhëruese të Selimit mbi personat në terren.

Avokati vë në dukje si dështim të akuzës faktin që nuk është paraqitur asnjë dëshmitar i vetëm që të konfirmojë se ka marrë urdhra drejtpërdrejt nga Selimi apo t’i ketë raportuar atij, duke argumentuar se Prokuroria nuk ka arritur të krijojë një lidhje logjike mes këtyre dokumenteve dhe krimeve të pretenduara në aktakuzë.

“ZPS-ja flet në aktakuzë për autorizime dhe disa karta që janë pranuar si prova gjyqësore, por këto autorizime nuk janë as udhëzime e as urdhra për të vepruar. Ato nuk përcaktojnë marrëdhënie epror–vartës apo ndonjë marrëdhënie tjetër kontrolli nga Selimi apo persona të tjerë që i zotëronin këto dokumente. Trupi gjykues duhet të ketë parasysh se ZPS-ja nuk ka sjellë asnjë person të vetëm që dëshmon se e ka pasur këtë kartë, që do të shpjegonte funksionin dhe rëndësinë e saj, e jo më t’u përgjigjet pyetjeve të thjeshta si: ‘A keni marrë ndonjë urdhër nga z. Selimi?’ ose ‘A i keni raportuar atij?’. Gjithashtu, nga ZPS-ja nuk është vërtetuar lidhja mes këtyre kartave dhe krimeve të pretenduara”, tha avokati i Selimit.

Hagë: Mbrojtja e Rexhep Selimi vazhdon edhe sot me fjalët përfundimtare

Në Dhomat e Specializuara në Hagë, edhe sot po vazhdon paraqitjen e fjalëve përfundimtare për ish-deputetin e Kuvendit të Kosovës Rexhep Selimi.

Para trupit gjykues, avokati i tij, Eric Tully, ka nisur fjalën përmbyllëse duke kundërshtuar fuqishëm pretendimet e Zyrës së Prokurorit të Specializuar (ZPS).

“Dokumentet jokonsistente, kontradiktore, shpeshherë të palidhura të hedhura në poshtë shënime tregojnë dëshpërimin e ZPS-së. Ndihemi të detyruar të theksojmë që ZPS nuk ka bërë as minimumin e mundshëm për të vërtetuar organizimet komplekse që i ka përshkruar në aktakuzë, as nuk ka ofruar prova se organi gramat ishin të vërteta dhe as nuk ka bërë përpjekje të dëshmojë që Selimi ishte në krye të saj”, deklaroi Tully para gjykatës.

Mbrojtja pritet të vazhdojë edhe gjatë ditës me elaborimin e argumenteve të saj, në përpjekje për të rrëzuar akuzat që rëndojnë ndaj Selimit.

Kryeministri i Kosovës, Albin Kurti, ka udhëtuar drejt Gjermania për të marrë pjesë në edicionin e 62-të të Konferenca e Sigurisë në Mynih (MSC), që mbahet nga 13 deri më 15 shkurt në Mynih.

Sipas njoftimit të Zyrës së Kryeministrit, përveç pjesëmarrjes në aktivitetet e organizuara në kuadër të konferencës, Kurti do të zhvillojë edhe takime bilaterale në margjina të samitit.

Në këtë ngjarje pritet të marrë pjesë edhe shefi i Agjencisë Kosovare të Inteligjencës, Petrit Ajeti.

E ftuar në konferencë ka qenë edhe presidentja e Kosovës, Vjosa Osmani, por ajo e ka anuluar pjesëmarrjen për shkak të angazhimeve institucionale dhe prioriteteve që lidhen me zhvillimet brenda vendit.

Konferenca e 62-të e Sigurisë në Mynih pritet të mbledhë qindra liderë botërorë. Në fokus të diskutimeve do të jetë lufta e Rusisë në Ukrainë, e cila në fund të shkurtit hyn në vitin e pestë, si dhe tensionet që lidhen me Iranin.

Përfaqësuesja e Kosova do të garojë në Grupin B3 të edicionit 2026-2027 të UEFA Nations League, ku do të përballet me Izraeli, Austria dhe Irlanda.

Trajneri i Kombëtares  Kosovës, Franco Foda, e cilësoi grupin si mjaft sfidues, duke theksuar se Austria mbetet favoritja kryesore.

“Është e qartë se Austria është favorite në këtë grup, por është një grup interesant. Qëllimi ynë është të bëjmë gjithçka për ta arritur vendin e dytë, sepse është një grup i fortë. Të paktën duhet ta ruajmë nivelin dhe të mos biem në Ligën C,” deklaroi Foda.

Sa i përket rikthimit në Austri, Foda e pranon se kjo ndeshje ka një domethënie të veçantë për të, pasi do të përballet me ish-lojtarët e tij dhe pret mbështetje të madhe nga tifozët atje. Megjithatë, ai thekson se fokusi aktual mbetet te ndeshjet e muajit mars.
Ndërkohë, presidenti i Federata e Futbollit e Kosovës, Agim Ademi, e pranoi se shorti nuk ishte i lehtë.
“Short jo i lehtë, por jemi në Ligën B dhe aty nuk ka ndeshje të lehta. Kosova është në një nivel tjetër dhe besoj se do të mund t’ia dalim.”

Kosova synon paraqitje dinjitoze në Ligën B dhe objektivi minimal mbetet mbijetesa në këtë nivel, ndërsa ambicia është lufta për pozitën e dytë në një grup që pritet të sjellë përballje të forta dhe emocionuese.

1. Kuvendi i Kosovës ka miratuar me 99 vota për zgjatjen buxhetore edhe për muajin mars të këtij viti.

Vendimi vjen si pasojë e mosmiratimit të Buxhetit për vitin 2026. Për shkak të kësaj situate, shteti ka funksionuar për dy muaj përmes ligjit për zgjatje buxhetore, ndërsa ekzekutivi ka kërkuar vazhdimin e kësaj mase deri në përfundimin e procedurave për miratimin e buxhetit në dy leximet dhe dekretimin e tij.

Qeveria ka arsyetuar se zgjatja është e domosdoshme për të shmangur pengesat në procesin e pagesave dhe për të garantuar funksionimin normal të institucioneve.

Edhe në këtë votim, Lista Serbe nuk ka marrë pjesë.