Lajmet

KQZ-ja në zgjedhjet e ardhshme garanton përfaqësim gjinor të barabartë

Published

2 years ago

on

Komisioni Qendror i Zgjedhjeve së bashku me OSBE-në diskutuan për pjesëmarrjen gjinore në trupat e menaxhimit të zgjedhjeve komunale dhe në vendvotime lokale. Kryetari i KQZ-së, Kreshnik Radoniqi ka njoftuar se me hyrjen në fuqi të Ligjit për zgjedhje të përgjithshme është shtuar një rregullore e cila i referohet komisioneve komunale për të garantuar në zgjedhjet e ardhshme një përfaqësim, të drejtë dhe pjesëmarrje gjinore.

Radoniqi tha se përfaqësimi gjinor do të ndikonte edhe në avancim të një menaxhimi të zgjedhjeve. Ai tha se me Rregullorja e re e Ligjit për zgjedhje të përgjithshme nuk ka fuqi detyruese, por KQZ-ja do të përpiqet për një përfaqësim gjinor.

“Kur flasim për përfaqësimin gjinor në trupat e menaxhimit të zgjedhjeve vëmendjen e kemi të përfaqësimi i ulët i grave. Përfaqësimi i barabartë gjinor është një ndër vlerat themelore të zhvillimit demokratik të shoqërisë, prandaj duhet të angazhohemi bashkërisht të avancojmë në këtë aspekt të demokracisë në vendin tonë. Konsideroj se përfaqësimi i barabartë gjinor do të ndikonte në rritjen e pjesëmarrjes dhe përfshirje të gjithëve në proces zgjedhor. Aktualisht në Ligjin për zgjedhje të përgjithshme nuk ka detyrime të veçanta përmes të cilave specifikohet barabartë gjinor në trupat e menaxhimit të zgjedhjeve, përveç se mungon një gjë e tillë, nuk ka as një kuotë që rregullon këtë menaxhim. Në Ligjin e ri për zgjedhje të përgjithshme në nenin 67 është shtuar një fjali, në lidhje më këtë çështje, por që nuk ka fuqi detyruese dhe i referohet vetëm Komisioneve komunale të zgjedhjeve, sipas këtij neni KQZ-ja duhet të përpiqet të garantojë përfaqësimin e drejtë për të gjitha komunitet duke përfshirë edhe pjesëmarrjen gjinore” tha Radoniqi.

Po ashtu, kreu i KQZ-së tha se të dhënat e përgjithshme të përfaqësimit të grave tregojnë se jemi larg në këtë aspekt dhe duhet të punohet fuqishëm.

“Në rritje të përqindjes së pjesëmarrjes së grave të dhënat e përgjithshme tregojnë se jemi larg arritjes së përfaqësimit të barabartë gjinor në këto trupa zgjedhor, prandaj na duhet angazhim më i fuqishëm për të ndryshuar këto shifra” tha Radoniqi

Ambasadori i OSBE-së në Kosovë, Michael Davenport, u shpreh se KQZ-ja duhet të lavdërohet për përpjekjet për barazinë gjinore. Ai tha se është sfidë situata e përfaqësimi gjinor, sipas tij Kosova ka një normë të madhe të pa punësimit dhe gratë ngadalë po i kërkojnë të drejtat e tyre.

“Është një parim fondamental i OSBE-së që barazia gjinore, pjesëmarrja e barabartë gjinore në jetën publike jo vetëm që kontribuon barazisë më të madhe dhe proceseve më të përfshira, p.sh. një zhvillim ekonomik të qëndrueshëm, por gjithashtu edhe një pjesëmarrje e barabartë e nevojshme nëse do të donim të shohim përmirësime në politikë bërjen dhe vendim marrjen për gjitha grupet dhe grup mosha. Ne duhet të shohim dhe të njohim që ka edhe një kohë që duhet, pra të merret në përfaqësimin qoftë në jetën publike apo politike. Kjo është një sfidë e madhe dhe norma e pa punësimit të femrave në Kosovë është në mënyrë masive më e lartë se sa për burrat, dhe gratë ngadalë po i kërkojnë të drejtat e tyre sa i përket trashëgimisë pronësore dhe këto sfida nuk izolohen dhe nuk kanë të bëjnë vetëm në Kosovë dhe regjionin” tha Davenport.

Davenport shtoi se përfaqësimi gjinor i grave në zgjedhjet lokale të fundit ka pasur ngritje 19% por se është nën 30%. Ai tha se këto shifra duhet të përmirësohen për zgjedhjet e ardhshme.

“Ne duhet të njohim mungesën e balancës që ende po mbizotëron në trupat menaxhuese të zgjedhjeve, p.sh. në zgjedhjet e kaluara edhe ato të Kuvendit dhe vendore në gjatë vitit 2021, p.sh. për zgjedhjet e fundit lokale kjo statistikë përqindje tek KKZ të cilat kanë qenë gra është shtuar për 19%, dhe për vetëm 15% KKZ-ve në zgjedhjet e fundit kanë qenë gra, statistikat dhe numrat kuptoj që ka qenë pak më mirë por kanë qenë nën 30% p.sh. për dy parë zgjedhjet pra duket që për neve si mision i OSBE-së dhe gjithashtu është koha reale që ne do të shikonim se si kjo do të përmirësohej, duhet të përmirësohet, se si kjo do të përmirësohet për zgjedhjet e tjera të kuvendit dhe lokale, kur të ndodhin. Inkurajoj partitë politike që të tregojnë përkushtimin e tyre të vërtet, që edhe pse më duhet të them që disa prej tyre nuk e kanë treguar këtë, me disa përjashtime, neve vërtet na duhet ky përkushtim në formën e pjesëmarrjes në punëtoritë në nivelin regjional”, tha Davenport.

Related Topics:
Continue Reading

Vendi

Rektori i UBT-së në Washington, mes liderëve botërorë në Lutjet Nacionale të Mëngjesit në SHBA

Published

2 hours ago

on

February 5, 2026

By

Rektori i UBT-së, Prof. Dr. Edmond Hajrizi, po qëndron për vizitë zyrtare në Shtetet e Bashkuara të Amerikës, ku mori pjesë në Lutjet Nacionale të Mëngjesit në Washington, një ngjarje prestigjioze ku mori pjesë edhe Presidenti i SHBA-së, Donald Trump, si dhe liderë të lartë politikë dhe institucionalë nga e gjithë bota.

Ky manifestim tradicional, i cili organizohet që nga viti 1953, mbahet çdo të enjte të parë të muajit shkurt dhe përfaqëson një nga ngjarjet më të rëndësishme shpirtërore dhe institucionale në SHBA.

Lutjet Nacionale të Mëngjesit mbledhin anëtarë të Kongresit Amerikan, politikanë, liderë ushtarakë, si dhe mysafirë nga mbi njëqind vende të botës.

Pjesëmarrja e Prof. Dr. Edmond Hajrizi në këtë ngjarje të rëndësishme përbën një moment domethënës për përfaqësimin akademik dhe institucional të Kosovës në një platformë globale me ndikim të veçantë.

Continue Reading

Vendi

Rektori Hajrizi merr pjesë në pritjen e organizuar nga Ambasada e Kosovës në SHBA

Published

6 hours ago

on

February 5, 2026

By

Rektori i UBT-së, Prof. Dr. Edmond Hajrizi, mori pjesë në pritjen e organizuar nga Ambasadori i Kosovës në SHBA, z. Ilir Dugolli, për delegacionin nga Kosova që po merr pjesë në Lutjet Nacionale të Mëngjesit në Washington.

Gjatë këtij takimi, Rektori Hajrizi pati mundësinë të takohet me deputetë, sipërmarrës, përfaqësues të komunitetit dhe medias, si dhe personalitete të tjera nga jeta akademike dhe institucionale, duke forcuar lidhjet ndërkombëtare dhe duke përfaqësuar Kosovën në një nivel institucional dhe akademik.

Continue Reading

Lajmet

Shqipëria lejon rihapjen e TikTokut

Published

8 hours ago

on

February 5, 2026

By

Qeveria e Shqipërisë ka sqaruar vendimin e 3 shkurtit për rikthimin e TikTok pas gati një viti mbylljeje.

Në sqarim thuhet se vendimi u mor pas një rivlerësimi institucional dhe adresimit të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Qeveria bën me dije se bashkëpunimi i autoriteteve shqiptare me përfaqësuesit e platformës është institucionalizuar dhe se fokusi është zhvendosur nga ndalimi i aksesit në monitorim aktiv dhe përgjegjësi të përbashkët për sigurinë digjitale.

“Sot, autoritetet shqiptare janë në partneritet me përfaqësuesit e TikTok, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.

Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale”, thuhet në njoftimin e Agjencia për Media dhe Informim .

Njoftimi:

Agjencia për Media dhe Informim sqaron median dhe opinion publik në lidhje me vendimin e Këshillit të Ministrave datë 03.02.2026 për heqjen e masave të përkohshme për ndalimin e aksesit në platformën online TikTok

Heqja e masave të përkohshme për ndërprerjen e aksesit në platformën online TikTok është rezultat i një rivlerësimi institucional dhe i adresimit konkret të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Masa e miratuar nga Këshilli i Ministrave në mars 2025 u konceptua dhe u zbatua si një ndërhyrje e parandaluese, në funksion të mbrojtjes së interesit publik dhe adresimit të shqetësimeve të evidentuara gjatë asaj periudhe. Ajo shërbeu edhe për të hapur një dialog të drejtpërdrejtë dhe konstruktiv me platformën, duke vendosur bazat për mekanizma të rinj sigurie, të cilët më parë nuk ishin të pranishëm. Sot, autoritetet shqiptare janë në partneritet me përfaqësuesit e TikTok, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.

Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale.

Paralelisht, po punohet për hartimin e një plani të mirëfilltë komunikimi dhe ndërgjegjësimi, të fokusuar te fëmijët, të rinjtë, prindërit dhe mësuesit, për përdorimin e sigurt dhe të përgjegjshëm të platformave online. Qëllimi është i qartë dhe i orientuar drejt edukimit digjital, mbrojtjes reale dhe ndërtimi i një kulture sigurie në hapësirën online.

Kjo qasje e balancuar synon të garantojë lirinë e aksesit, duke vendosur njëkohësisht interesin e sigurisë dhe mirëqenies së të rinjve në qendër të politikave publike. /REL/

 

Continue Reading

Lajmet

Presidentja Osmani takon Kryetaren e Autoritetit të Kulturës dhe Arteve në Emiratet e Bashkuara Arabe

Published

9 hours ago

on

February 5, 2026

By

Presidentja e Kosovës Vjosa Osmani-Sadriu, gjatë qëndrimit në Emiratet e Bashkuara ka takuar Sheikha Latifa bint Mohammed bin Rashid Al Maktoum, Kryetare e Autoritetit të Kulturës dhe Arteve.

Osmani është shprehur se Kosova dhe Emiratet e Bashkuara Arabe kanë hapësirë për mundësi bashkëpunimi në shumë fusha.

“Kosova dhe Emiratet e Bashkuara Arabe kanë më shumë sesa miqësi: kanë hapësirë për të hapur kapituj të rinj bashkëpunimi edhe në në kulturë, krijimtari, art dhe inovacion”, shkruan Osmani.

Qëllimi i vizitës së Presidentes Osmani në Emiratet e Bashkuara Arabe ishte për Samitin Botëror të Qeverisjes, ku morën pjesë edhe shumë lider tjerë botëror.

Continue Reading

Të kërkuara