Lajmet

KQZ do të kërkojë nga qeveria që të pezullojë kufizimin e lëvizjes në ditë e zgjedhjeve

Një kërkesë e tillë është bërë edhe nga Sekretariati i KQZ-së.

Published

on

Komisioni Qendror i Zgjedhjeve do t’i drejtohet Qeverisë së Kosovës me kërkesën që të pezullojë kufizimin e lëvizjes së qytetarëve për 48 orë, në periudhën kur do të votohet për zgjedhjet lokale në Kosovë. Kështu është vendosur në mbledhjen e sotme të KQZ-së.

Një kërkesë e tillë është bërë edhe nga Sekretariati i KQZ-së.

Në mbledhjen e sotme të KQZ-së, kryeshefi i Sekretariatit të KQZ-së, Burim Ahmetaj ka bërë të ditur se është raportuar për 20 tubime politike zgjedhore të cilat i kanë shkelur masat anti-Covid, e që përfshijnë periudhën nga 16 shtatori deri më 11 tetor.

“Nga 16 shtator deri më 11 tetor, sipas raportimeve nga komisionet komunale të zgjedhjeve, deri më tani janë paraqitur 896 kërkesa për tubime politike, sipas rregullave të KQZ-së dhe masave mbrojtëse nga qeveria e Kosovës.

Sipas raporteve që i kemi deri më tani, 20 tubime politike janë mbajtur pa i përfillur rregullat zgjedhore dhe vendimin e qeverisë për masat mbrojtës e ndaj Covid 19, kurse 896 tubime të tjera politike të miratuara nga KKZ dhe policia prej tyre 181 edhe pse janë lajmëruar, nuk janë mbajtur fare”, ka thënë Ahmetaj.

Ndër të tjera, sekretariati ka rekomanduar që në secilin vendvotim të lejohet vetëm nga një vëzhgues nga një subjekt politik, për shkak të situatës me pandeminë.

Gjthashtu ai ka bërë të ditur se deri më 12 tetor, KQZ ka pranuar 3 mijë e 481 pako që supozohet të jenë fletëvotime nga jashtë Kosovës.

“Aktualisht jemi në periudhën e votimit jashtë Kosovës, periudhë e cila ka filluar më 15 shtator dhe do të përfundojë më datën 15 tetor, deri më datën 12 tetor, KQZ ka pranuar gjithsej 3 mijë e 481 pako të supozuara me fletëvotime… Do të pranohen pako me fletëvotime deri më datën 15 tetor, deri në orën 23:59”, ka thënë ai.

Në zgjedhjet e 17 tetorit, menaxherët e qendrave të votimit do të kenë për detyrë t’u kërkojnë trupave zgjedhor dëshmitë e vaksinimit, testin PCR negativ apo dëshminë që e ka kaluar virusin në gjashtë muajt e fundit.

Ndërsa një gjë e tillë nuk vlen për qytetarët e Kosovës do të cilët do të jenë votues më 17 tetor.

KQZ ka shtuar se personat që kanë edhe shtetësinë e Maqedonisë së Veriut do të mund të votojnë atje ku identifikimi do të bëhet në mënyrë elektronike.

Gjithashtu është bërë e ditur se janë 3292 votues me nevoja të veçanta.

Ndërsa u njoftua se ka përfunduar printimi i listave përfundimtare të votuesve dhe të njëjtat kanë arritur në depon qendrore të KQZ-së dhe procesi i shtypjes së formularëve është në proces e sipër.

Është finalizuar numri dhe përbërja e ekipeve mobile ku është bërë e ditur se do të jenë 194 ekipe mobile, 109 për personat me nevoja të veçantë dhe 87 për personat e infektuar me Covid-19.

Lajmet

Januzaj kthehet në skenë me dy gola

Published

on

Futbollisti shqiptar me pasaportë belge, Adnan Januzaj, ishte kryefjala e Sevillës në fitoren prej 1:4 në Kupën e Mbretit ndaj Toledos.

Januzaj shkëlqeu me paraqitjen e tij, duke shënuar dy gola gjatë ndeshjes.

Golin e parë Januzaj e shënoi në minutin e 40, kurse golin tjetër në minutën e 48-të, duke kaluar pak minuta prej njëra-tjetrës./S.K/EO/

Continue Reading

Lajmet

Maqedonci takohet me ambasadorin gjerman, diskutojnë për sigurinë dhe kapacitetet aktuale të FSK-së

Published

on

Ministri në detyrë i Mbrojtjes, Ejup Maqedonci ka diskutuar mbi situatën e sigurisë në vend me ambasadorin e Gjermanisë në Kosovë, Rainer Rudolph.

Maqedonci teksa njoftoi për takimin mes tyre, thekson se ka shprehur mirënjohje për mbështetjen që Gjermania i ka dhënë Kosovës, dhe pranin e shtuar të trupave gjermane në kuadër të KFOR-it.

“Ishte kënaqësi që sot të pres në takim ambasadorin e Gjermanisë në Kosovë, Rainer Rudolph. Në këtë takim diskutuam mbi situatën e sigurisë në vend, për stabilitetin e sfidat e vendit dhe rajonit në një periudhë sfiduese për sigurinë, ndërsa e informova dhe për kapacitetet aktuale të FSK-së. Shpreha mirënjohjen time për mbështetjen e gjatë të shtetit gjerman ndaj Republikës së Kosovës, praninë e shtuar të trupave gjermane në kuadër të KFOR-it, si dhe besimin e thellë që ky bashkëpunim dhe me ambasadorin Rudolph do të vazhdojë në drejtim të thellimit të bashkëpunimit ndërmjet vendeve tona në fushën e sigurisë dhe mbrojtjes, si dy shtete që ndajmë interesa të përbashkëta”, ka shkruar Maqedonci./S.K/EO/

Continue Reading

Lajmet

Arrestime në Fushë Kosovë dhe Ferizaj për posedim dhe shitje të narkotikëve

Published

on

Policia e Kosovës ka bërë të ditur se ka arrestuar katër shtetas të Turiqsë në Fushë Kosovë.

Të njëjtit dyshohen për posedim dhe shitje të narkotikëve teksa gjatë bastisjes siç bën të ditur Policia ka sekuestuar 1,482 gramë substancë narkotike të llojit marihuanë.

“Janë arrestuar katër të dyshuar meshkuj shtetas të Turqisë, pasi që gjatë kontrollit të vendbanimeve të tyre janë gjetur dhe sekuestruar 1482 gram substancë narkotike e llojit marihuanë, 590€, 8 telefona mobil, një automjet (fugon), një laptop, si dhe disa gjësende të tjera që lidhen me rastin. Me vendim të prokurorit të dyshuarit janë dërguar në mbajtje”, thuhet në raportin 24-orësh të Policisë.

Ferizaj

Edhe në Ferizaj, dy persona janë arrestuar pasi që gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Policia gjeti edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin. Me vendim të prokurorit të dyshuarit janë dërguar në mbajtje./S.K/PK/

Continue Reading

Lajmet

Gjenden eshtra në Veri, dyshohet se i përkasin luftës së fundit

Published

on

Disa mbetje eshtrore janë gjetur në veri të Mitrovicës, të cilët dyshohet se i përkasin luftës së fundit në Kosovë kanë thënë njësitet policore të Departamentit për Hetimin e Krimeve të Luftës.

Rasti ka ndodhur derisa një familje e cila po gërmonte te një varr për një familjar të tyre, ka hasur në një batanije.

Njësitet policore të Departamentit për Hetimin e Krimeve të Luftës në koordinim me Institutin e Mjekësisë Ligjore dhe Komisionin Qeveritar për Persona të Zhdukur, kanë dalë në vendin e ngjarjes.

Mbetjet eshtërore janë tërhequr nga IML-ja për ekzaminime të mëtejshme, thuhet në njoftimin e policisë.

Lidhur me rastin është informuar edhe prokurori./S.K/EO/

Continue Reading

Të kërkuara