Sport

Kosova U17 dhe U19 mëson kundërshtarët në kualifikimet drejt Evropianit të vajzave

Fituesi i çdo grupi dhe kombëtarja me bilancin më të mirë nga pozitat e dyta promovohen në Ligën A për të vazhduar më pas kualifikimet drejt Evropianit 2023.

Published

3 years ago

on

Në selinë e UEFA-s në Nion të Zvicrës sot u bë tërheqja e shortit për fazën kualifikuese të Kampionatit Evropian të grupmoshave U17 dhe U19 në konkurrencën e femrave.

Kombëtarja e Kosovës në grupmoshat U17, e cila siguroi promovimin në Ligën A të kualifikimeve për Euro 2023 si skuadra që kishte bilancin më të mirë nga pozita e dytë, u pozicionua në Grupin 5 së bashku me Republikën e Irlandës, Francën e Italinë.

Ndeshjet në kuadër të këtij grupi do të zhvillohen në Francë më datat 23, 26 dhe 29 mars të vitit 2023.

Në Ligën A pjesëmarrëse janë 28 ekipe, ku shtatë fituesit eventual të grupeve do të kualifikohen drejt Kampionatit Evropian që zhvillohet në Estoni, ndërkaq skuadrat që përfundojnë në vendin e katërt në grupet e tyre do të bien në Ligën B.

Në anën tjetër, Kosova U19 do të jetë pjesëmarrëse e kualifikimeve në Ligën B të Euro 2023, ku tani është pozicionuar në Grupin 3 së bashku me Irlandën e Veriut, Qipron dhe Letoninë.

Përballjet e këtij grupi zhvillohen më data 4,7 dhe 10 prill të vitit të ardhshëm në Irlandën e Veriut. Fituesi i çdo grupi dhe kombëtarja me bilancin më të mirë nga pozitat e dyta promovohen në Ligën A për të vazhduar më pas kualifikimet drejt Evropianit 2023. 

Related Topics:
Continue Reading

Lajmet

Chelsea synon Panichelli që po shkëlqen në Ligue 1

Published

43 minutes ago

on

October 30, 2025

By

Me nëntë gola në dhjetë ndeshje në Ligue 1, Joaquin Panichelli ka tërhequr vëmendjen e klubeve më të mëdha evropiane.

Sulmuesi argjentinas, 23 vjeç, është duke shkëlqyer te RC Strasbourg, duke përfshirë së fundmi edhe një performancë të jashtëzakonshme kundër PSG.

Chelsea FC po punon për ta sjellë Panichellin në Londër në afatin e verës. Raportet e klubit londinez me Strasbourg mund ta bëjë transferimin më të lehtë./S.K/EO/

Continue Reading

Lajmet

Ylli i Barcelonës do të mungojë në 10 ndeshje

Published

59 minutes ago

on

October 30, 2025

By

Pedri Gonzalez do të jetë jashtë fushave të blerta për më shumë se një muaj, pasi që problemet me lëndime po vazhdojnë te gjiganti katalunas.

Pas Lewandowskit, Raphinas, Olmos, Joan Garcias, Christensenit, Gavit, Ter Stegenit, edhe mesfushori spanjoll edhe Gonzalez do të mungojë për të paktën 10 ndeshje.

Sipas gazetarit sportiv italian dhe njëherësh ekspertit të transfereve, Fabrizio Romano, Pedri do të mungojë ndaj ekipeve: Elche, Club Brugge, Celta Vigo, Athletic Club, Chelsea, Alaves, Atletico Madrid, Real Betis, Frankfurt dhe Osasuna.

Lajmi pozitiv për trajnerin Hansi Flick ishte rikthimi në ushtrime i sulmuesit Robert Lewandowski këtë javë dhe mund të ketë minuta loje për polakun në ndeshjen ndaj Elches këtë fundjavë./S.K/KP/

Continue Reading

Lajmet

​Leao në dyshim për derbin me Romën

Published

1 hour ago

on

October 30, 2025

By

Milani ka shqetësime për gjendjen fizike të Rafael Leaos para ndeshjes vendimtare të fundjavës kundër Romës. Sulmuesi portugez u largua nga fusha në pjesën e parë të barazimit 1-1 ndaj Atalantës dhe iu nënshtrua kontrolleve mjekësore.

Sipas “Gazzetta dello Sport”, testet nuk zbuluan dëmtim serioz, por lojtari po vuan nga një inflamacion në vijë, çka e vë në dyshim për ndeshjen e së dielës.

Leao, 26 vjeç, ka qenë titullar në tre ndeshjet e fundit të Milanit në Serie A, duke shënuar tre gola, pas një periudhe mungese për shkak të dëmtimit në pulpë.

Nëse nuk do të jetë gati, trajneri mund të aktivizojë Christopher Nkunku ose Ruben Loftus-Cheek, pasi Christian Pulisic dhe Santiago Gimenez pritet të mungojnë.

Ndërkohë, Ardon Jashari dhe Pervis Estupinan janë rikthyer në stërvitje me grupin, ndërsa Pulisic dhe Adrien Rabiot synojnë të jenë gati për ndeshjen ndaj Parmës më 8 nëntor./S.K/KP/

Continue Reading

Lajmet

Fitore të mëdha për Llapin dhe Drenicën në xhiron e 11-të të Superligës

Published

7 hours ago

on

October 30, 2025

By

Xhiroja e 11-të e Superligës së Kosovës solli duele tejet interesante, ku Llapi dhe Drenica regjistruan fitore të mëdha ndaj rivalëve të tyre, duke ndikuar drejtpërdrejt në ecurinë e tabelës.

Llapi e ndali serinë pozitive të Prishtinës, duke e mposhtur me rezultat 2:1. Skuadra e Tahir Batatinës shfaqi lojë të vendosur, duke marrë epërsinë në pjesën e parë me golin e Edon Sadriut, ndërsa Axel Gnap shënoi golin e dytë në pjesën e dytë për të vulosur fitoren.
Për Prishtinën, goli i vetëm u realizua nga Leotrim Kryeziu, që megjithatë nuk mjaftoi për të shmangur humbjen.

Ndërsa Drenica arriti një fitore të madhe me përmbysje 3:1 ndaj kampiones aktuale, Dritës. Ronaldo Chacon u bë hero i takimit me dy gola, ndërsa fitoren e kompletoi Kreshnik Uka. Nga ana tjetër, goli i Albert Dabiqajt mbeti vetëm statistikë, teksa Drenica ndërpreu një seri negative, duke ia ndalur njëkohësisht edhe ecurinë pozitive Dritës.

Në një tjetër përballje, Ferizaj triumfoi bindshëm ndaj Prishtinës së Re me rezultat 3:0. Golat u shënuan nga Sadriu, Berisha dhe Selmani, duke i dhënë skuadrës tri pikë të vlefshme në garën për mbijetesë./UBTNews

Continue Reading

Të kërkuara