Lajmet

Kosova shënon progres në fushën e ndërmjetësimit

Sipas Hajdarit, progresi është parë edhe në uljen e lëndëve që institucionet gjyqësore kanë pasur si ngarkesë.

Published

on

Qendra për Zgjidhjen Alternative të Kontesteve-Qendra për Ndërmjetësim Mitrovicë (ADRC-MCM) ka publikuar të premten hulumtimin “Reforma e kornizës ligjore, praktika dhe sfidat e ndërmjetësimit në Kosovë”. Aty u tha se Kosova ka shënuar progres në fushën e ndërmjetësimit, sidomos në aspektin ligjor, mirëpo ende ka mungesë të vetëdijesimit të qytetarëve për procedurën e ndërmjetësimit. Në anën tjetër, në vitin 2022 është rritur edhe numri i rasteve që gjykatat dhe prokuroritë kanë referuar për ndërmjetësim.

Menaxherja e projekteve në ADRC, Zana Syla, tha se ky hulumtim synon të shtjellojë kornizën ligjore dhe gjendjen faktike të ndërmjetësimit.

“E trajton apo shtjellon kornizën ligjore të ndërmjetësimit në Kosovë, mbase për herë të parë në mënyrë kaq të gjerë, bashkë me benefitet, ndryshimet apo risitë që i ka kjo kornizës. Ajo synon të raportojë edhe implementimin e procedurës së ndërmjetësimit në nivel të Kosovës, po ashtu statistikat e ndërmjetësimit, po aq sa ato kanë mundësi që të merren”, tha ajo.

Ndërkaq, autorja e hulumtimitFlorentina Hajdari, tha se Kosova ka shënuar progres në fushën e ndërmjetësimit. Sipas saj, kjo është parë edhe në uljen e lëndëve që institucionet gjyqësore dhe prokuroritë themelore kanë pasur si ngarkesë brenda tyre.

“Vitet e fundit me ardhjen në fuqi të Ligjit të ndërmjetësimit, Kosova ka shënuar progres, sidomos me trajtimin apo rritjen e lëndëve të referuara nga gjykatat dhe prokuroritë themelore. Gjithashtu ka shënuar progres në uljen e lëndëve që institucionet gjyqësore dhe prokuroritë themelore kanë pasur si ngarkesë brenda tyre”, theksoi Hajdari.

Në anën tjetër,kryetarja e Odës së Ndërmjetësuesve të Kosovës, Ganimete Xhelili, përmendi si sfidë mungesën e referentave në zyre të ndërmjetësimit në Gjykata.

“Është evidentuar se jo të gjithë këta e kanë punë primare, referimin e rasteve ose menaxhimin dhe administrimin e atyre zyrave. Kjo paraqet një pengesë, qoftë në raporte, punë që kryhet apo komunikim me palë dhe ndërmjetësues. Mënyra e përzgjedhjes dhe ndarjes së rasteve në këto mënyra të ndërmjetësimit është evidente, referimi i rasteve dhe të tjera”, deklaroi ajo.

Në tryezën e sotme u adresuan edhe disa rekomandime karshi institucioneve të drejtësisë, ku mes tjerash u kërkua që të publikohet dhe shpërndahet sa më shpejtë regjistrin e ri të ndërmjetësuesve të Kosovës, bashkë me profilizimet e tyre.

Lajmet

Macron dënon kërcënimet me vdekje ndaj gjyqtares që e dënoi Le Penin

Published

on

Presidenti francez, Emmanuel Macron, ka dënuar kërcënimet me vdekje ndaj gjyqtares Benedikte de Perthuis, e cila ishte ndër tre gjyqtarët që dënuan lideren e ekstremit të djathtë, Marine Le Pen. Macron e quajti këtë veprim “absolutisht të papranueshëm dhe të patolerueshëm” dhe tha se gjyqtarja është vënë nën mbrojtjen e policisë, ndërsa autoritetet po hetojnë kërcënimet. Ai gjithashtu theksoi se dega gjyqësore është e pavarur dhe ligji është i barabartë për të gjithë.

Në lidhje me dënimin e Le Pen, Macron theksoi se të gjithë të akuzuarit kanë të drejtë të ndjekin rrugët ligjore. Le Pen është shpallur fajtore për përvetësim të fondeve të Bashkimit Evropian për financimin e partisë së saj dhe është dënuar me katër vjet burgim, dy prej të cilave me kusht. Ajo gjithashtu është ndaluar të kandidojë për poste publike për pesë vjet dhe është dënuar me një gjobë prej 100.000 euro. Dënimi për ndalimin e kandidimit është me efekt të menjëhershëm, ndërsa burgimi dhe gjoba do të zbatohen pas përfundimit të apeleve.

 

Continue Reading

Lajmet

Kurti flet për gjobën e Themelores: Më dënojnë mua nganjëherë por mos u mërzitni ju

Published

on

Kryeministri në detyrë, Albin Kurti, ka komentuar gjobën prej 250 euro të vendosur nga Gjykata Themelore e Prishtinës për shkak të mosparaqitjes së tij në Prokurorinë Speciale (PSRK) lidhur me rastin e rezervave shtetërore. Kurti tha se ndonjëherë e dënojnë atë, por ka sugjeruar që gazetarët të mos mërziten për këtë. Ai bëri këto komente pas përurimit të çerdhes në lagjen “Rezinë” të Gjakovës.

Kurti është paralajmëruar për gjobë që nga fundviti i kaluar për shkak të refuzimit për t’u paraqitur në prokurori. Ai ka kërkuar që prokurorët të shkojnë në zyrën e tij, duke theksuar se ka precedent për këtë, por Gjykata ka urdhëruar që ai të dëshmojë në prokurori lidhur me dyshimet për dëm ekonomik në rezervat shtetërore. Prokuroria dyshon se shteti është dëmtuar me rreth 600,000 euro gjatë blerjes së produkteve për rezervën shtetërore.

Continue Reading

Lajmet

Rutte: Duhet të sigurohemi që situata në Kosovë të mbetet stabile

Published

on

Sekretari i përgjithshëm i NATO-s, Mark Rutte, ka theksuar se autorët e sulmit në Banjskë dhe ndaj trupave të KFOR-it në veri të Kosovës, më 2023, duhet të mbahen përgjegjës, dhe ka shtuar se kjo është përgjegjësi e Serbisë.

Rutte ka theksuar rëndësinë e stabilitetit në Kosovë dhe ka thënë se situata e sigurisë është përmirësuar që nga vitit 1999 dhe duhet të ruhet. Ai përmendi bisedat me presidentin serb, Aleksandar Vuçiç, për këtë çështje.

Në një konferencë për media në Bruksel, Rutte është pyetur gjithashtu nëse NATO është konsultuar për marrëveshjen e bashkëpunimit në mbrojtje ndërmjet Serbisë dhe Hungarisë, të nënshkruar më 1 prill. Rutte ka përmendur se aleanca nuk është konsultuar, ndërkohë që ka përmendur edhe marrëveshjen e bashkëpunimit midis Kosovës, Shqipërisë dhe Kroacisë.

Continue Reading

Lajmet

Kurti për formimin e qeverisë: Kemi filluar takimet zyrtare me komunitetet jo shumicë

Published

on

Kryetari i Lëvizjes Vetëvendosje (LVV), Albin Kurti, njoftoi se ka filluar konsultimet me komunitetet jo shumicë për formimin e qeverisë së re. Ai theksoi se ka takuar kryetaren e Partisë së Re Demokratike (NDS) nga komuniteti boshnjak, Emilija Rexhepi, dhe kryetarin e Partisë për Liri, Drejtësi dhe Mbijetesë nga komuniteti serb, Nenad Rashiq. Kurti shtoi se do të zhvillojë takime të tjera shpejt, por nuk specifikoi nëse do të ketë konsultime me ndonjë parti tjetër shqiptare.

Në lidhje me dënimin nga Gjykata e Prishtinës me 250 euro për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore, Kurti reagoi me ironi, duke thënë se shpesh e dënojnë për raste të tilla. Ai u sugjeroi gazetarëve që të mos mërziten për një dënim të tillë.

Continue Reading

Të kërkuara