Lajmet

Kosova shënon 16-vjetorin e miratimit të Kushtetutës

Përgjatë kësaj kohe sipas profesorit Xhavit Shala, Kushtetuta pësoi edhe plotësim-ndryshime, duke përmbushur misionin e saj në shtetndërtim.

Published

on

Janë bërë 16 vjet që nga koha kur Kosova u bë me aktin më të lartë juridiko-politik. Kushtetuta e Republikës së Kosovës u ratifikua në Kuvend më 9 prill 2008 dhe hyri në fuqi më 15 qershor 2008.

Përgjatë kësaj kohe sipas profesorit Xhavit Shala, Kushtetuta pësoi edhe plotësim-ndryshime, duke përmbushur misionin e saj në shtetndërtim.

“Kështuqë dmth me qenë misioni i saj në shtetndërtim është realizuar, në ndërtimin e sistemit juridik thuaj normave juridike, është realizuar ndërtimi i institucioneve demokratike dhe funksionale dhe për ato institucione po e kryejnë misionin konfort Kushtetutës është realizuar dhe vetëdija qytetare për me i njohur të drejtat e tyre kushtetuese me respektuar Kushtetutën është realizuar”, deklaroi Shala.

Në një prononcim për UBTNews, Shala thotë se Kushtetuta pësoi ndryshime edhe në aspektin e respektimit të drejtave të njeriut. Ndonëse përmend faktin që minoritetet ndonjëherë janë pengesë e krijimit të politikave në vend.

“Ata po shfaqin pengesë në realizimin e misionit kushtetues siç janë përshembull format kushtetuese ku pa pjesëmarrjen edhe të tyre nuk mund të realizohet ta themi edhe interesi i shoqërisë në tërësi, prandaj fryma kushtetuese këtu ka qenë vërtetë një frymë demokratike integruese, një frymë që kërkon koncensus në vendimmarrje dhe gjithmonë duke i faktorizuar dhe favorizuar komunitetet pakicë”, deklaroi ai tutje.

Ai më tutje foli edhe për rastet kur është shkelur Kushtetuta e shtetit.

“Por për me realizar një projekt ndoshta politikë partiak shpesh here ka ardhur deri tek cenimi dhe shkelja e Kushtetutës edhe kjo për fat të keq themi këto 16 vite edhe parlamenti edhe qeveria edhe presidenti edhe udhëheqësit e komunave kanë rënë, nuk e kanë ruajtur respektin ndaj Kushtetutës për arsye që e kanë shkelur dhe kjo shkelje nënkupton që qytetarët nëqoftëse subjektet politike nuk i ngrisin vetëdijen me respektuar Kushtetutën, qytetarët duhet me i ndëshkuar”, tha ai.

Kushtetuta e vendit përfshin gjithsej 14 kapituj dhe 162 nene./UBTNews/

Realizoi: Dea Berisha

Lajmet

​Osmani fton në takim partitë për dekretimin e datës së zgjedhjeve lokale

Published

on

By

Presidentja e Republikës së Kosovës ka ftuar në takim partitë politike, ku pritet të diskutohet data e zgjedhjeve të reja lokale.

Këshilltari për media i presidentes Vjosa Osmani, Bekim Kupina bëri të ditur për KosovaPress se takimi do të mbahet të mërkurën.

“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë ai.

Ende nuk dihet ora se kur do të mbahet takimi.

Continue Reading

Lajmet

Global UBT Fest 2025 – Festivali veror i dijes po vjen së shpejti

Published

on

By

Jeni të ftuar të bëheni pjesë e ngjarjes më të madhe dhe më emocionuese të verës në botën e dijes dhe inovacionit! Global UBT Fest 2025 është festivali veror i dijes që mbledh në një vend mbi 30 shkolla verore të ndryshme, me mbi 300 folës kombëtarë dhe ndërkombëtarë nga fusha të ndryshme të shkencës, teknologjisë, artit, kulturës dhe zhvillimit personal.

Ky festival unik zhvillohet gjatë gjithë muajit Korrik 2025, duke ju ofruar një program të pasur dhe shumëdimensional që synon të zgjojë kuriozitetin, të frymëzojë dhe të lidhë njerëz nga e gjithë bota.

Çfarë do të përjetoni në Global UBT Fest 2025?

  • Forume të dedikuara me diskutime dhe debate mbi temat më të rëndësishme dhe aktuale të kohës;
  • Punëtori praktike që ju japin mundësi të mësoni aftësi të reja dhe të zhvilloni potencialin tuaj në fusha të ndryshme;
  • Gara të ndryshme që sfidojnë kreativitetin dhe dijen tuaj, me mundësi për çmime dhe njohje;
  • Koncerte dhe aktivitete kulturore që sjellin argëtim dhe një atmosferë festive për të gjithë pjesëmarrësit;
  • Eksperienca unike që vetëm Global UBT Fest mund t’ju ofrojë — një mundësi për rrjetëzim, shkëmbim ideje dhe krijim lidhjesh të reja në një mjedis stimulues.

Ky festival është projektuar për të ofruar një eksperiencë gjithëpërfshirëse dhe të paharrueshme për çdo pjesëmarrës, qoftë student, profesionist apo thjesht një person që kërkon të zhvillojë veten dhe të zgjojë pasionin për dijen.

Regjistrimi është tashmë i hapur: REGJISTROHU TANI

Mos e humbisni shansin për t’u bërë pjesë e kësaj ngjarje të jashtëzakonshëm.

Për më shumë informacion dhe për të siguruar vendin tuaj, vizitoni: https://forms.office.com/e/kwSSxXfsq0

Bashkohuni me ne këtë verë në Global UBT Fest 2025 dhe përjetoni verën më të pasur me dije, inspirim dhe argëtim!

Continue Reading

Lajmet

Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare

Published

on

By

Në vazhdën e aktiviteteve ndërkombëtare akademike dhe angazhimit të UBT-së për të sjellë ekspertizë globale në auditorë, studentët e Studimeve të Sigurisë zhvilluan me sukses takimin e radhës me Dr. Tanja Tamminen, eksperte e njohur në fushën e politikës së jashtme dhe sigurisë së Bashkimit Evropian.

Ky takim u zhvillua si vazhdim i ligjëratës së mëparshme dhe dëshmon interesimin e ndërsjellë për thellimin e bashkëpunimit ndërmjet UBT-së dhe ekspertëve ndërkombëtarë. Temë qendrore e diskutimit ishte dinamika e përfshirjes së Bashkimit Evropian në misionet civile të menaxhimit të krizave, si dhe ndikimi i tyre në vendet e Ballkanit Perëndimor, përfshirë Kosovën.

Studentët patën mundësinë të ngrenë pyetje më të thelluara dhe të diskutojnë çështje praktike që lidhen me sfidat dhe rolin strategjik të BE-së në garantimin e sigurisë në rajonet me ndjeshmëri politike dhe institucionale. Diskutimi u pasurua me përvoja të drejtpërdrejta nga misionet EULEX në Kosovë dhe EUAM në Ukrainë, të cilat Dr. Tamminen i ndau me pjesëmarrësit me shumë transparencë dhe profesionalizëm.

Ky takim u mundësua falë përkushtimit të Profesor Naim Dedushaj, i cili ka luajtur një rol kyç në ndërtimin e urave të komunikimit me profesionistë të profilit të lartë në nivel evropian. Për më tepër, u diskutuan edhe hapa konkretë për praktika studentore në institucionet evropiane, duke hapur mundësi të reja për studentët që synojnë karrierë ndërkombëtare në fushën e diplomacisë dhe sigurisë.

Continue Reading

Lajmet

UBT organizon punëtori përgatitore në kuadër të projektit ndërkombëtar COWEB

Published

on

By

Në kuadër të projektit ndërkombëtar COWEB, i mbështetur nga programi Erasmus+, Fakulteti Menaxhment, Biznes dhe Ekonomi në UBT organizoi një punëtori përgatitore me studentët pjesëmarrës në këtë iniciativë të rëndësishme ndërkombëtare.

Punëtoria u udhëheq nga Dekani i Fakultetit MBE, Prof. Muhamet Gërvalla, në bashkëpunim me profesorët Gonxhe Beqiri, Engelbert Zefaj dhe Kestrim Avdimetaj, dhe kishte për qëllim përgatitjen e studentëve për prezantimin virtual të planeve të tyre të biznesit më datë 4 qershor, përpara një komisioni vlerësues ndërkombëtar. Studentët kanë punuar për pesë javë me radhë në mënyrë virtuale, së bashku me bashkëmoshatarë nga vendet e Bashkimit Evropian dhe Ballkanit Perëndimor, duke zhvilluar ide inovative për shërbime turistike digjitale.

Propozimet e tyre janë të orientuara drejt objektivave të “Shtegut Trans Dinarik”, një rrugë ndërkombëtare për biçiklistë që kalon nëpër territorin e Kosovës, nga Vërmica deri në Kullë. Këto projekte synojnë të ofrojnë zgjidhje digjitale që përmirësojnë përvojën turistike dhe nxisin zhvillimin e qëndrueshëm të turizmit në rajon.

Projekti COWEB – që fokusohet në konceptin e Mësimit me Bashkëpunim Virtual (Virtual Collaborative Learning) – ka nisur në vitin 2023 dhe tashmë ka hyrë në fazën përmbyllëse. Në këtë projekt marrin pjesë 10 universitete nga 7 vende të ndryshme, përkatësisht 3 nga Bashkimi Evropian dhe 4 nga Ballkani Perëndimor.

Ky aktivitet është një tjetër dëshmi e përkushtimit të UBT-së ndaj përfshirjes në projekte ndërkombëtare, si dhe ndaj promovimit të ndërmarrësisë, inovacionit dhe zhvillimit të qëndrueshëm turistik, duke ofruar mundësi të reja për studentët e saj në një kontekst ndërkombëtar dhe bashkëkohor.

Continue Reading

Të kërkuara