Lajmet

Kosova pranon 50 milionë euro nga Komisioni Evropian

Published

on

Komisioni Evropian ka ndarë edhe 50 milionë euro për Kosovën, në kuadër të huasë për asistencë makro-financiare, me qëllim të adresimit të sfidave të shkaktuara nga pandemia dhe rimëkëmbjen sa më të shpejtë.

Këtë e ka bërë të ditur shefi i Zyrës së BE-së në Kosovë, Tomas Szunyog, i cili në një postim në “Twitter” ka shkruar se BE do të vazhdojë mbështetjen për adresimin e sfidave socio-ekonomike të shkaktuara nga COVID-19 në Kosovë dhe në vendet tjera.

“Komisioni Evropian ka ndarë 50 milionë euro për Kosovën, në kuadër të huasë për asistencë makro-financiare. Një shumë tjetër prej 50 milionë eurosh janë ndarë tashmë për Kosovën, duke e dërguar totalin në 100 milionë euro. Kjo tregon mbështetjen e Bashkimi Evropian për adresimin e sfidave socio-ekonomike, të shkaktuara nga pandemia”, ka shkruar Szunyog.

Në një njoftim për media, Komisioni Evropian po ashtu ka njoftuar se në kuadër të kësaj ndihme, 300 milionë euro janë ndarë për Tunisinë, 30 milionë për Malin e Zi dhe 80 milionë të tjerë për Maqedoninë e Veriut. Këto mjete janë ndarë nga fondi prej 3 miliardë eurosh i BE-së, i rënë dakord në maj të vitit të kaluar për të ndihmuar në zbutjen e pasojave ekonomike të pandemisë COVID-19.

Në kuadër të kësaj marrëveshjeje, Kosova ka pranuar 100 milionë euro nga BE, 50 milionë prej të cilëve ishin ndarë në tetor të vitit të kaluar.

Komisioneri për Ekonomi, Paolo Gentiloni, citohet të ketë thënë se “Bashkimi Evropian mbetet më i përkushtuar se kurrë në përkrahjen e fqinjëve të tij në këto kohë të vështira”.

Aktualitet

KQZ miraton vendime për decertifikim dhe certifikim të kandidatëve për zgjedhjet lokale 2025

Published

on

Komisioni Qendror i Zgjedhjeve (KQZ), në mbledhjen e mbajtur ka miratuar një seri vendimesh për decertifikimin e disa kandidatëve që më herët ishin certifikuar dhe zëvendësimin e tyre me kandidatë të tjerë për zgjedhjet lokale të vitit 2025.

Sipas vendimeve të KQZ-së:
• Lëvizja VETËVENDOSJE!: Decertifikim i 2 kandidatëve dhe certifikim i 3 kandidatëve të rinj
• Lidhja Demokratike e Kosovës (LDK): Decertifikim i 2 kandidatëve dhe certifikim i 2 kandidatëve të rinj
• GUXO: Decertifikim i 3 kandidatëve
• Alternativa: Decertifikim i 2 kandidatëve
• Bashkimi Demokratik: Decertifikim i 1 kandidati
• Kosovski Savez: Decertifikim i 1 kandidati
• Koalicija VAKAT: Decertifikim i 1 kandidati

Këto vendime vijnë në kuadër të përgatitjeve për procesin zgjedhor lokal dhe kanë për qëllim të saktësojnë listat e kandidatëve që do të garojnë në zgjedhjet e vitit 2025, duke siguruar që ato të jenë të përditësuara dhe në përputhje me rregullat e KQZ-së.

Continue Reading

Aktualitet

OEK shpreh shqetësim të thellë lidhur me faturat e energjisë elektrike

Published

on

Oda Ekonomike e Kosovës së bashku me Shoqatën e Prodhuesve të Kosovës në kuadër të saj, kanë shprehur shqetësimin e thellë lidhur me faturat e energjisë elektrike të muajve të fundit, të cilat sipas tyre po shndërrohen në një barrë të papërballueshme për sektorin prodhues.

Në komunikatën e lëshuar për media thuhet se që nga dita e parë, Oda Ekonomike e Kosovës së bashku me Shoqatën e saj Prodhuese, ka ngritur zërin publikisht dhe institucionalisht se dalja e detyrueshme e prodhuesve në tregun e lirë do të rezultojë me çmime të papërballueshme për bizneset. Sot, fatkeqësisht, po vërtetohet pikërisht ajo për të cilën kemi paralajmëruar.

OEK ka paraqitur edhe disa të dhëna zyrtare, që sipas tyre, bizneset prodhuese të obliguara të furnizohen në tregun e lirë kanë paguar 162 €/MWh në qershor 2025 dhe 203 €/MWh në korrik 2025.

Në të njëjtën periudhë, konsumatorët në furnizim të rregulluar kanë paguar vetëm 65–75 €/MWh.

Ky dallim i pajustifikuar, mbi 3 herë më i lartë për prodhuesit, ka sjellë pasoja të rënda për konkurrueshmërinë e fabrikave tona dhe i ka vendosur prodhuesit kosovarë në pozitë të pabarabartë në raport me sektorët e tjerë të brendshëm dhe konkurrentët rajonalë.

Në kulmin e verës, kur normalisht pritet ulje e çmimeve, faturat e prodhuesve janë rritur në nivele rekord. Kjo ngre alarmin se në periudhën e dimrit, kur konsumi dyfishohet, çmimet mund të kalojnë edhe 300 €/MWh, duke shkaktuar pasoja të pariparueshme si:

mbyllje të fabrikave,

humbje të mijëra vendeve të punës,

rrëzim të prodhimit vendor dhe rritje të varësisë nga importet.

 

 

Continue Reading

Aktualitet

Abdixhiku takohet më diplomatë të Francës, diskutohet edhe bllokada institucionale

Published

on

Kryetari i LDK-së, Lumir Abdixhiku, priti në takim të dërguarin e posaçëm të Francës për Ballkanin Perëndimor, René Troccaz dhe ambasadorin e Francës në Kosovë, Olivier Guérot.

Abdixhiku njoftoi se u diskutua edhe bllokada institucionale.

“Gjatë bisedës sonë diskutuam mbi zhvillimet e fundit politike në vend dhe situatën aktuale, veçanërisht sfidat me të cilat po përballet Kosova nga bllokada institucionale deri te pasojat e qeverisjes populiste si dhe qëndrimet e LDK-së karshi kësaj gjendjeje. Theksova qartë se Lidhja Demokratike e Kosovës nuk mbështet praktika që dëmtojnë funksionimin kushtetues dhe normalitetin institucional të vendit. Ata që e kanë nisur këtë rrugëtim, duhet të marrin përgjegjësinë për krizat që i shkaktojnë me vetëdije”, tha ai.

Në fund, shpreha mirënjohjen time për mbështetjen e vazhdueshme që Franca i ka dhënë Kosovës në të gjitha proceset e saj shtetformuese dhe për rolin e rëndësishëm të saj në mbështetjen e integrimit evropian të vendit tonë”, shkroi në Facebook Abdixhiku.

Continue Reading

Aktualitet

59 të vdekur në trafik për shtatë muaj në rrugët e Kosovës

Published

on

59 persona kanë vdekur në aksidentet e trafikut në rrugët e Kosovës në periudhën janar-korrik të këtij viti.

Në një apel për pjesëmarrësit në trafik, Policia ka kërkuar nga drejtuesit e automjeteve që të jenë vixhilentë në komunikacion dhe të shmangin aksidentet të cilat shpesh po rezultojnë me fatalitet.

Në këto shifra nuk janë llogaritur edhe aksidentet e muajit gusht.

“Policia e Kosovës, për të gjithë ata pjesëmarrës në trafik, e në veçanti për drejtuesit e automjeteve, të cilët bëjnë shkelje të ligjeve e rregullave të trafikut po ndërmerr dhe do të ndërmerr masa ndëshkuese sipas ligjeve në fuqi, me te vetmin qellim parandalimin e aksidenteve të tilla tragjike”, thuhet në apelin e Policisë.

 

Continue Reading

Të kërkuara