Sport

Kosova mposhtet nga Greqia në “Fadil Vokrri”

Në Grupin 2 të Ligës C, Kosova ka tri pikë pas dy ndeshjeve

Published

4 years ago

June 6, 2022

UBT.News

Përfaqësuesja e Kosovës ka pësuar disfatë nga Greqia, mbrëmë, me rezultat minimal 0 me 1 në ndeshjen e dytë të edicionit të ri të Ligës së Kombeve që u zhvillua të dielën në stadiumin “Fadil Vokrri”.

Të përzgjedhurit e Alain Giresse e nisën mirë ndeshjen duke krijuar rast të mirë për gol me fillim, me anë të Zenelit, por pa konkretizim. konkretizuar ato. Mundësitë e lëshuara u ndëshkuan nga skuadra mysafire që gjeti golin në mundësinë e parë kur Bakasetas shënoi për 0:1 në minutën e 35-të dhe me këtë rezultat u mbyll pjesa e parë, si dhe tërë ndeshja.

Në pjesën e dytë “Dardanët” tentuan të shënonin, por ishin të pasuksesshëm.

Në 20 minutat e fundit Kosova mbeti me një lojtar më pak në fushë pasi nga loja me karton të kuq u përjashtua Fidan Aliti, madje në minutat shtesë nga loja u përjashtua edhe portieri Arjanet Muriç, pasiqë luajti me dorë jashtë zonës së tij.

Në Grupin 2 të Ligës C, Kosova ka tri pikë pas dy ndeshjeve dhe ndeshjen e radhës e zhvillon ndaj Irlandës Veriore në shtëpi, ndërsa Greqia ka gjashtë pikë dhe është lidere e grupit. /UBTNews/

Related Topics:KOSOVA Alain Giresse Përf

Up Next

Shqipëria nis sot rrugëtimin në Ligën e Kombeve, përballet me Islandën

Don't Miss

LeBron James bëhet miliarder

Vendi

Akil Gjakova mbyll garën pa medalje në Abu Dhabi

Published

17 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

17 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

19 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/