7 Marsi njihet si Dita e Mësuesit dhe festohet me krenari në të gjitha shkollat dhe institucionet arsimore. Kjo është një ditë simbolike, e cila na kujton dhe na bën të vlerësojmë përkushtimin e mësuesve në edukimin dhe përgatitjen e brezave të ardhshëm.

Historia e kësaj dite lidhet me hapjen e Mësonjëtores së parë shqipe më 7 mars 1887 në Korçë, një ngjarje historike që shënoi një hap të madh drejt zhvillimit të arsimit kombëtar. Në atë kohë, shqiptarët mësonin gjuhën shqipe fshehurazi për shkak të sundimit osman, dhe themelimi i kësaj shkolle ishte një fitore e madhe për kulturën dhe identitetin kombëtar. Mësonjëtorja qëndroi e hapur për dy dekada, duke u drejtuar nga figura të shquara të Rilindjes Kombëtare si Pandeli Sotiri, Petro Nini Luarasi, Nuçi Naçi, Thoma Avrami dhe të tjerë.

Gjatë periudhës komuniste, Dita e Mësuesit mori një rëndësi të veçantë dhe u kthye në një nga festat më të shënuara të arsimit. Ishte një traditë e bukur që nxënësit të vizitonin mësuesit në shtëpi, duke i uruar me lule dhe libra, ndërsa mësuesit i prisnin me ëmbëlsira dhe fruta.

Deri në fillim të viteve ’90, për të nxitur cilësinë e mësimdhënies, mësuesit më të dalluar nderoheshin me titujt “Mësues i Merituar” dhe “Mësues i Popullit”. Edhe pse këto tituj nuk përdoren më aq shpesh, respekti dhe vlerësimi për figurën e mësuesit mbetet i pandryshuar.

Sot përfundon manifestimin në kujtim dhe nderim të Epopesë së lavdishme të Ushtrisë Çlirimtare të Kosovës dhe heroizmit të Komandantit Legjendar Adem Jashari, familjes Jashari dhe të gjithë të rënëve për lirinë dhe pavarësinë e Kosovës.

Aktivitete të shumta janë shënuar më 5 dhe 6 mars, në 27-vjetorin e rënies heroike të komandantit legjendar Adem Jashari dhe familjes Jashari.

Në ditën e tretë të Epopesë, duke filluar nga ora 17:45, fillon ndezja e flakadanëve në Kompleksin Memorial “Adem Jashari” në Prekaz.

Pas ndezjes së flakadanëve, vazhdon manifestimi “Nata e Zjarreve” me program kulturo-artistik në Sheshin “Adem Jashari” në Skenderaj.

Dje presidentja Vjosa Osmani, kryeministri Albin Kurti, kryekuvendari Glauk Konjufca kanë bërë homazhe për 27-vjetorin e ngjarjes, flijimin e familjes Jashari, duke u përjetësuar në historinë shqiptare.

Përveç tyre, homazhe bënë edhe personalitete të tjera të ekzekutivit dhe të qeverisjes lokale.

Gjashtë persona janë arrestuar në Rumani nën dyshimin për planifikimin e një grushti shteti dhe lidhje me Rusinë, sipas Njësisë Kundër Krimit të Organizuar të prokurorisë rumune. Të dyshuarit, që kanë pasur kontakte me agjentë të huaj në territorin rumun dhe rus, përfshijnë një ish-gjeneral në pension 101-vjeçar, i njohur për përhapjen e propagandës antisemite.

Prokuroria ka kërkuar paraburgim për katër të dyshuarit dhe arrest shtëpiak për dy të tjerë, ndërsa një gjykatës pritet të vendosë për masat. Ata akuzohen për tradhti dhe krijimin e një grupi kriminal, i cili ka planifikuar të dëmtojë sovranitetin dhe pavarësinë e Rumanisë që nga viti 2023. Sipas prokurorisë, qëllimi ishte nxjerrja e Rumanisë nga NATO, eliminimi i rendit kushtetues dhe marrja e pushtetit.

Dy nga të arrestuarit udhëtuan për në Moskë në janar, ku kërkuan mbështetje për grupin e tyre. Gjithashtu, ata planifikonin krijimin e një grupi paraushtarak për destabilizimin e rendit kushtetues në Rumani, duke kërkuar mbështetje nga oficerët e ambasadës ruse në Bukuresht./UBTNews/