

Sport
Kosova e gatshme për ndeshjen e madhe me Malin e Zi, ëndërrohet Evropiani
Published
4 years agoon
By
Betim GashiHendbollistët e Kosovës janë të vetëdijshëm për rëndësinë e jashtëzakonshme të ndeshjes me Malin e Zi.
Kosova e Mali i Zi takohen të mërkurën nga ora 19:30 në Pallatin e Rinisë dhe Sportit në Prishtinë. Ndeshja i takon grupit të tetë të fazës së dytë kualifikuese për Evropianin e vitit të ardhshëm. Përfaqësuesja që shënon fitore do të jetë shumë pranë kualifikimit në Evropian.
Te Kosova ëndërrojnë kualifikimin, që do të ishte historik. Pas barazimit dhe fitores me Rumaninë, që ka të kaluar të lavdishme, te Kosova besojnë se mund ta mposhtin Malin e Zi në Prishtinë dhe ta bëjnë hapin vendimtar drejt Evropianit.
Kosova është e treta në grupin e tetë me 3 pikë, sa i ka edhe Rumania në vend të dytë. Suedia udhëheq me 6 pikë nga tri ndeshje, kurse Mali i Zi është i fundit me 2 pikë nga tri ndeshje. Dy të parët në grup kualifikohen në Evropian. Po ashtu kualifikohen katër prej tetë përfaqësueseve më të mira që renditen në pozitën e tretë nëpër grupe.
Kosova është në garë për pozitën e dytë dhe të tretë. Me fitore eventuale ndaj Malit të Zi, fati i saj do të përcaktohej të dielën, kur luhen ndeshjet e fundit. Me humbje, gjasat thuajse nuk ekzistojnë. Ndërkohë barazimi nuk dihet ende nëse do të kryej punë. Kosova të dielën mbyll kualifikimet me ndeshjen në udhëtim ndaj Suedisë.
Kosova është grumbulluar të mërkurën e kaluar për t’u përgatitur për ndeshjen më të madhe të saj deri më tani. Vetëm të hënën grupi i lojtarëve është kompletuar plotësisht. Mali i Zi, që lojtarët i ka në nivel dukshëm më të lartë, është mbledhur të hënën dhe të martën ka udhëtuar për në Kosovë.
“Si çdo ndeshje tjetër, edhe kësaj i qasemi me shumë seriozitet dhe me synim për fitore. Kjo ndeshje për dallim nga të tjerat, ka një rëndësi më të madhe, pasi që në rast të fitores, kemi gjasa të jemi në Kampionat Evropian. Jemi pak në presion për këtë ndeshje, por ekipi i Malit të Zi mendoj që ka më shumë presion. Nëse e japim maksimumin, luajmë lojë të kujdesshme dhe efikase, besoj se në fund do të arrijmë të kemi rezultatin që e dëshirojmë”, ka theksuar kapiteni i Kosovës, Valon Dedaj.
Ai do ta udhëheqë lojën e Kosovës në sulm.
Ndërkohë, në mbrojtje lider si çdo herë pritet të jetë Bujar Ramosaj. Ai lufton për çdo top dhe rrallë lejon të kalohet.
“Që prej ditës së parë të grumbullimit, përgatitjet kanë shkuar shumë mirë. Nuk kemi pasur ndonjë problem. Synimet janë të qarta – të tregojmë lojë të mirë dhe të nivelit të lartë. Kualifikimi i mundshëm në Evropian na motivon edhe më shumë, edhe pse do të jetë një ndeshje e vështirë. Ne do të tregojmë lojën tonë dhe do të japim maksimumin”, thotë Ramosaj.
Ndaj Rumanisë në Bukuresht, Kosova kishte paraqitje të nivelit të lartë. Një paraqitje e tillë në Prishtinë me shumë mundësi do të ishte e mjaftueshme ndaj Malit të Zi.
Kosova do të jetë pa selektorin Bujar Qerimi, që për shkaqe shëndetësore nuk ka mundur të udhëtoj nga Belgjika. Qerimi e ka kaluar koronavirusin, por mjekët ia kanë ndaluar që të udhëtojë.
Ekipin do ta drejtojë trajneri i parë, Fatmir Muhaxheri. Por këshilla, sidomos për lojën në sulm priten edhe nga kapiteni Dedaj.
Ende asnjë përfaqësuese e Kosovës nuk është kualifikuar në Evropian. Nëse përfaqësuesja e hendbollit e arrin këtë, atëherë do të ishte sukses historik. Përmes hendbollit, Kosova kishte luajtur në Botërorin e juniorëve, dy vjet më parë në Spanjë.
Mali i Zi ka luajtur shpesh në Evropian, ndërsa i ka lojtarët në nivel të lartë klubesh.
Për në Prishtinë, Mali i Zi ka udhëtuar pa qendrën Radojica Çepiq, që është me koronavirus, dhe bekun e djathtë, Stefan Çavor, që është i lënduar. Çavor është lënduar në fundjavë.
Më herët ishte konfirmuar që për shkak të lëndimit, mungon edhe Milosh Vujoviq, ndërsa Stevan Vujoviq nuk ka mundur të udhëtojë nga Katari.
Ndeshjen e parë e kishte fituar Mali i Zi me 32:25, në Podgoricë.
“Ata (kosovarët) janë të mirë, kanë zënë ritmin, kanë befasuar Rumaninë në dy ndeshjet. Janë pa kompromis dhe luftarak, por ne jemi favoritë. Nuk mund të themi që ata janë favoritë ndaj nesh. Ne kemi luajtur në gara të mëdha, kemi mposhtur përfaqësuese shumë më të forta se Kosova. Te ne është që mos të lejojmë hapësirë për befasi”, ka thënë portieri i Malit të Zi, Nebojsha Simiq.
Sport
Luka Modric: “Serie A është një ligë shumë e vështirë, por e shijoj çdo moment”
Published
14 hours agoon
August 30, 2025By
UBTNews
Luka Modric ka dhënë asistimin e tij të parë në Serie A mbrëmjen e së premtes, duke treguar se sa sfiduese mund të jetë kampionati italian. Mesfushori kroat ishte në formacionin titullar për Milanin në fitoren 2-0 ndaj Lecces në Stadio Via del Mare, ku golat u shënuan nga Ruben Loftus-Cheek dhe Christian Pulisic.
Pas ndeshjes, Modric ka shpërndarë mendimet e tij për eksperiencën në Serie A. Ai tha për DAZN dhe Sky Sport Italia: “Ndihem shumë mirë, gjithçka është perfekte. Shkoj mirë me shokët e ekipit, ndihem i qetë. Ende duhet të gjej një shtëpi, por përveç kësaj, gjithçka është mirë! Sigurisht, gjithçka ndihet edhe më mirë kur fiton.”
Milanit i ka duhur të ndryshojë formacionin nga 4-3-3 në një 3-5-2, dhe Modric ka përmendur kërkesat e trajnerit Massimiliano Allegri: “Ne ende po njihemi me njëri-tjetrin, ai më kërkoi ta ndihmoja ekipin të lëvizte me më shumë rrjedhshmëri. Po punoj për t’u rikthyer në formë fizike dhe shpresoj të jem në 100 për qind pas pushimit ndërkombëtar.”
Një tjetër detaj interesant është kërkesa e Allegrit që Modric të komunikojë më shumë me lojtarët e rinj, për t’i dhënë atyre më shumë besim në fushë. “Trajneri më kërkon të flas shumë në fushë, pasi ka shumë lojtarë të rinj dhe ata kanë nevojë për vetëbesim,” ka thënë ai.
Modric, i cili ka qenë tifoz i Milanit gjatë fëmijërisë së tij në Kroaci, shpjegoi gjithashtu arsyet që e bënë të bëjë realitet ëndrrën e tij për të luajtur në Serie A në moshën 39 vjeçare: “Gjithmonë e kam parë futbollin italian, ka shumë lojtarë kroatë këtu dhe mbi të gjitha e vlerësoj Milanin. Kam luajtur shumë ndeshje kundër ekipeve italiane, e di sa të organizuar janë taktikisht në çdo fazë.”
Modric e ka pranuar se Serie A është një ligë shumë e vështirë për t’u përshtatur, por është gjithashtu një përvojë që po e shijon. “Ende duhet të mësohem me këtë, pasi kjo është një ligë shumë e vështirë. Duhet të jemi në gatishmëri në çdo ndeshje dhe të japim gjithçka që kemi për të fituar. Deri tani, po e shijoj shumë atë që kam parë,” ka përfunduar ylli kroat.
Sport
Fermin Lopez në prag të transferimit te Chelsea, Barcelona kërkon 90 milionë euro
Published
14 hours agoon
August 30, 2025By
UBTNews
Fermin Lopez, mesfushori 22-vjeçar i Barcelonës, po kalon në një moment vendimtar për të ardhmen e tij te klubi katalanas. Shumë afër një transferimi të mundshëm te Chelsea këtë javë, Lopez është gjithashtu i lidhur me Newcastle United, i cili ka shprehur interes të fortë për shërbimet e tij.
Edhe pse trajneri Hansi Flick ka deklaruar më parë se dëshironte ta mbante Lopezin te Barcelona, Chelsea ka kontaktuar zyrtarisht për një transferim dhe mesfushori po shqyrton mundësinë e një largimi. Chelsea është e gatshme të dyfishojë pagën e tij për të siguruar një kalim në Stamford Bridge, por Barcelona ka vendosur një çmim të lartë prej 90 milionë eurosh, shumë që vetëm Newcastle është aktualisht në gjendje ta plotësojë.
Raportet nga Katalunia sugjerojnë se Lopez preferon të qëndrojë te Barcelona, por ka kërkuar leje për të negociuar me Chelsea. Për momentin, mbetet e paqartë nëse klubet janë të gatshme të arrijnë një marrëveshje, pasi Chelsea ka një limit prej 50 milionë eurosh për transferime.
Ish-mesfushori i Barcelonës, Sergio Busquets, ka dhënë një paralajmërim për shitjen e lojtarëve nga La Masia, duke theksuar rëndësinë e përvojës dhe mentalitetit që lojtarët e akademisë ofrojnë për klubin. Ai ka shtuar se, pavarësisht se është një vendim individual i lojtarit, Barcelona duhet të kujdeset për interesat e tij dhe të klubit.
Tifozët e Barcelonës janë të ndarë në lidhje me këtë çështje, ndërsa të gjitha palët tani presin një përditësim nga Lopez për të përcaktuar hapat e ardhshëm.
Sport
Besnik Krasniqi pas kualifikimit historik: “Suksesi më i madh në karrierën time”
Published
2 days agoon
August 29, 2025By
UBTNews
Besnik Krasniqi, autori i golit vendimtar në fitoren e Dritës kundër Differdanget, ka shprehur entuziazëm të madh pas kualifikimit historik të skuadrës nga Gjilani në fazën e grupeve të Ligës së Konferencës së UEFA-s.
Drita fitoi të dyja ndeshjet e fazës play-off – 2-1 në Prishtinë dhe 1-0 në Luksemburg – me Krasniqin që shënoi nga pika e bardhë në sfidën e kthimit, duke vulosur rezultatin e përgjithshëm 3-1.
“Jam shumë i lumtur për fitoren dhe që goli im ishte vendimtar. Ishim pak në presion, pasi e kemi ditur se është natë historike. Dhe ia arritëm. Jam shumë i lumtur për tifozët e Dritës, po ashtu për presidentët që kanë bërë punë të jashtëzakonshme dhe e kanë merituar këtë,” tha Krasniqi pas ndeshjes.
Mesfushori e cilësoi këtë si suksesin më të madh në karrierën e tij deri më tani, por theksoi se skuadra nuk do të ndalet këtu: “Ky nuk është fundi. Kemi ende punë. Në grupe do të jemi më të qetë dhe do të bëjmë lojëra shumë më të mira.”
Ai gjithashtu u ndal te presioni që kishte ndjerë skuadra si favorite, por theksoi se menaxhimi i situatës ishte çelësi i suksesit: “Si favoritë kishim një lloj presioni, por e menaxhuam mirë dhe në fund u shpërblyem. Falënderoj tifozët dhe familjen time për mbështetjen.”
Sport
Kualifikim historik dhe përfitime rekord për Shkëndijën
Published
2 days agoon
August 29, 2025By
UBTNews
Shkëndija e Tetovës është kualifikuar për herë të parë në fazën e grupeve të Ligës së Konferencës së UEFA-s, duke shënuar arritjen më të madhe në historinë e klubit, si në aspektin sportiv ashtu edhe atë financiar.
Skuadra e drejtuar nga Jeton Beqiri tashmë ka garantuar mbi 3 milionë euro përmes kësaj pjesëmarrjeje — një shumë rekord për futbollin në Maqedoninë e Veriut.
Sipas strukturës së shpërblimeve të UEFA-s, çdo ekip që arrin në fazën e grupeve përfiton 3.2 milionë euro si shpërblim bazë. Kjo shumë mund të rritet më tej, pasi çdo fitore në grup sjell 400 mijë euro shtesë, ndërsa një barazim vlerësohet me 133 mijë euro.
Kualifikimi për në grupe përfaqëson një hap të madh për Shkëndijën, duke i siguruar klubit stabilitet të rëndësishëm financiar dhe një bazë për zhvillim të mëtejshëm afatgjatë. Për më tepër, kjo pjesëmarrje e vendos klubin tetovar në një pozicion të ri në skenën evropiane, si përfaqësues i denjë i futbollit nga Maqedonia e Veriut.

Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes

UBT: Programi i vetëm i Studimeve të Sigurisë në Kosovë, edhe pak vende të lira për regjistrim

Basha mbyll seancën konstituive, asnjë deputetë serbë nuk merr votat për nënkryetar

Murati: Sot është dita vendimtare për konstituimin e Kuvendit të Kosovës

Balje: Procesi për nënkryetarin e pestë kërkon vendim nga Gjykata Kushtetuese

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Lista Serbe dërgon ankesë në Gjykatën Kushtetuese për “shkelje të të drejtave të popullit serb” në Kuvend

Zemaj: VV po zvarrit konstituimin e Kuvendit për shkak të mungesës së numrave për qeveri

Qalaj: Nuk e votoj Nenad Rashiqin, nuk dua të jem pjesë e shkeljeve kushtetuese
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA